يولباش بىلوگى

版权声明：转载时请以超链接形式标明文章原始出处和作者信息及本声明
http://www.blogbus.com/yolbash-logs/36964665.html

            ﻣﯘﮬﻪﺑﺒﻪت ﺋﺎﭼﻘﯘﭼﻰ

         ﺷﺎررۇن ۋﯨﺘﻠﯧﻲ 

   ﻣﻪن ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜرﮔﻪﻧﺪﯨﻦ ﻛﯧﻴﯩﻦ، ﺑﯩﺮ ﺋﺎلاﮬﯩﺪە ﻣﺎﺋﺎرﯨﭗ ﻣﻪﻛﺘﯩﭙﯩﺪﯨﻦ ﺧﯩﺰﻣﻪت ﺗﺎﭘﺘﯩﻢ، ﻣﻪﻛﺘﻪپ ﺑﯩﻠﻪن ﺋﯚﻳﯜﻣﻨﯩﯔ ﺋﺎرﯨﻠﯩﻘﻰ ﺗﻪﺧﻤﯩﻨﻪن 170ﺋﯧﻨﮕﻠﯩﺰ ﻣﯩﻞ ﻛﯧﻠﻪﺗﺘﻰ. ﻣﻪﻛﺘﻪپ ﺷﻪﮬﻪردﯨﻜﻰ ﺋﺎﻣﺎﻧﻠﯩﻘﻰ ﺋﻪڭ ﻧﺎﭼﺎر ﺟﺎﻳﺪا ﺑﻮﻟﯘپ، ﺑﯘ ﻳﻪردە زەﮬﻪر ﭼﻪﻛﻜﯜﭼﯩﻠﻪر، ﻳﺎﻧﭽﯘﻗﭽﯩلار ۋە ﺑﯘلاﯕﭽﯩلار ﮬﻪﻣﯩﺸﻪ ﺋﯘﭼﺮاپ ﺗﯘراﺗﺘﻰ. ﺑﯘ ﻣﻪﻛﺘﻪﭘﻨﻰ ﻗﯘرۇﺷﺘﯩﻤﯘ ﺋﺎﺷﯘﻧﺪاق ﺋﺎزﻏﺎن ﻳﺎﺷلارﻧﻰ ﺗﻪرﺑﯩﻴﯩﻠﻪش ﻣﻪﻗﺴﻪت ﻗﯩﻠﯩﻨﻐﺎﻧﯩﺪى.
      ﮬﻪر ﮬﻪﭘﺘﯩﻨﯩﯔ ﺋﺎﺧﯩﺮى ﺋﯚﻳﮕﻪ ﻗﺎﻳﺘﻘﺎن ﭼﯧﻐﯩﻤﺪا دادام ﻣﯧﻨﻰ «ﺋﯧﮭﺘﯩﻴﺎت ﻗﯩﻠﻐﯩﻦ» دەپ ﺋﺎﮔﺎﮬلاﻧﺪۇرۇپ ﺗﯘراﺗﺘﻰ. ﺋﯘ ﻣﯧﻨﯩﯔ ﻳﺎﻟﻐﯘز ﺗﯘرﻏﯩﻨﯩﻤﺪﯨﻦ ﺋﻪﻧﺴﯩﺮەﻳﺘﺘﻰ. ﻟﯧﻜﯩﻦ ﻣﻪن داداﻣﻨﯩﯔ ﺋﺎﮔﺎﮬلاﻧﺪۇرۇﺷﯩﻐﺎ ﮬﻪﻣﯩﺸﻪ ﺋﺎﻧﭽﻪ ﭘﻪرۋا ﻗﯩﻠﻤﯩﻐﺎن ﮬﺎﻟﺪا: «ﺋﻪﻧﺴﯩﺮﯨﻤﻪڭ دادا» دەﭘلا ﻗﻮﻳﺎﺗﺘﯩﻢ.
    ﺑﯩﺮ ﻛﯜﻧﻰ ﻣﻪن ﺋﯩﺸﺘﯩﻦ ﻧﺎﮬﺎﻳﯩﺘﻰ ﻛﻪچ ﭼﯜﺷﺘﯜم، ﺑﯘ ﭼﺎﻏﺪا ﮬﻪﻣﻤﻪﻳﻠﻪن ﺋﯩﺸﺘﯩﻦ ﭼﯜﺷﯜپ ﺋﯚﻳﻠﯩﺮﯨﮕﻪ ﻗﺎﻳﺘﯩﭗ ﺑﻮﻟﯘﺷﻘﺎن، ﻣﻪﻛﺘﻪپ دەرۋازﯨﺴﯩﻤﯘ ﺋﺎﻟﻠﯩﻘﺎﭼﺎن ﺗﺎﻗﯩﯟﯦﺘﯩﻠﮕﻪﻧﯩﺪى. ﻣﻪن ﺋﻪﺗﺮاﭘﻨﻰ ﺑﯩﺮ ﻗﯘر ﺋﺎﻳﻠﯩﻨﯩﭗ ﭼﯩﻘﺘﯩﻢ ﮬﻪﻣﺪە ﺧﯧﻠﻰ ﺋﺎۋارە ﺑﻮﻟﯘپ، ﺋﺎﺧﯩﺮ ﺑﯩﺮ ﭘﺎﻛﺎر ﺗﺎﻣﺪﯨﻦ ﺋﺎرﺗﯩﻠﯩﭗ ﭼﯜﺷﯜپ، ﻣﻪﻛﺘﻪﭘﺘﯩﻦ ﭼﯩﻘﯩﯟاﻟﺪﯨﻢ.
   ﻣﻪن ﮬﺎﺳﯩﺮاپ - ﮬﯚﻣﯩﺪﯨﮕﯩﻨﯩﻤﭽﻪ ﻛﻮﭼﯩﻐﺎ ﭼﯩﻘﯩﭗ، ﻳﯧﻘﯩﻨلا ﺟﺎﻳﺪا ﺗﯘرﻏﺎن ﭘﯩﻜﺎﭘﯩﻤﻐﺎ ﻗﺎراپ ﻣﺎﯕﺪﯨﻢ. ﺗﯘﻳﯘﻗﺴﯩﺰ ﻛﻪﻳﻨﯩﻤﺪﯨﻦ ﺋﯩﺴﻘﯩﺮﺗﻘﺎن، ﻣﻪﺳﺨﯩﺮە ﻗﯩﻠﯩﭗ ﻛﯜﻟﮕﻪن ﺋﺎۋازلار ﺋﺎﯕلاﻧﺪى. ﺑﯘرۇﻟﯘپ ﻛﻪﻳﻨﯩﻤﮕﻪ ﻗﺎرﯨﺴﺎم، ﺋﺎﻧﭽﻪ ﻳﯩﺮاق ﺑﻮﻟﻤﯩﻐﺎن ﺟﺎﻳﺪا ﻳﻪﺗﺘﻪ - ﺳﻪﻛﻜﯩﺰ ﺋﻮﺗﺘﯘرا ﻣﻪﻛﺘﻪپ ﺋﻮﻗﯘﭼﯩﺴﻰ ﻣﺎﯕﺎ ﻗﺎراپ ﻛﯧﻠﯩﯟﯦﺘﯩﭙﺘﯘ. ﻣﻪن ﺑﯩﺮ ﻗﺎراﭘلا ﺋﯘلارﻧﯩﯔ ﻏﻪرﯨﺰﯨﻨﯩﯔ ﻳﺎﻣﺎﻧﻠﯩﻘﯩﻨﻰ ﺑﯩﻠﯩﺪﯨﻢ.
   «ﮬﻪي! ﺳﯩﺰ ﺋﻮﻗﯘﺗﻘﯘﭼﯩﻤﺎ؟» ﺑﯩﺮەﻳﻠﻪن ﻣﺎﯕﺎ ﻗﺎراپ ۋاﻗﯩﺮﯨﺪى.
   «ﺋﯘﻧﺪاق ﺋﻪﻣﻪﺳﺘﯘ، ﺋﯘ ﻛﯩﭽﯩﻜلا ﺗﯘرﻣﺎﻣﺪۇ، ﺑﻪك ﺑﻮﻟﺴﺎ ﻳﺎردەﻣﭽﻰ ﺋﻮﻗﯘﺗﻘﯘﭼﯩﺪۇ» دﯦﺪى ﻳﻪﻧﻪ ﺑﯩﺮەﻳﻠﻪن.
   ﻣﻪن ﺋﯩﺨﺘﯩﻴﺎرﺳﯩﺰ ﻗﻪدﯨﻤﯩﻤﻨﻰ ﺋﯩﺘﺘﯩﻜﻠﻪﺗﺘﯩﻢ. ﺋﯘلار ﻣﯧﻨﻰ «ﺋﯘ ﺑﻪك ﭼﺎﻗﻘﺎﻧﻜﻪن ﮬﻪ!» دەپ ﻣﯧﻨﻰ ﻣﻪﺳﺨﯩﺮە ﻗﯩﻠﯩﭗ ﻛﯜﻟﯜﺷﺘﻰ. ﻗﯧﺮﯨﺸﻘﺎﻧﺪەك، ﺳﯘﻣﻜﺎﻣﻨﻰ ﺷﯘﻧﭽﻪ ﺋﺎﺧﺘﯘرۇﭘﻤﯘ ﭘﯩﻜﺎﭘﯩﻤﻨﯩﯔ ﺋﺎﭼﻘﯘﭼﻰ ﺳﯧﻠﯩﻨﻐﺎن ﻗﺎﭘﭽﯘﻗﻨﻰ زادﯨلا ﺗﺎﭘﺎﻟﻤﯩﺪﯨﻢ، ﺑﯩﺮدﯨﻨلا ﭘﯘت - ﻗﻮﻟﻠﯩﺮﯨﻢ ﻛﺎﻟﯟاﻟﯩﺸﯩﭗ، ﻗﻪدەﻣﻠﯩﺮﯨﻢ ﻗﺎلاﻳﻤﯩﻘﺎﻧلاﺷﺘﻰ، ﻳﯜرﯨﻜﯩﻢ ﺳﯧﻠﯩﭗ، ﺋﯚﭘﻜﻪم ﺋﺎﻏﺰﯨﻤﻐﺎ ﻛﻪﭘﻠﯩﺸﯩﭙلا ﻗﺎﻟﺪى.
«ﺋﯘﻧﻰ ﺗﯘﺗﺎﻳﻠﻰ!» دەپ ۋاﻗﯩﺮﯨﺪى ﺑﯩﺮەﻳﻠﻪن.
   «ﺧﯘدا، ﻣﯧﻨﻰ ﻗﯘﺗﻘﯘزﻏﯩﻦ!» ﻣﻪن ﺋﯩﭽﯩﻤﺪە ﺷﯘﻧﺪاق دەپ دۇﺋﺎ ﻗﯩﻠﻐﺎچ، ﻳﺎﻧﭽﯘﻗﯘﻣﻨﻰ داۋاﻣﻠﯩﻖ ﺋﺎﻗﺘﯘردﯨﻢ، ﺗﯘﺳﺎﺗﺘﯩﻦ ﻗﻮﻟﯘﻣﻐﺎ ﺳﻮﻏﯘق ﺑﯩﺮ ﻧﻪرﺳﻪ ﺋﯘرۇﻟﺪى، « ﺑﯘ ﻧﯧﻤﯩﺪۇ؟ ﺗﻪﯕﮕﯩﻤﯩﺪۇ؟» ﻳﺎق، ﺗﻪﯕﮕﻪ ﺋﻪﻣﻪس، ﺑﻪﻟﻜﻰ ﺑﯩﺮ ﺗﺎل ﺋﺎﭼﻘﯘچ ﺋﯩﻜﻪن. ﺑﯘ ﺋﺎﭼﻘﯘﭼﻨﯩﯔ ﻗﺎﻧﺪاق ﻗﯩﻠﯩﭗ ﻳﺎﻧﭽﯘﻗﯘﻣﺪا ﭘﻪﻳﺪا ﺑﻮﻟﯘپ ﻗﺎﻟﻐﯩﻨﯩﻐﺎ زادﯨلا ﺋﻪﻗﻠﯩﻢ ﻳﻪﺗﻤﯩﺪى، ﺑﯘﻧﯩﯔ ﻣﯧﻨﯩﯔ ﭘﯩﻜﯩﭙﯩﻤﻨﯩﯔ ﺋﺎﭼﻘﯘﭼﻰ ﻳﺎﻛﻰ ﺋﻪﻣﻪﺳﻠﯩﻜﯩﻨﯩﻤﯘ ﺑﯩﻠﻪﻟﻤﯩﺪﯨﻢ، ﻟﯧﻜﯩﻦ ﻣﻪن ﺋﯘﻧﻰ ﺧﯘددﯨﻲ ﻣﯧﻨﻰ ﻗﯘﺗﻘﯘزﯨﺪﯨﻐﺎن ﺋﻪﯕﮕﯜﺷﺘﻪرﻧﻰ ﺗﯘﺗﻘﺎﻧﺪەك، ﭼﯩﯔ ﺳﯩﻘﻘﯩﻤﺪﯨﻐﯩﻨﯩﻤﭽﻪ، ﭘﯩﻜﯩﭙﯩﻤﻐﺎ ﻗﺎراپ ﺋﯘﭼﻘﺎﻧﺪەك ﻳﯜﮔﯜردۈم.
     ﺧﯘداﻏﺎ ﻣﯩﯔ ﺷﯜﻛﺮى! ﭘﯩﻜﯩﻤﻨﯩﯔ ﺋﯩﺸﯩﻜﻰ ﺋﯧﭽﯩﻠﺪى، ﻣﻪن ﭘﯩﻜﺎﭘﻘﺎ ﭼﯩﻘﯩﭙلا ﺋﯩﺸﻜﻨﻰ ﭼﯩﯔ ﺋﯧﺘﯩﯟاﻟﺪﯨﻢ. ﺋﯧﺸﯩﻜﻨﻰ ﺋﯧﺘﯩﭗ ﺗﯘرۇﺷﯘﻣﻐﯩلا ﮬﯧﻠﯩﻘﻰ ﺑﯩﺮ ﺗﻮپ ﺑﺎلا ﻳﯧﺘﯩﭗ ﻛﯧﻠﯩﭗ، ﭘﯩﻜﯩﭙﯩﻤﻨﻰ ﻗﻮرﺷﯩﯟاﻟﺪى ﮬﻪﻣﺪە ﭘﯩﻜﯩﭙﯩﻤﻨﯩﯔ ﺋﻪﻳﻨﻪﻛﻠﯩﺮﯨﮕﻪ ﻣﯘﺷﺘﻠﯩﺪى، ﺋﯩﺸﯩﻜﯩﻨﻰ ﺗﻪﭘﺘﻰ. ﻣﻪن ﮬﯧﭽﻨﯩﻤﯩﮕﻪ ﻗﺎرﯨﻤﺎي، ﭘﯩﻜﺎﭘﻨﻰ ﺋﻮت ﺋﺎﻟﺪۇرۇپ، ﺋﯘﭼﻘﺎﻧﺪەك ﻳﯜرۈپ ﻛﻪﺗﺘﯩﻢ.
   ﺋﺎرﯨﺪﯨﻦ ﺋﯘزۇن ﺋﯚﺗﻤﻪي، ﺳﺎﻗﭽﯩلار ۋە ﺑﯩﺮ ﻗﺎﻧﭽﻪ ﺋﻮﻗﯘﺗﻘﯘﭼﻰ ﻣﯧﻨﻰ ﻣﻪﻛﺘﻪﭘﻜﻪ ﺋﻪﻛﯩﻠﯩﭗ ﻗﻮﻳﺪى. ﻣﻪن ﺋﯘلاردﯨﻦ ﺑﯩﺮ ﻗﻮﻟﭽﯩﺮاﻏﻨﻰ ﺋﺎرﯨﻴﻪت ﺋﯧﻠﯩﭗ، ﺋﺎﭘﺘﻮﻣﻮﺑﯩﻞ ﺗﻮﺧﺘﯘﺗﯘش ﻣﻪﻳﺪاﻧﯩﻨﯩﯔ ﻳﯧﻨﯩﺪﯨﻜﻰ ﻳﻮﻟﺪﯨﻦ ﺋﺎﭼﻘﯘچ ﻗﺎﭘﭽﯘﻗﯘﻣﻨﻰ ﺗﺎﭘﺘﯩﻢ. ﺑﻪﻟﻜﯩﻢ ﺋﺎﭼﻘﯘچ ﻗﺎﭘﭽﯘﻗﯘم ﻗﺎلاﻳﻤﯩﻘﺎﻧﭽﯩﻠﯩﻘﺘﺎ ﭼﯜﺷﯜپ ﻗﺎﻟﻐﺎن ﺑﻮﻟﺴﺎ ﻛﯧﺮەك. ﻣﻪن ﮔﺎﯕﮕﯩﺮاﭘلا ﻗﺎﻟﺪﯨﻢ، ﺋﯘﻧﺪاﻗﺘﺎ ﺑﺎﻳﯩﻘﻰ ﺋﺎﭼﻘﯘچ زادى ﻧﻪدﯨﻦ ﭘﻪﻳﺪا ﺑﻮﻟﯘپ ﻗﺎﻟﻐﺎﻧﺪۇ؟ ﺋﻪﺟﯩﺒﺎ ﺷﯘ ﺧﻪﺗﻪرﻟﯩﻚ ﭘﻪﻳﺘﺘﻪ ﻣﺎﯕﺎ ﺧﯘدا ﻳﺎردەم ﻗﯩﻠﻐﺎﻧﻤﯩﺪۇ؟ ﺑﯘﻧﯩﯖﻐﺎ زادﯨلا ﺋﻪﻗﻠﯩﻢ ﻳﻪﺗﻤﯩﺪى.
   ﻣﻪن ﺑﯘ ﺋﯩﺸﺘﯩﻦ ﺧﺎﺗﯩﺮە ﻗﺎﻟﺪۇرۇپ ﺑﻮﻟﯘپ، ﮬﺎرﻏﯩﻦ ﮬﺎﻟﺪا ﻳﺎﺗﯩﻘﯩﻤﻐﺎ ﻗﺎﻳﺘﯩﭗ ﺗﯘرۇﺷﯘﻣﻐﺎ، داداﻣﺪﯨﻦ ﺗﯧﻠﯧﻔـﻮن ﻛﻪﻟﺪى. ﻣﻪن ﺋﯘﻧﯩﯔ ﺋﻪﻧﺴﯩﺮەپ ﻗﯩﻠﯩﺸﯩﺪﯨﻦ ﺋﻪﻧﺴﯩﺮەپ، ﺑﺎﻳﺎ ﻳﯜز ﺑﻪرﮔﻪن ﺋﯩﺸﻨﻰ ﺋﯘﻧﯩﯖﻐﺎ دﯦﻤﯩﺪﯨﻢ. دادام ﮔﻪﭘﻠﯩﺮﯨﻨﻰ ﺗﯜﮔﯩﺘﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﻣﺎﯕﺎ: «ﮬﻪ راﺳﺖ، ﺳﺎﯕﺎ دﯦﻴﯩﺸﻨﻰ ﺋﯘﻧﺘﯘپ ﻗﺎﭘﺘﯩﻤﻪن، ﻣﻪن ﭘﯩﻜﺎﭘﯩﯖﻨﯩﯔ ﺋﺎﭼﻘﯘﭼﯩﻨﻰ ﺑﯩﺮ ﺗﺎل ﻛﯚﭘﻪﻳﺘﯩﭗ، ﺳﻮﻣﻜﺎﯕﻐﺎ ﺳﯧﻠﯩﭗ ﻗﻮﻳﺪۇم، ﺳﻪن ﮬﺎﻣﺎﻗﻪﺗﻜﻪ ﻛﯧﺮەك ﺑﻮﻟﯘپ ﻗﺎلار»، دﯦﺪى.
   ﺋﺎﺧﯩﺮ ﭼﯜﺷﻪﻧﺪﯨﻢ، ﺋﻪڭ ﺧﻪﺗﻪرﻟﯩﻚ ﭘﻪﻳﺘﺘﻪ ﻣﯧﻨﻰ ﻗﯘﺗﻘﯘزﻏﺎن ﺧﯘدا ﺋﻪﻣﻪس، ﺑﻪﻟﻜﻰ داداﻣﻨﯩﯔ ﻣﯘﮬﻪﺑﺒﯩﺘﻰ ﺋﯩﻜﻪن ﺋﻪﻣﻪﺳﻤﯘ! ﻣﻪن ﻳﻪﻧﻪ ﭘﻪﻗﻪت ﻣﯘﮬﻪﺑﺒﻪت ﺑﻮﻟﻐﺎﻧﺪﯨلا، ﺋﯩﻨﺘﺎﻳﯩﻦ ﻛﯩﭽﯩﻚ ﺋﯩﺸﺘﯩﻨﻤﯘ ﻣﯚﻟﭽﻪرﻟﯩﮕﯜﺳﯩﺰ ﻗﯩﻤﻤﻪت ﻳﺎراﺗﻘﯩﻠﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﭼﯜﺷﻪﻧﺪﯨﻢ.
    ﺋﯧﻠﻰ ﺟﺎﻣﺎل ﺗﻪرﺟﯩﻤﯩﺴﻰ