ھەممە تۆت كۆز بىلەن زارىقىپ كۈتكەن the new iPad ئېلان قىلىنغاندىن كېيىن، كىشىلەر يېڭى بىر ئەۋلاد iPhone ھەققىدە يېڭىچە قىياسلارنى ئوتتۇرىغا قويۇشقا باشلىدى. بەزىلەر يېڭى iPhone نىڭ سىغىمى ۋە سىرتقى لايىھەلىنىشى ئۈستىدە ئۆز پىكرىنى ئوتتۇرىغا قويسا، يەنە بىر قىسىم كىشىلەر ئۈچىنچى ئەۋلاد iPad نىڭ ئىسمىغا ئاساسلىنىپ، «كېيىنكى بىر ئەۋلاد iPhone نىڭ نامى The new iPhone بولىدۇ» دەپ قاراشتى. يەنە بەزىلەر بەلكىم iPhone 5 بولۇشى مۇمكىن، دېيىشتى. قىياسلارنىڭ قانداق بولۇشىدىن قەتئىينەزەر، ئالما شىركىتى قويغان نام باشقىلار تەرىپىدىن ئالدىن پەرەز قىلىنىپ بولالمايدۇ. چۈنكى، e new iPad ئېلان قىلىنىشتىن بۇرۇن، نۇرغۇن كىشىلەر ئۇنى iPad 3 بولىدۇ، دەپ قارىغانىدى.
ئۇنداقتا بىز يېڭى بىر ئەۋلاد iPad نىڭ نامى بويىچە نام بېرىلگەن iPhone -يەنى ئوقۇمدىكى The new iPhone نى كۆرۈپ باقايلى:
يېڭى بىر ئەۋلاد iPhone مۇ ئالدىنقى نۇسخىسىدەك تەكشى يۈزلۈك قىلىپ لايىھەلىنىشى، ئېكرانى ئالدىنقىسىدىن سەل چوڭ بولۇشى، ئېكران گىرۋەكلىرىگە ئۆزگەرتىش كىرگۈزۈلۈشى مۇمكىن.
يېڭى ئەۋلاد iPhone نىڭ توك مەنبەسى كۇنۇپكىسى يەنىلا ئۈستى قىسمىدا بولۇشى مۇمكىن، ئەمما تىڭشىغۇچنى چاتىدىغان كامىرى 2.5mm ئۆلچەم بويىچە بولۇشى مۇمكىن.
يېڭى بىر ئەۋلاد iPhone دا HOME كۇنۇپكىسى ئەمەلدىن قالدۇرۇۋېتىلىپ، بۇنىڭ ئورنىنى بىر مەۋھۇم كۇنۇپكا ئېلىشى مۇمكىن.
يېڭى بىر ئەۋلاد iPhone نىڭ كىشىگە بېرىدىغان ئۆزگىچە تۇيغۇسى ئالدىنقىلىرىدىن ئالاھىدە پەرقلىنىشى مۇمكىن.
يېڭى بىر ئەۋلاد iPhone نىڭ كەينى ئوتتۇرا قىسمى سەل كۆپتۈرۈلۈشى مۇمكىن.
يېڭى بىر ئەۋلاد iPhone ئەگەر مۇشۇنداق بولۇپ قالسا، ئۇنىڭ يەنىلا يەر شارىدىكى نۇرغۇن كىشىلەرنىڭ تاللاپ سېتىۋېلىشىغا ئېرىشىشىدە گەپ يوق.
