ئۈرۈمچى كەچلىك گېزىتى خەۋىرى:
گېرمانىيەنىڭ بىر تۈرلۈك تەتقىقاتىدىن بايقىلىشىچە، قان ئايلىنىشنى ئىلگىرى سۈرۈشكە ياردىمى بولغان، يۈرەك قان تومۇرنى ئاسرايدىغان قىزىل چايغا كالا سۈتى قوشۇپ ئىچىلسە، ئۇنىڭ ئەسلى ئۈنۈمى يوقايدىكەن.
گېرمانىيە ئاگېنتلىقىنىڭ خەۋىرىگە ئاساسلانغاندا، گېرمانىيىنىڭ بېرلىن شەھىرىدىكى مەلۇم بىر دوختۇرخانىنىڭ يۈرەك قان تومۇرى كېسىلى مۇتەخەسىسلىرى 16نەپەر ساغلام كىشىگە ئايرىم-ئايرىم قىزىل چاي ۋە سۈتلۈك چاي ئىچكۈزگەن ھەم ئۇلتىرا ئاۋاز دولقۇنى ئارقىلىق ئۇلارنىڭ بىلەك ئارتېرىيىسىنىڭ ئۆزگىرىشنى تەكشۈرگەن. نەتىجىدىن بايقىلىشىچە، سۈت قوشۇلغان قىزىل چاي ئىچكەندە قىزىل چاينىڭ مۆلچەردىكى قان تومۇرنى كېڭەيتىش ئۈنۈمى بولمايدىكەن.
مۇتەخەسسلەرنىڭ چۈشەندۈرۈشىچە، قىزىل چايغا سۈت قوشۇلغاندىن كېيىن، ئۇنىڭدىكى ئوكسىدلىنىشقا قارشى ماددىلار سۈت تەركىبىدىكى قېتىق ئاقسىلى بىلەن نېيتراللىشىپ، يۈرەك قان تومۇرنى ئاسراش رولىنى جارى قىلدۇرالمايدىكەن.
