ئەر لى xx ئۆزىنىڭ 14 ياشقا توشمىغان قىزىغا باسقۇنچلىق قىلغان، سوت ئۇنىڭغا 12 يېرىم يىللىق مۇددەتلىك قاماق جازاسى بەرگەن، ئايالى ۋاڭ خانىم بۇ خورلۇق ۋە ئازابنى قوبۇل قىلالماي، سوتقا لى xx تىن ئاجرىشىش ئەرزى سۇنغان. تۈنۈگۈن مۇخبىرنىڭ ئىگىلىشىچە، مىيۈن سوتى بۇ ئاجىرىشىش دېلوسىغا ھۆكۈم چىقىرىپ بولغان.
ۋاڭ خانىمنىڭ ئەرزىدە دېيىلىشىچە، ئۇ لى xx بىلەن 1995-يىلى 12-ئايدا توي قىلغان، تويدىن كېيىن بۇ ئىككەيلەننىڭ مۇناسىۋىتى خېلى ياخشى بولغان. 1997-يىلى 9-ئايدا ئۇلارنىڭ قىزى شياۋلۇ (ئۆزگەرتىلگەن ئىسىم) تۇغۇلغان. 2010-يىلى تۇيۇقسىز بىر پۇرسەتتە، ۋاڭ خانىم ئېرىنىڭ شياۋلۇغا زورلۇق قىلغانلىقىنى بايقاپ قالغان، ۋە تېزلىكتە ساقچىغا مەلۇم قىلغان، ساقچىلار لى xx نى باسقۇنچىلىق جىنايىتى بىلەن قولغا ئالغان.
سوت تەكشۈرۈش ئارقىلىق، 2007-يىلىدىن 2010-يىلى 8-ئايغىچە بولغان مەزگىلدە، لى xx ئۆيىدە قىزى بىلەن قالغان ۋاقىتتا ئۆز شياۋلۇ بىلەن كۆپ قېتىم جىنسىي مۇناسىۋەت ئۆتكۈزگەنلىكىنى، ئۇ ۋاقىتتا شياۋلۇنىڭ تېخى 14 ياشقا توشمىغانلىقىنى ئېقىنلاپ چىقتى. ئەڭ ئاخىرى، سوت بۇ يىل 1-ئايدا لى xx نىڭ باسقۇنچلىق جىنايىتى ئۈچۈن، 12 يىل 6 ئايلىق قاماق جازاسى بەرگەن. ھازىر لى xx تۈرمىگە ئېلىپ بېرىلىپ جازا ئۆتىمەكتە.
ۋاڭ خانىم، لى xx نىڭ بۇ ھايۋانلادىن ئېشىپ چۈشكەن قىلىمىشى، قىزىم ئىككەيلەنگە ئۇنتۇلغۇسىز ئازاب ئېلىپ كەلدى، ئىككەيلەن ئوتتۇرسىدىكى ئەر-خوتۇنلۇق ھېسيات پۈتۈنلەي بۇزۇلدى دەپ قاراپ، ئويلىنىش ئارقىلىق، قانۇن قورالى ئارقىلىق ئۆزىنىڭ ھوقۇقىنى قوغدىماقچى بولدى، ۋە لى xx ئۈستىدىن سوتقا ئەرز سۇنۇپ، ئاجىرىشىشنى، قىزى شياۋلۇنى ئۆزىنىڭ ھامىيلىقىغا بويرۇپ بېرىشنى تەلەپ قىلدى. نۆۋەتتە بۇ دېلو سوت قىلىنماقتا.

مۇتەخەسىسنىڭ پىكىرى

جىنسىي تەربىيە ئالتە ياشتىن باشلاپ ئېلىپ بېرىلىشى كېرەك

جۇڭگو جامائەت خەۋىپسىزلىك ئونۋېرستىتى پروفېسسورنىڭ مۇخبىرغا دېيىشىچە، ئۇ ئۇچراتقان دېلولار ئىچىدە، ئائىلە باشلىقى ئۆز بالىسىغا جىنسىي تەربىيىنى ئىنتايىن ئاز قىلغان، جۇڭگودا %99 ئاتا-ئانىنىڭ جىنسىي تەربىيە دىگەن ئۇقۇمدىن خەۋىرى يوق دېيىشكە بولىدۇ. كۆپلىگەن ئاتا-ئانىنىڭ جىنسىي تەربىيىگە بولغان چۈشىنىش تۆۋەن، نۇرغۇن ئاتا-ئانا بۇ سۆزنى ئاڭلىشى بىلەن كۆزلىرىنى چەكچەيتىپ: «بالا تېخى كىچىك، نىمىنىڭ جىنسىي تەربىيە ئىكەنلىكىنى بىلەمدۇ» دەيدۇ، ئەمەلىيەتتە بۇنداق قىلىش بالىلارنىڭ جىنسىي زوراۋانلىققا قارشى تۇرۇشىغا ناھايىتى پايدىسىز.
لى پروفېسسورىنىڭ پىكىرىدە، ئومۇمەن بالىلار 6 ياشتىن ئېشىشى بىلەنلا، ئاتا-ئانىلار چوقۇم باللىرىغا بىر قىسىم جىنسىي تەربىيەلەرنى ئېلىپ بېرىشى، بالىلارنى يۇيىندۇرۋاتقاندا، لۈڭگە بىلەن بەدىنىنى سۈرتىۋاتقان ۋاقىتتا، ئۇلارغا بەزى جايلارنىڭ مەخپىي، باشقىلارنىڭ كۆرىشىگە، سىلىشىغا يول قويماسلىقى، ئەگەر باشقىلار كىيىمىنى سالدۇرماقچى، يۇشۇرۇن جايلىرىنى تۇتماقچى بولغان ئەھۋاللارغا يولۇققاندا، دەرھال ئانىسىغا ياكى باشقا ئادەملەرگە دەپ ياردەم تەلەپ قىلىشىنى ئېيتىش؛ ئەگەر نەق مەيداندا تۇققانلىرى بولمىسا، يۇقىرى ئاۋازدا ۋارقىراش، ھەمدە قارشى تەرەپكە ئانىسىغا ئېيتىدىغانلىقىنى دېيىش ئارقىلىق، بالىلارنى جىنسىي جەھەتتىكى ئۇقۇمغا ئىگە قىلىش، ئۇلارنىڭ ھەر قانداق بىر ئادەمدىن ھەزەر ئەيلەش پىسخىكىسى تۇرغۇزۇش، دوختۇر ۋە ئوقۇتقۇچىلار بالىلارغا جىسىي تەربىيە بېرىشتىن ئىلگىرى، ئائىلە باشلىقلىرىنى قوشۇلىشىدىن ئۆتكۈزۈش كېرەك.