تۈرك مىللىتىنىڭ ئورتاق بايرىمى بولغان نەۋرۇز ئۆتۈپ كەتكەن بولسىمۇ، ئەمما ئۇ كۈندىكى خوشاللىقلار ھېلىھەم يادىمىزدا. تۆۋەندىكىسى ھەرقايسى تۈرك مىللەتلىرىنىڭ نەۋرۇز ئۈچۈن تەييارلىغان سەنئەت نومۇرلىرى، ئەلۋەتتە، بۇنىڭ ئىچىدە شىنجاڭ ئۇيغۇر ئاپتونۇم رايونىدىكى ئۇيغۇرلىرىمىزنىڭ بىر قانچە نادىر نومۇرلىرى بار. بۇ پائالىيەت ئۈچۈن تەييارلانغان بىرىنچى نومۇر گۈزەل ئۇيغۇر قىزلىرىمىزنىڭ ئەنئەنىۋى چىنە ئۇسسۇلى بولۇپ، ئۇسسۇلچى قىزلىرىمىز ئۆز تەبىئىي گۈزەللىكى، قاپقارا ئۆرۈمە چاچلىرى، ئالاھىدە شۇنداقلا ئۆزگىچە بولغان مىللىي كىيىملىرى، نەپىس ھەرىكەتلىرى ۋە بېشىغا قويۇۋالغان چىنىنى چۈشۈرۋەتمەستىن شۇنچە سىپايە يەڭگىل قەدەملىرى كېپىنەكتەك چۆرگىلەشلىرى بىلەن مەيداندىكى كۆرۈرمەنلەرگە چوڭقۇر تەسىر قالدۇرغان، ھەم تاڭ قالدۇرغان. بۇنىڭدىن سىرت داڭلىق ناخشىچىمىز غالىپجان غوپۇر ئۆزىنىڭ بۇلبۇلدەك ئاۋازى بىلەن تۈرك قېرىنداشلىرىمىز يىغىلغان سەھنىنى چاڭ كەلتۈرگەن. بۇ پائالىيەتكە يەنە مىللىي چالغۇلار بىلەن ئورۇنلانغان خەلق مۇزىكىلىرىمۇ تەييارلانغان بولۇپ، مۇزىكانتلىرىمىزنىڭ ئالاھىدە ئورۇنلاش ماھارىتى، مۇزىكىدىكى ئىستېتىك گۈزەللىك ۋە ئىستېتىك قىممەت مەنچە قېرىنداشلىرىمىزنىڭ قەلبىدىن چوڭقۇر ئورۇن ئېلىپ، خېلى ۋاقىتلارغىچە قۇرلاق تۈۋىدە ياڭراپ تۇرغان بولىشى مۇمكىن. قىزغىن ئالقىشلانغان نادىر نومۇرلىرىمىزنىڭ بىرى «مەشرەپ» تە مەردانە يىگىتلىرىمىز، نازىنىن قىزلىرىمىز ئۆز ئۇسسۇل ماھارىتىنى يەنە بىر قېتىم نامايان قىلىپ، كۆرۈرمەنلەرنى يەنە بىر قېتىم قايىل قىلغان.
تۆۋەندە ئۇيغۇرلىرىمىزنىڭ بۇ يۇقىرى ماھارەت ئورۇنلىغان سەنئەت نومۇرلىرى ۋە قېرىنداش تۈركىي مىللەتلىرىنىڭ مىللىي ئەنئەنىسى يۇغۇرۇلغان سەنئەت نومۇرلىرىدىن بىرلىكتە ھوزۇرلىنايلى. 
ئىنكاس يوللغۇچى : 
