iPhone 4Sئىنتايىن ئېسىل يانفۇن ، لېكىن ھەمىلا ئادەم ئۇنىڭ قىممەت باھاسىنى قوبۇل قىلالمايدۇ . مۇشۇ سەۋەبتىن ، شېنجېندىكى بىر زاۋۇت بىر دانە ئەڭ كۈچلۈك بولغان تاغتۇرا iPhone 4Sنى بازارغا سالدى ، بۇ يانفۇننىڭ سىرتقى شەكلى iPhone 4Sقا ئوخشاش بولغاندىن سىرت ، يەنە كۆرۈش تور پەردىسى ئېكرانى سەپلەنگەن .

   بۇ يانفۇننىڭ ئىسمى GooPhone Y5 بولۇپ ، سىرتقى شەكلى iPhone 4S بىلەن ئوپمۇ ئوخشاش ، ئىككى يانفۇننىڭ پەرىقلىنىدىغان بىردىن بىر يېرى كەينى قېپىدىكى Logo.

   سىرتقى شەكلى ئوخشاش بولغاندىن سىرت ، بۇ GooPhone Y5 يانفۇنىغا 3.5سۇڭلۇق يۇقىرى ئېنىقلىقتىكى ( ئېكران ئېنىقلىقى 960x640بولۇپ ، iPhone 4/4S بىلەن ئوخشاش ) كۆرسۈتۈش ئېكرانى ئىشلىتىلگەن ، چاستوتىسى 1GHz لىق قوش يادرولۇق بىر تەرەپ قىلغۇچ سەپلەنگەن ، 1GBئىچكى ساقلىغۇچ ۋە 4GB ساقلاش سىغىمى سەپلەنگەن ، بۇندىن باشقا بۇ يانفۇننىڭ قېلىنلىقى 9.3mmبولۇپ ئېغىرلىقى 140g كېلىدۇ .

   بۇندىن باشقا ، GooPhone Y5غا Android  سېستىمىسى قاچىلانغان ( سېستىما كۆرۈنمە يۈزى iOS بىلەن ئوخشاش ) ، ھەمدە 8مىليون پېكسىللىق كەينى كامېرا ۋە 1420mAh لىق باتارىيە سەپلەنگەن .

   بىلىشىمىزچە ، بۇ يانفۇننى ئالدىن زاكاس قىلىشقا بولىدىغان بولۇپ ، سېتىلىش باھاسى 1550يۈەندىن 1650گىچە بولدىكەن ( ئاق ، قارا رەڭلىگى بار ) ، مۇشۇ ئاينىڭ ئاخىرى رەسمىي بازارغا چىقىدىكەن .