chinaz تورىنىڭ 5-ئاينىڭ 20-كۈنىدىكى خەۋىرى، ئامېرىكا پرېزىدېنتى بىراك ئوبامانىڭ «قارا بۆلجۈرگەن» ماركىلىق يانفوننى ناھايىتى ياخشى كۆرىدىغانلىقىنى كەڭ تورداشلار بىلىدۇ. ئۇ بۇ يانفوننى پەقەت مەخپىي ئې-خەتلەرنى ئوقۇشقا ئىشلەتكەنىدى. ئەمما ئامېرىكا رادىئو شىركىتى (ABC) مۇشۇ ئاينىڭ 29-كۈنى قويۇلىدىغان كۈندۈزلۈك سۆھبەت پروگراممىسى «كۆز قاراش»دا، ئوباما ئاغرىنىپ مۇنداق دېگەن:« ماڭا مەخپىي ئې-خەت يوللاشقا پەقەت 10 ئادەمگىلا ھوقۇق بېرىلگەن، ھازىر ‹قارا بۆلجۈرگەن› گە رايىم قالمىدى».
يانفوندا ئورۇن بەلگىلەپ ئەگىشىش ئېھتىماللىقى بولغانلىقى ئۈچۈن، تاپشۇرۇۋالغان ئې-خەتلەرنىڭ خايكېرلار ھۇجۇمىغا ئۇچراش ئېھتىمالىمۇ بار ئىكەن. ئالدىنقى پرېزىدېنتلاردىن كىلىنتون ۋە جورجى بۇشلارمۇ ۋەزىپە ئۆتەش مەزگىلىدە يانفون ئىشلەتمىگەنىدى.
ئوباما «قارا بۆلجۈرگەن» ماركىلىق يانفوننى بىر كۆرۈپلا ياخشى كۆرۈپ قالغاندىن كېيىن، مالىيە ۋە بىخەتەرلىك مىنىستىرلىقى مەسلىھەتلىشىپ، ئۇنىڭغا مەخپىي ئې-خەت يوللىغىلى بولىدىغان «قارا بۆلجۈرگەن» يانفون ئەكېلىپ بەرگەنىدى. ئەمما، ئۇنىڭ «قارا بۆلجۈرگەن» نى ئالاھىدە شىفىرلانغان يانفون بولۇپ، ئې-خەت ھېسابات نومۇرى بەلگىلىك ۋاقىتتا ئالمىشىپ تۇرىدىكەن.
ئۇنىڭدىن باشقا «چەمبىرەك ئىچىدىكى شەخسلەر» ئوبامانىڭ ئې-خەت تىزىملىكىگە كىرىپ قالغان بولۇپ، يەنىلا ئوباما ئۇلارغا ئەۋەتكەن ئې-خەتنى باشقىلارغا ئەۋەتكىلى ھەمدە ئوباما ئەۋەتكەن ئې-خەت قوشۇمچە ھۆججەتلىرىنى ئىشلەتكىلى بولمىغان.
ئوباما مۇنداق دېگەن:« مەن ‹قارا بۆلجۈرگەن›دە ھوقۇق بېرىلگەن 10 ئادەم بىلەن ئې-خەت يوللىشىش ۋە سۆزلىشىشتەك ئاددىي مەشغۇلاتلارنى ئېلىپ بارالايمەن. ئۇنىڭ ئۈستىگە بۇلارنىڭ ھەممىسى خۇددى ئاق ساراينىڭ ھۆججەتلىرىدەك ساقلىنىدۇ. مەن ئېتىراپ قىلىمەن، راستىنىلا ‹قارا بۆلجۈرگەن›گە رايىم قالمىدى. چۈنكى ئۇ ئې-خەتلەرنى ‹پرېزىدېنت خاتىرىسى قانۇنى› بويىچە ئۇلار كۆرىدۇ. شۇڭلاشقا، ھېچكىم ماڭا ھەقىقىي قىزىقارلىق نەرسىلەرنى ئەۋەتىشنى خالىمايدۇ. ماڭا يوللانغان ئې-خەتلەرنىڭ مەزمۇنى ناھايىتى قېلىپلاشقان، ‹پرېزىدېنت ئەپەندىم، بىز پەقەت سىزگە بىر يېغىن بارلىقىنى ئۇقتۇرىمىز›. مانا مۇشۇنداق!... ».
ئوباما كۈندۈزلۈك سۆھبەت پروگراممىسى «كۆز قاراش» قا پروگراممىسىغا قاتناشقان تۇنجى پرېزىدېنت ئىكەن. مەزكۇر پروگراممىغا داڭلىق مۇخبىر بابارا ھورسىت بىلەن داڭلىق نېگىر كومېدىيە ئارتىسى ۋۇربى گېردىبام رىياسەتچىلىك قىلىدىغان بولۇپ، مۇقىم تاماشىبىن 300-400 ئەتراپىدا ئىكەن. بۇ پروگراممىنى ئائىلە ئاياللىرى ناھايىتى ياقتۇرۇپ كۆرىدىكەن.
ئوباما چاقچاق قىلىپ مۇنداق دېگەن:«مېنىڭ بۇ پروگراممىغا قاتنىشىشىمدىكى يەنە بىر سەۋەبىم بولسا، ئايالىم مىچىل بۇ پروگراممىنىڭ سادىق كۆرۈرمىنى، ئۇ ئۆزىنىڭ ئائىلىسى ۋە بالىلىرى توغرىسىدا خۇشاللىق بىلەن سۆزلەپ كېتىدۇ».
سۆھبەت مەزمۇنى ناھايىتى كەڭرى بولۇپ، ئافغانىستان ئۇرۇشىدىن تارتىپ، ياش ئارتىس  لايىنىس روھاننىڭ تۈرمىگە كىرىپ قالغانلىقى قاتارلىق بىر قەدەر مودا مەدەنىيەت تېمىلىرىغا تۇتاشقان.
سۆھبەت داۋامىدا، ئوباما ئۆزىنىڭ iPod قويغۇچىنىڭ ئىچىدىكى مەزمۇنلارنى تىلغا ئالغان. ناخشىلارنىڭ مەزمۇنىنى كۆرۈش ئاسان بولۇپ، بۇنىڭدىن ئوبامانىڭ قىزىقىشىنىڭ ناھايىتى كەڭ ئىكەنلىكىنى كۆرۈۋالغىلى بولىدىكەن. ئۇ iPod ئىچىدىكى نوپۇزلۇق مۇزىكانتلارنىڭ Jay-Z ناھايىتى ياخشى كۆرگەندىن باشقا، ۋاپات بولۇپ كەتكەن رىۋايەتلەردىكى ناخشىچى فىرانكىلىن سىناترا بىلەن ۋاپات بولۇپ كەتكەن گرېتسىيەلىك ئامېرىكىنىڭ يۇقىرى ئاۋازلىق ناخشىچىسى مارىيە كالاسنىڭ ناخشىلىرىمۇ تولىمۇ ياقتۇرۇپ ئاڭلايدىكەن.