ئەنگىلىيە Divorce-Online توربىكىتىنىڭ يىڭى تەكشۈرۈش دوكلاتىدا كۆرسىتىلىشىچە،Facebook توربىكىتى ئەنگىلىيەدە بارغانسىرى كۆپ ئەيىبلىنىشلەرگە ئۇچراپ كىتىۋاتقان بولۇپ،بۇنىڭ سەۋەبى،ئەنگىلىيەدىكى 33پىرسەنت ئەر-ئايال ئۆزىنىڭ نىكاھتىن ئاجرىشىش سەۋەبىنى Facebook دىن كۆرىدىكەن،ھالبۇكى 2009-يىلى بۇ نىسبەت پەقەت 20پىرسەنتنى ئىگەللەيدىكەن.

Divorce-Online تور بىكىتى 2009-يىلى12-ئاي ۋە 2011-يىلى 12-ئايدا ئىككى قىتىم 5000كىشى ئۈستىدە تەكشۈرۈش ئىلىپ بارغان ئىكەن.بۇ ئىككى قىتىملىق تەكشۈرۈش نەتىجىسىدىن قارىغاندا تۆۋەندىكىدەك ئۈچ قىلمىش ئەنگىلىيەدىكى ئەر-ئاياللارنىڭ نىكاھتىن ئاجرىشىشقا سەۋەب بولغان:

1.يات جىنىسلىقلارغا قالايمىقان ئۇچۇرلارنى ئەۋەتىش

2.يامانلىشىپ قالغان ئەر-ئاياللارنىڭ توردا بىر-بىرىنى تىللىشى

3.Facebook دىكى تورداشلىرىنىڭ قارشى تەرەپنىڭ يامان گەپلىرىنى قىلىشى

نىسبەتەن ئىيتقاندا، Twitter نىڭ ئاجرىشىش دىلولىرىدىكى تىلغا ئىلىنىش نىسبىتى 0.4پىرسەنت بولسىمۇ،بىراق ئۇ نىكاھتىن ئاجراشقۇچى ئىككى تەرەپنىڭ بىر-بىرىگە زەربە بىرىشتىكى ئاساسلىق ئالاقە قورالى بولۇپ قالغان.

Divorce-Online توربىكىتىنىڭ باياناتچىسى مۇنداق دەيدۇ:

ئىجتىمائىي ئالاقە تورلىرى نۆۋەتتە ئەڭ ئاساسلىق ئالاقە قورالى بولۇپ قالدى،ئۇنىڭدىكى ئالاقە قىسقا ئۇچۇر ۋە ئىلخەت شەكىلىدە ئىپادىلىنىدۇ.ئەگەر بىرەر كىشى نىكاھتىن سىرىت مۇناسىۋەت تۇرغۇزۇش ياكى يات جىنىسلار بىلەن تونۇشۇشنى ئويلىسا،ئىجتىمائىي ئالاقە تورى ئۇلار ئۈچۈن ئەڭ ئەپلىك جاي ھېسابلىنىدۇ.نۆۋەتتە Facebook تا تورداشلىرىغا بۇرۇنقى جۈپتىدىن ئاغرىنىدىغان گەپ-سۆزلەرنى قىلىش دىگەنلەر ئىنتايىن كۆپ ئۇچرايدىغان بولۇپ،ئۇ نىكاھتىن ئاجراشقۇچىلارنىڭ دەردىنى تۆكىدىغان سورۇن بولۇپ قالغان.ئەمما كىشىلەر بۇ تورلاردا ئۇچۇر يوللىغان ۋاقىتتا ئىھتىياتچان بولۇشى كىرەك،چۈنكى بۇلار سوتتا دەۋالاشقان ۋاقىتتا ئىككى تەرەپنىڭ مال-مۈلۈكى ۋە بالىنىڭ بىقىش ھوقوقىنى ئايرىش قاتارلىق ئىشلاردا مۇھىم ئىسپات بولۇپ ھېسابلىنىدۇ.