ياشانغانلارنىڭ قەۋزىيەت بولۇپ قېلىشىغا دورا، يېمەكلىك ياكى ئۈچەي راكى قاتارلىق كېسەللىكلەر سەۋەب بولىدىغانلىقىنى نەزەردىن ساقىت قىلغاندا، ئادەتتە ئىچكى ئەزالارنىڭ ئىقتىدارىنىڭ ئاجىزلىشىشى، ئۈچەي لۆمۈلدىشىنىڭ ئاستىلىشى سەۋەبىدىنمۇ بولىدۇ؛ ئەگەر باشقا ئادەتتىكى تەكشۈرۈشنىڭ ئۈنۈمى ئانچە ياخشى بولمىسا، جىگۇۋ پەللىسىنى ئۇۋۇلاپ سىناپ باقسا بولىدۇ.
باش بارماق بىلەن جىگۇۋ پەللىسىنى بېسىپ، باش بارماق بىلەن باسقان يەر ئاغرىقنى سەزمىگىچە، يەنى ئون مىنۇتتىن 15 مىنۇتقىچە ئۇۋۇلاپ بەرسە، ئۈچەينىڭ لۆمۈلدىشى كۈچىيىدۇ. ئەگەر 1-قېتىمدا مەقسەت ھاسىل بولمىسا، ئەتىسى يەنە بىر قېتىم سىناپ باقسا بولىدۇ، ئون قېتىم بىر داۋالاش باسقۇچى. جۇڭيى تېبابىتىدە قەۋزىيەتنىڭ سەۋەبى بەك مۇرەككەپ بولىدىغانلىقى، ئاساسلىق چوڭ ئۈچەي نورمالسىزلىقىدىن بولىدىغانلىقى ئېيتىلسىمۇ، بىراق ئۆپكە، تال، ئاشقازان، جىگەر ۋە بۆرەك قاتارلىق ئەزالار ئىقتىدارىنىڭ تەڭپۇڭسىزلىقى بىلەن مۇناسىۋەتلىك بولىدىغانلىقىنىمۇ ئېتىراپ قىلىدۇ، شۇڭا جىگۇۋ پەللىسىنى ئۇۋۇلاش ئارقىلىق چوڭ ئۈچەينىڭ لۆمۈلدىشىنى كۈچەيتىپ، قەۋزىيەتنى ياخشىلاش ئۈنۈمىگە ئىگە بولغىلى بولىدۇ.
«قانۇنچىلىق گېزىتى»دىن ئېلىندى
