ئىختىيارىي مۇخبىرىمىز تۇرسۇنجان گايىت خەۋىرى: بۈگۈر ناھىيەلىك مائارىپ ئىدارىسىدىن ئىگىلىشىمچە، مەزكۇر ناھىيەنىڭ «2013-يىللىق نۇقتىلىق ئەلرايى قۇرۇلۇشىنى يولغا قويۇش لايىھەسى»دە توققۇز تۈرلۈك مائارىپ ئۇل-ئەسلىھە قۇرۇلۇشى بار بولۇپ، جەمئىي 61مىليون 512مىڭ يۈەن مەبلەغ سېلىنىدىكەن. ئىچىدە، يېڭىدىن قۇرۇلىدىغان ناھىيەلىك 3-باشلانغۇچ مەكتىپىنىڭ ئوقۇتۇش بىناسى، ياتاق بىناسى، ئاشخانا ۋە تەنھەرىكەت مەيدانى قاتارلىق 4 تۈرگە 41مىليون 260مىڭ يۈەن، ناھىيەلىك كەسپى ئوتتۇرا مەكتەپنىڭ ئوقۇغۇچىلار ياتاق بىناسى، تەجرىبە بىناسى ۋە تەنھەرىكەت مەيدانى قاتارلىق 3 تۈرگە 10مىليون 690مىڭ يۈەن، ناھىيەلىك ئوتتۇرا مەكتەپنىڭ ياتاق بىناسى ۋە ئاشخانا قۇرۇلۇشىغا 9مىليون 562مىڭ 800يۈەن مەبلەغ سېلىنىدىكەن. ھازىرغا قەدەر، يەتتە تۈرلۈك قۇرۇلۇشتا ئىش باشلاندى، ئىچىدە، ناھىيەلىك ئوتتۇرا مەكتەپ ۋە 3-باشلانغۇچ مەكتەپنىڭ قۇرۇلۇش تۈرى يىل ئاخىرىدا تاماملىنىدىكەن.