تەڭرىتاغ تورى خەۋىرى8-سىنتەبىرمۇخبىر شىمالىي شىنجاڭنىڭ پاختا بازىرىغا بولغان 10 كۈنلۈك تەكشۈرۈپ-تەتقىق قىلىش خىزمىتىنى باشلىدى.تەكشۈرۈپ-تەتقىق قىلىش خىزمىتى كونا پاختا رايۇنى بولغان ساۋەن ناھىيىسى لىيۇماۋۋەن بازىرىدىن باشلاندى.مۇخبىر يەرلىكتىن بىڭتۇەنگىچە،تېرىقچىلىق ئائىللىلىرىدىن ھۆكۈمەتنىڭ پاختا باشقۇرۇش تارماقلىرىغىچە قاتراپ 50 گە يېقىن كىشىنى زىيارەت قىلدى.
  شىمالىي شىنجاڭنىڭ پاختا بازىرىغا بولغان تەكشۈرۈشنى قانات يايدۇرۇشنىڭ ئاساسلىق سەۋەبى 12-سىنتەبىردىن 13-سىنتەبىرگىچە ئۈرۈمچىدە ئېچىلغان«2011-يىللىق شىنجاڭنىڭ پاختا ۋەزىيىتىنى تەھلىل قىلىش يىغىنى ۋە سېتىۋېلىش كېڭەشمە يىغىنى»غا قاتناشقانلىق بولدى.پاختا بازىرىدىكى پاختا باھاسىنىڭ تۇيۇقسىز ئۆزگىرىشى يىغىنغا قاتناشقان 300 دىن ئارتۇق پاختا كارخانىلىرىنىڭ كەيپىياتى ناھايتى قاتتىق ئىدى.ناھايىتى كۆپ كىشلەر« پاختا باھاسىدىكى داۋالغۇش شىنجاڭنىڭ پاختا بازىرىغا بوران-چاپقۇن ئېلىپ كېلىدۇ»دەپ پەرەز قىلىشتى.

ئەھۋال راستىنلا مۇشۇنداقمۇ؟بۇ يىل شىنجاڭنىڭ پاختا ئىشلەپچىقىرىش تەرەققىياتى زادى قانداق مەسىلىلەرگە دۈچ كېلىدۇ؟

شىمالىي شىنجاڭنىڭ چىگىتلىك پاختىسىنىڭ سېتۋېلىنىش باھاسى 8.5 يۈەندىن 9.5 يۈەن ئارىلىقىدا بىر مەيدان تارتىشىش ئۇرۇشى باشلىنىدۇ.

   15-سىنتەبىرشىمالىي شىنجاڭنىڭ ھاۋاسى ئوچۇق بولۇپ،پاختىكارلار كۆپ مىقداردا چىگىتلىك پاختا ئۈزدى، شىخۇ، كۈيتۈن،مايتاغ قاتارلىق جايلاردىكى پاختا پىششىقلاپ ئىشلەش كارخانىلىرى بەس-بەستە پاختا سېتىۋالدى.بۇنىڭ ئىچىدە 229 دەرىجىلىك چىگىتلىك پاختىنىڭ ھەر كىلوگرامىنى 8.8 يۈەندىن،ئەڭ يۇقىرى بولغاندا ھەر كىلوگرامىنى 9 يۈەندىن سېتىۋالدى.تولۇق بولمىغان ئىستاتىستىكىغا ئاساسلانغاندا،شىمالىي شىنجاڭدىكى پاختا كارخانىلىرى شۇ بىر كۈندە سېتىۋېلىنغان چىگىتلىك پاختا20توننىدىن100 توننا بولغان.شەرقى شىنجاڭ ۋە جەنۇبىي شىنجاڭدا ھەر كىلوگرامى 8.9 يۈەندىن،ئەڭ يۇقىرى بولغاندا 8.9 يۈەندىن 10 يۈەنگىچە سېتىۋېلىنغان.15-سىنتەبىر،شىمالىي شىنجاڭ رايۇنى پاختا بازىرىدا ھەر كىلوگرامى 8.5 يۈەندىن سېتىۋېلىنغان.
 
  كۆپ يىللاردىن بۇيان شىنجاڭدىن پاختا سېتىۋېلىۋاتقان شەندۇڭلۇق پاختا سودىگىرى خۇاڭ ئەپەندى مۇخبىرغا مۇنداق دېدى:«بۇ يىل چىگىتىلىك پاختا سېۋېلىپ ھەر توننىسىدىن 100 يۈەندىن 200 يۈەنگىچە پايدا ئالالايمەن».

مۇخبىر تەكشۈرۈش ئارقىلىق نۆۋەتتە شىمالىي شىنجاڭدىكى كۆپ قىسىم پاختا ئىشلەپچىقىرىش كارخانىلىرى سېتىۋېلىشنى ئانچە خالاپ كەتمەيدىغان بولۇپ،ئۇلارنىڭ قارىشىچە بېكىتىلگەن سېتىۋېلىش كۆرسەتكۈچ باھاسى يۇقىرى بولۇپ كەتكەن.ئەمما دېھقانلارنىڭ يېڭى پاختىغا بولغان پىسخىكا باھاسى ھەر كىلوگرامىنىڭ 9 يۈەندىن يۇقىرى بولغان.شۇ سەۋەپتىن ئەمەلىي سودا كۆپ بولمىغان.
  
شۇنىڭ بىلەن بىر ۋاقىتتا،شىمالىي شىنجاڭنىڭ ساپ پاختىسىنىڭ ھازىرقى بازار پۈتۈشۈشى سودىسى تۆۋەن ئورۇندا تۇرغان بولۇپ،توقۇمىچىلىق كارخانىلىرىنىڭ يۇقىرى دەرىجىلىك ساپ پاختىنى سېتىۋېلىش ئەھۋالى نىسبەتەن كۆپرەك بولغان.ئوتتۇرىچە باھاسى ھەر توننىسىنىڭ 19 مىڭ يۈەن ئەتراپىدا بولغان.4- ۋە 5-دەرىجىدىن تۆۋەن بولغان دەرىجىدىكى ساپ پاختىنىڭ پۈتۈشۈش سودىسى نىسبەتەن ئاز بولغان.پاختا قوشۇمچە مەھسۇلاتلىرىنىڭ باھاسى مۇقىم بولغان بولۇپ،3-دەرىجىلىك چىگىت مېيىنىڭ ھەر كىلوگرامىنىڭ باھاسى 9.1 يۈەن بولغان،ساۋەن رايونىنىڭ ئەمەلىي پۈتۈشۈش باھاسى ھەر كىلوگرامىنىڭ 8.9 يۈەن،ساۋەننىڭ غەربى رايونلىرىدا پۈتۈشۈش ئەمەلىي باھاسى ھەر كىلوگرامىنىڭ 8.55 يۈەن بولغان.سانجى خۇيزۇ ئاپتونوم ئوبلاستىدا پۈتۈشۈش ئەمەلىي باھاسى ھەر كىلوگرامىنىڭ 9 يۈەن بولغان.40 پىرسەنتلىك پاختا تىۋىتىنىڭ باھاسى ھەر كىلوگرامىنىڭ 1.70 يۈەندىن 1.75 يۈەن بولغان.2- ۋە3-تۈردىكى چىگىت تىۋىتىنىڭ باھاسى ھەر كىلوگرامىنىڭ 6 يۈەنگە ئۆرلەپ،ئەمەلىي پۈتۈشۈش باھاسى ھەر كىلوگرامىنىڭ 5.8 يۈەن ئەتراپىدا بولغان.چىگىتنىڭ پۈتۈشۈش باھاسى ھەر كىلوگرامىنىڭ 1.8 يۈەن بولغان(14 پىرسەنتلىكنىمۇ ئۆز ئىچىگە ئالىدۇ).