(مۇخبىرلار گۇاڭجۇ ئۇنىۋېرسىتېتىدا ئاز سانلىق مىللەت ئوقۇغۇچىلىرىنىڭ ئەھۋالىنى زىيارەت قىلدى)

جۇڭگو ئۇيغۇرچە رادىيو تورى 23-سېنتەبىر گۇاڭجۇ خەۋىرى (ئۆز مۇخبىرىمىز نۇزىگۈل ئىمىر):

شىنجاڭ، شىزاڭغا نىشانلىق ياردەم بېرىۋاتقان رايونلارنى زىيارەت قىلىش شۇنداقلا كېيىنكى باسقۇچلۇق نىشانلىق ياردەم بېرىش خىزمەتلىرىنىڭ ئەھۋالىنى ئىگىلەش ئۈچۈن، مەركىزىي خەلق رادىيو ئىستانسىسىنىڭ ئۇيغۇر، قازاق، موڭغۇل، چاۋشيەن، تىبەت مۇخبىرلىرىدىن تەشكىللەنگەن زىيارەت گۇرۇپپىسى 23-سېنتەبىر گۇاڭجۇ شەھىرىگە يېتىپ كەلدى.

2010-يىلى پارتىيە مەركىزىي كومىتېتى، دۆلەت ئىشلىرى مەھكىمىسى پۈتۈن مەملىكەتتىكى 19 ئۆلكە، مەركەزگە بىۋاسىتە قاراشلىق شەھەر ۋە مىنىستىرلىق، كومىتېتلارنىڭ يېڭى بىر نۆۋەتلىك شىنجاڭغا ياردەم بېرىشى ھەققىدىكى زور ئىستراتېگىيەلىك تەدبىرىنى يولغا قويدى. گۇاڭدۇڭ ئۆلكىسى قەشقەر ۋىلايىتىگە نىشانلىق ياردەم بېرىشكە ئورۇنلاشتۇرۇلدى. ئۆتكەن بىر يىلدا گۇاڭدۇڭ ئۆلكىسى 100 مىليون يۈەن مەبلەغ سېلىپ، قەشقەر ۋىلايىتىدە ئون خەلق تۇرمۇشى تۈرىنى ئەمەلىيلەشتۈردى. 2011-يىلى گۇاڭدۇڭ ئۆلكىسى يەنە داۋاملىق مىليارد مىليون يۈەن مەبلەغ سېلىپ، 70تۈردە قۇرۇلۇش باشلىدى. بۇ تۈرلەر خەلق تۇرمۇشى، ئىقتىساد، سودا، مائارىپ، ئىجتىمائىي ئىشلار قاتارلىق نۇرغۇن ساھەلەرگە چېتىلىدۇ.
 

(مۇخبىر ئۇيغۇر ئوقۇغۇچىلار بىلەن بىللە)

 

(گۇاڭجۇ ئۇنىۋېرسىتېتىنىڭ مۇسۇلمانچە ئوقۇغۇچىلار ئاشخانىسى)

 

(قەشقەردىن گۇاڭجۇغا ئوقۇشقا كەلگەن مەخپۇبە ئۆزىنىڭ ھازىرقى ئەھۋالىنى سۆزلەپ بەردى)