"دوزاخ ئىشىكى"مۇ ياكى تاشقى پلانىت ئادىمىنىڭ ئۇچار كېمىسىمۇ؟
 

    چەتئەل ئاخبارات ۋاسىتىلىرىنىڭ 30- يانۋاردىكى خەۋىرىگە قارىغاندا، بىر "دېڭىز ئېكىسپېدىتسىيىچىسى" ناملىق شىۋېتسىيە شىركىتى يېقىندا سونار تېخنىكىسىدىن پايدىلىنىپ بورو دېڭىز ئاستىدىكى بىر سىرلىق جايدا ئېنىق بولمىغان بىر جىسىمنى بايقىغان بولۇپ، بۇ سىرلىق جىسىمنى تاشقى پلانىت ئادىمى ئۇچار كېمىسى ياكى "دوزاخ ئىشىكى" دەپ قارىغان....

  مەبلەغ ۋە ۋاقىت قىس بولۇشى سەۋەبلىك، دېڭىز ئېكىسپىدېتسىيە ئەترىتى نۆۋەتتە بۇ سىرلىق جىسىمنىڭ قىياپىتىنى تېخى ئۆز كۆزى بىلەن كۆرۈپ باقمىغان. ئۇلار سونار تېخنىكىسىدا ئېرىشكەن سۈرەتتە كۆرسىتىلگەن بۇ جىسىم بولسا، دېئامېتىرى 60 مېتىر، 400 مېتىرغا ئۇزۇنلۇقتىكى قۇيرۇقى بار بولغان سېلىندىرسىمان جىسىم، ئۇنىڭدىن سىرت يەنە 200 مېتىر يىراقلىقتىكى ئورۇندا ماگنىت دېسكا شەكىللىك بىر جىسىم بايقالغان. بۇ چاغدا سىرلىق جىسىم ئارقا كۆرۈنىشىگە بىر نەرسە دېيىش ھەقىقەتەن قىيىن بىر مەسىلە بولۇپ قالغان. بۇ ئەترەتنىڭ سۇغا شۇڭغۇش خادىمى پېتىر.لىندبېرگ:"بۇ سىرلىق جىسىمغا نىسبەتەن ئوخشاش بولمىغان چۈشەنچىلەر بار، بىر قىسىم كىشىلەر جورج.لۇكاس فىلىمىدىكى تاشقى پلانت ئادىمىنىڭ ئۇچار كېمىسى دېيىشىدۇ، يەنە بىر قىسىم كىشىلەر دوزاخقا تۇتىشىدىغان يول دېيىشىدۇ" دىگەن.
 

   گەرچە دېڭىز ئېكىسپېدىتسىيچىلىرى ئەترىتى بۇ كۈتۈلمىگەن بايقاشتىن خۇشاللانسىمۇ، ئەمما يەنە بىر قىسىم كىشىلەر سونار تېخنىكىسىنىڭ توغرىلىقىدىن گۇمانلانغان. ھازىر دېڭىز ئېكىسپېدىتسىيچىلىرى ئەترىتى پەقەتلا ساقلىيالايدۇ، پەقەت لاي-لاتقىلار چۆكۈپ كەتكەندىلا، ئاندىن تەكشۈرۈش ئېلىپ بارالايدۇ. ئەمما ئۇلاردا مەبلەغ كەمچىل، يەنە بىر دۇچ كېلىۋاتقان قىيىنچىلىق بولسا ئۇلار سېلىندىرسىمان جىسىمنىڭ ئىچكى قىسمىنىڭ ئالتۇن-كۆمۈش بايلىقلار بىلەن ياكى قۇم-شېفىللار بىلەن تولدۇرۇلغىنىنى بىلمەيدۇ، ئۇلار سېىلىندىرسىمان جىسىمنىڭ ئىچىدىكىسى ئالتۇن-كۆمۈش بولۇشىنى ئۈمىد قىلىشماقتا....
 

 ساياھەتچىلەر ياكى ئېكىسپېدىتسىيچىلەرنىڭ ئۆز مەبلىغى بىلەن بورودىكى دېڭىز ئاستى تۆۋەن قاتلاملىرىغا شۇڭغۇپ شۇ سىرلىق جىسىم ئۈسىتىدە ئىزدىنىشىنى مەقسەت قىلغان ئاساستا، بۇ شىركەت بىر سۇ ئاستى كېمىسى ياسىغان.