ھوللىۋودتىكى ئاشىق - مەشۇق ئارتىسلاردىن جۇلى-پېت ئەر - ئايال ئۇزاق بولمىغان كەلگۈسىدە كىنو ئېكرانىدا تاماشىبىنلار بىلەن كۆرۈشمەكچى ، ئۇلارنىڭ بۇ قېتىمقى نىشانى ئەنگلىيىلىك رېژىسسور رىدلېي سكوتنىڭ يېڭى فىلىمى " مەسلىھەتچى " .
"مەسلىھەتچى " فىلىمى ئامېرىكىلىق داڭلىق يازغۇچى كارماك مەكارزىنىڭ ئەسىرىگە ئاساسەن ئۆزگەرتىپ ئىشلەنگەن بولۇپ ، نۆۋەتتە بۇ فىلىمگە يەنە يېقىنقى ئىككى يىلدىن بېرى نام - ئابرۇيى ھەسسىلەپ ئېشىۋاتقان مىكائېل فاسبېندەر ۋە ئىسپانىيىلىك جاۋىئەر باردەملەرنىمۇ رول ئېلىشقا تەكلىپ قىلغان . جاۋىئەر باردەم 2007 -يىلى كارماك مەكارزىنىڭ يەنە بىر ئەسىرىدىن ئۆزگەرتىپ ئىشلەنگەن " ئىگە - چاقىسىز" ناملىق كىنوسىدا رول ئالغان . "مەسلىھەتچى " فىلىمى كەلگۈسى بىر نەچچە ئاي ئىچىدە ياۋروپادا سۈرەتكە ئېلىشنى باشلىماقچى . بۇ فىلىمدىكى فاسبىن باشقىلارنىڭ ھۆرمىتىگە سازاۋەر بولغان بىر ئوقۇتقۇچى بولۇپ ، بىر قېتىملىق كېلىشمەسلىك سەۋەبىدىن زەھەرلىك چېكىملىك گۇرۇھىغا كېرىپ قېلىپ چىقالمايۋاتقان سەلبىي باش پېرسوناژنىڭ رولنى ئالىدۇ . لېكىن جۇلى پېتىر ئەر - ئايالنىڭ ئالماقچى بولغان رولى تېخى ئاشكارىلانمىغان .
جۇلى بۇ يىل 36 ياش ، پېت 48 ياشقا كىرگەن بولۇپ ، ئۇلارنىڭ ئالتە بالىسى بار . ئالدىنقى يىلى پېتىر مۇخبىرلارنىڭ سوئالىغا جاۋاب بەرگەندە مۇنداق دېگەن ئىدى : " بىز بىر ئىشىنى يەنە تەكرار قىلىشنى خالىمايمىز ، بىرسىمىز كىنو ئىشلىگەندە بىرسىمىز ئۆيدە قېلىپ باللارغا قارايمىز " . ئەمما يېقىندا پېت ئاخبارات ۋاسىتىلىرىنىڭ زىيارىتىنى قوبۇل قىلىپ : " نېمىشقا بىرگە كىنو ئىشلىسەك بولمىغۇدەك ، نېمىشقا بارلىق ئىشلارنى بىرگە قىلساق بولمىغۇدەك ؟ " دېگەن . قارىغاندا "مەسلىھەتچى " فىلىمى جۇلى پېت ئەر - ئايالنىڭ كىنو ساھەسىدە بىرگە ئوتتۇرىغا چىقىشىغا ياخشى پۇرسەت يارىتىپ بەرگەندەك قىلىدۇ .
