كۈندىلىك تۇرمۇشتا نۇرغۇن كىشلەر يېمەكلىكلەرنى گېزىت-ژۇرناللارغا ئوراپ قويىدۇ، ئەمما بۇنداق قىلىش سالامەتلىككە زىيانلىق. ئادەتتە گېزىت-ژۇرناللارغا ئىشلىتىلىدىغان باسما مېيى نۇرغۇنلىغان خلور بىلەن بېنزول بىرىكمىسىدىن تەركىپ تاپقان. بۇ بىر خىل زەھەرلىك ماددا بولۇپ، ئادەم بەدىنىدىكى ھۆجەيرە ئېرسىيەت گېنىنى بۇزىدۇ. ئادەتتە بىر كىلوگىرام گېزىتتە ياكى كېرەكسىز قەغەزدىن قايتا ئىشلەنگەن قەغەزدە خلور بىلەن بېنزول بىرىكمىسى 0.1–1 مىللىگىرامغا يېتىدىغان بولۇپ، ئەگەر ئۇنىڭ ئادەم بەدىنىدىكى ساقلىنىش مىقدارى 0.5–2 مىللىگرامغا يەتسە زەھەرلىنىشنى كەلتۈرۈپ چىقىرىدۇ، ئېغىر بولغاندا راك كېسەللىكىنى پەيدا قىلىدۇ.

    كۆپ خلورلۇق بىرىكمە بېنزول بىلەن زەھەرلىنىشنىڭ ئاساسىي ئالامەتلىرى تۆۋەندىكىچە: قولنىڭ بارماقلىرىغا قارىغاندا رەڭگى ئۆزگىرىپ، كۆزدىكى بىرىكتۈرگۈچى پەردىگە قان تولۇپ، ئۈستۈن قاپاق ئىششىپ، كۆرۈش قۇۋۋىتى ئاجىزلىشىدۇ، پۇت–قول ماغدۇرسىزلىنىدۇ، بېشى قېيىپ قۇسۇش، ھەيىز نورمالسىزلىنىش، پۇت-قولى تارتىشىش، پۈتۈن بەدەنگە ئەسۋە چىقىپ كېتىش قاتارلىق ئالامەتلەر كۆرۈلىدۇ. شۇڭا يېمەكلىكلەرنى گېزىتكە ئورىماسلىق كېرەك.

ئەسلى مەنبە: http://uy.ts.cn/life/content/2016-02/04/content_495947.htm