تاۋلان بلوگى

بۇرادەر ، ئايالىڭىز يەنە بىر يات جىنىس بىلەن قۇل تۇتۇشۇپ ، بەل تارتىشىپ قۇچاقلىشىپ تانسا ئوينىسا سىزدە ئازىراقمۇ قىزغىنىش ، كۇنلەش ھېسياتى ، ئارامسىزلىنىش ، قىزىرىش ، ئۇيۇلىش كەيپىياتى ئويغانمامدۇ ؟ ئايال ئەر كىشى ئۆزىلا بەھىرلىندىغان ، مەنپەتلىندىغان مۇتلەق نېئمەت .  ئاياللار ئەرلەرگە جانابىي ھەقنىڭ ئامانىتىدۇر  ئامانەتنى ئۆز ئىگىسىگە جايدا يەتكۇزۇش ئۇچۇن چىڭ ساقلىماق زۆروردۇر . ئامانەتنى خالىغان بىرگە كۆرسىتىپ ، تۇتقۇزۇپ ، سىيلاتقۇزۇپ ، ھۇزۇرلاندۇرىۋەرسىڭىز ئامانەتكە خىيانەت ، جىنايەت ئۇستىگە جىنايەت ئۆتكۇزگەن بۇلسىز . جەزمەنكى ، يات جىنىسلارنىڭ تېنى بىلەن تولا ئۇچۇراشقان ئايال ئەڭ ئوڭاي بۇزلىدۇ . ئىشەنمىسىڭىز ، ساپمۇساق ، تۇلۇپ پىشقان ئالمىنى ھەركۇنى تۇتۇپ ، سىيلاپ قۇيۇڭ . تۇتىۋەرسە ھەپتىگە قالماي ساق ئالمىمۇ سېسىيدۇ .
بۇرادەر ، ئايالىڭىزقىسقا ، تار كىيىملەرنى قاپساپ كىيىپ ئۆز زىننەتلىرىنى كۆز- كۆز قىلىپ ماڭسا ، يوتا - كىندىكلىرى ئوچۇق تۇرسا ، يات ئەرلەر تۇكۇرىكىنى غورتىلدىتىپ يۇتۇپ ، ئارقىسىدىن ئوغىرلىقچە شەھۋەت نەزەرلىرى بىلەن قاراپ يۇرسە سىزدە كۇنلەش ، قىزغىنىش ، غەزەپ ھېسياتى ئويغانمامدۇ ؟

ئايالىڭىزنىڭ ھەركەتلىرىنىڭ يات جىنىسلىقلارنىڭ شەھۋىتىنى قۇزغۇتىشى سىزنى نومۇسلاندۇرمامدۇ ؟
ياكى ھەممە ئېغىزنى تامشىتىپ ، تىل چاكىلدىتىپ ئايالىڭىزنىڭ گۇزەللىكىنى ، چىرايلىقلىقىنى ماختاپ قۇيسا ، خۇشلىقتىن كېرىلىپ كېتىدىغان مەنتەڭ مىجەز ئەرلەردىنمۇ سىز ؟......
ياراتقۇچىدىن ھايا ، نومۇس تىلەيمەنكى ، جېنىم ئەرلەر ، خوتۇنىڭلارنى ئاز- تولا كۇنلەپ قۇيۇڭلار . ئەگەر ئۇلارنى ھەقىقىي سۆيسەڭلار ۋە ئىززەتلىسەڭلار ، ئۇلارنى يامان كۆز ، ئىپلاس غەرەز، بۇزۇق نىيەتلەردىن ساقلاڭلار . بۇ ھەرگىزمۇ ئىشەنمەسلىك ئەمەس . بەلكى ئىشىنىشنى چىڭىتىش ، نىكاھقا گۇمان ئەمەس ، نىكاھقا مەسئۇلىيەت ۋە تەلەپتۇر . بۇگۇن ئايالىڭىزنىڭ بىھايالىقىنى ئازىراقمۇ كۇنلىمىسىڭىز ، بەلكىم ئەتە ئۇنى كۆرۇشكىمۇ تاپالماسلىقىڭىز مۇمكىن . تاپتىن چىققان ئاياللارنىڭ كەينىدە خوتۇنلىرىنى كۇنلەشنى بىلمەيدىغان ، خوتۇننىڭ ھەرقانداق ھەركىتىگە لاتىلارچە ھۆرمەت ، خۇمسىلارچە ئىلمىيلىك بىلەن يول قۇيۇۋېردىغان ، قىسقىسى خوتۇننى ھەقىقىي ماھىيىتى بىلەن سۆيۇش ، قەدىرلەش ، خوتۇننىڭ ئىززەت - نەپسىنى ساقلاش ، قۇغداشنى بىلمەيدىغان يارامسىز ئەرلەر باردۇر .
- باشقىلار كۇنلىمەڭ ، ئۇمۇ بىر تىرىك جانغۇ ، دەيدۇ . مەن لايىقىدا كۇنلەڭ ، چۇنكى ئۇ تىرىك جان دەيمەن . 



"كۆزۇڭنى ئاچ ، ئۆزۇڭنى تاپ ئەركەكلەر " دىن ئىلىندى

مەنبە :تاۋلان مۇنبىرى