تاۋلان بلوگى

ﺋﺎﺑﺪﯗﻗﺎﺩﯨﺮ ﺟﺎﻻﻟﯩﺪﯨﻦ

ﺋﻪﮔﻪﺭ ﺋﻪﻣﮕﻪﻙ ﺑﯩﻠﻪﻧﻼ ﺑﯧﻴﯩﺸﻘﺎ ﻣﯜﻣﻜﯩﻦ ﺑﻮﻟﯩﺪﯨﻐﺎﻥ ﺑﻮﻟﺴﺎ ، ﺩﯦﻬﻘﺎﻧﻼﺭ ﺑﯧﻴﯩﭗ ﻛﻪﺗﺴﻪ ﺑﻮﻻﺗﺘﻰ . ﭼﯜﻧﻜﻰ ﺩﯦﻬﻘﺎﻥ ﺋﯚﺯ ﺋﻪﻣﮕﯩﻜﯩﻨﻰ ﻛﯜﻥ ﺑﯩﻠﻪﻥ ﺋﯚﻟﭽﻪﻳﺪﯗ ، ﻛﯜﻧﻨﻰ ﺑﻮﻟﺴﺎ ﻗﯘﻳﺎﺷﻨﯩﯔ ﭼﯩﻘﯩﺸﻰ ﯞﻩ ﭘﯧﺘﯩﺸﻰ ﺑﯩﻠﻪﻥ ﺋﯚﻟﭽﻪﻳﺪﯗ . ﺋﯘﻻﺭ ﻫﻪﺗﺘﺎ ﻛﯜﻧﺪﯛﺯﻧﻰ ﻛﯧﭽﯩﺴﯩﮕﻪ ﺋﯘﻻﭘﻤﯘ ﺋﺎﺷﻠﻪﻳﺪﯗ . ﻣﺎﻧﺎ ﺑﯘ ﺋﯘﻻﺭﻧﯩﯔ ﻛﯜﻧﺪﯛﻟﯜﻙ ﺋﻪﻣﮕﻪﻙ ﻧﻮﺭﻣﯩﺴﻰ . ﺑﯩﺮﺍﻕ ﺋﯘﻻﺭ ﺑﻪﺭﯨﺒﯩﺮ ﻧﺎﻣﺮﺍﺕ ، ﻧﺎﻣﺮﺍﺕ ﺋﻪﻣﻪﺳﻠﯩﺮﯨﻤﯘ ﺑﺎﻱ ﺋﻪﻣﻪﺱ . ﻗﺎﺭﯨﻐﺎﻧﺪﺍ ﻧﯧﺮﻯ - ﺑﯧﺮﯨﺴﯩﻨﻰ ﺳﯜﺭﯛﺷﺘﯜﺭﻣﻪﻱ ، ﺋﯩﺸﻠﻪﺷﻨﻰ ﺑﯩﻠﯩﺸﻨﯩﯔ ﺋﯚﺯﯨﻼ ﻛﯘﭘﺎﻳﻪ ﻗﯩﻠﻤﺎﻳﺪﯗ . ﺋﺎﺩﻩﻡ ﻫﻪﺳﻪﻝ ﻫﻪﺭﯨﺴﻰ ﺋﻪﻣﻪﺱ ، ﻫﻪﺳﻪﻝ ﻫﻪﺭﯨﺴﯩﻨﯩﯔ ﻫﻪﺳﻪﻝ ﺋﯩﺸﻠﯩﺸﻰ ﺋﯘﻧﯩﯔ ﻳﺎﺷﺎﺵ ﺗﻪﺑﯩﺌﯩﺘﯩﻨﯩﯔ ﺋﯩﭙﺎﺩﯨﺴﻰ، ﺋﯘﻧﯩﯖﻐﺎ ﻗﺎﻧﺪﺍﻗﺘﯘﺭ ﺑﯩﺮﻩﺭ ﺳﯩﻨﯩﭗ ﻳﺎﻛﻰ ﺋﯩﻨﻘﯩﻼﺑﯩﻲ ﮔﯘﺭﯗﻫﻨﯩﯔ ﺗﺎﻣﻐﯩﺴﯩﻨﻰ ﺑﺎﺳﻘﯩﻠﻰ ﺑﻮﻟﻤﺎﻳﺪﯗ . ﺋﯘﻻﺭﻧﯩﯔ ﻫﻪﺳﻪﻝ ﺋﯩﺸﻠﻪﺷﺘﻪ ﻣﻪﻟﯘﻡ ﺑﯩﺮ ﻧﻪﺭﺳﯩﮕﻪ ﻗﺎﺭﺷﻰ ﺧﯩﺘﺎﺑﻨﺎﻣﯩﺴﻰ ﻳﻮﻕ ، ﺋﯘﻻﺭ ﺗﻪﺑﯩﺌﻪﺕ ﭘﯩﺮﯨﻨﺴﯩﭙﯩﻨﻰ ﺗﻪﺷﻜﯩﻞ ﻗﯩﻠﯩﺪﯨﻐﺎﻥ ﺋﺎﻣﯩﻞ ﺳﯜﭘﯩﺘﯩﺪﻩ ، ﺋﻪﻧﻪ ﺷﯘﻧﺪﺍﻕ ﻳﺎﺷﯩﺸﯩﺪﯗ . ﺋﯘﻻﺭﻏﺎ : " ﺳﯩﻠﻪﺭ ﻧﯧﻤﻪ ﺋﯜﭼﯜﻥ ﻫﻪﺳﻪﻝ ﺋﯩﺸﻠﻪﻳﺴﯩﻠﻪﺭ ؟ " ﺩﻩﭖ ﺳﯘﺋﺎﻝ ﻗﻮﻳﯘﻟﺴﺎ ، ﻣﻪﯕﮕﯜ ﺟﺎﯞﺍﭖ ﺑﻪﺭﻣﻪﻳﺪﯗ . ﻣﺎﻧﺎ ﻣﯘﺷﯘﻧﯩﯔ ﺋﯚﺯﯨﻼ ﻧﯧﻤﯩﺪﯦﮕﻪﻥ ﻛﺎﺗﺘﺎ ﺟﺎﯞﺍﭖ - ﻫﻪ ؟
ﺩﯦﻬﻘﺎﻧﻼﺭ ﺋﺎﺩﻩﻣﺪﯗﺭ ، ﺋﯘﻻﺭ ﺋﯚﺯ ﺋﻪﻣﮕﯩﮕﯩﻨﯩﯔ ﻣﻪﻗﺴﯩﺘﻰ ، ، ﻛﯧﻠﯩﭗ ﭼﯩﻘﯩﺸﻰ ، ﻛﯚﻟﯩﻤﻰ ، ﺳﺎﭘﺎﺳﻰ ﯞﻩ ﺋﻪﻫﻤﯩﻴﯩﺘﯩﻨﻰ ﺑﯩﻠﯩﺸﻰ ﻛﯧﺮﻩﻙ . ﺑﻪﻟﻜﯩﻢ ﺋﯘﻻﺭ ﺑﯘ ﻫﻪﻗﺘﻪ ﺋﺎﺯ - ﺗﻮﻻ ﺑﯩﻠﯩﺸﻰ ﻣﯜﻣﻜﯩﻦ . ﺑﯘﻻﺭﻧﯩﯔ ﺑﯩﻠﮕﻪﻧﻠﯩﺮﻯ ﺋﯚﺯﻟﯩﺮﯨﻨﻰ ﺑﺎﻏﻼﭖ ﺗﯘﺭﻏﺎﻥ ﻳﻪﺭﻧﯩﯔ ﺋﯧﻬﺘﯩﻴﺎﺟﯩﺪﯨﻦ ﺋﯧﺸﯩﭗ ﭼﯜﺷﻤﻪﻳﺪﯗ . ﺋﻪﻣﻤﺎ، ﻳﻪﺭﻧﯩﯔ ﺋﯚﺯﻯ ﺑﻮﻟﺴﻰ ﺑﻪﻙ ﻛﯚﭖ ﻧﻪﺭﺳﯩﻠﻪﺭﮔﻪ ﺑﺎﻏﻼﻧﻐﺎﻥ . ﺩﯦﻬﻘﺎﻧﻼﺭﻧﯩﯔ ﻣﯧﯖﯩﺴﻰ ﺋﺎﺧﯩﺮﻗﻰ ﻫﯧﺴﺎﺑﺘﺎ ﺑﻪﻙ ﻛﯚﭖ ﻧﻪﺭﺳﯩﻠﻪﺭﮔﻪ ﺑﺎﻏﻠﯩﯟﯦﺘﯩﻠﮕﻪﭼﻜﻪ ، ﺋﯘﻻﺭﺩﺍ ﺯﺍﻣﺎﻧﻐﺎ ﻻﻳﯩﻖ ﺟﺎﻧﻠﯩﻖ ﺗﻪﭘﻪﻛﻜﯜﺭﻧﯩﯔ ﺑﻮﻟﯘﺷﻰ ﻣﯜﻣﻜﯩﻦ ﺋﻪﻣﻪﺱ . ﺷﯘﻧﯩﯔ ﺑﯩﻠﻪﻥ ﺋﯘﻻﺭﻧﯩﯔ ﺑﯩﻠﮕﻪﻧﻠﯩﺮﻯ ﺋﯚﺯﻟﯩﺮﻯ ﭘﺎﺋﺎﻟﯩﻴﻪﺕ ﻗﯩﻠﯩﺪﯨﻐﺎﻥ ﻳﻪﺭﻧﯩﯔ ﻛﯚﻟﯩﻤﯩﺪﯨﻦ ﻛﯚﭖ ﻛﯩﭽﯩﻚ ﺑﻮﻟﯘﭖ ﭼﯩﻘﯩﺪﯗ . ﻣﺎﻧﺎ ﺑﯘ ﻫﻪﻗﯩﻘﻰ ﻧﺎﻣﺮﺍﺗﻠﯩﻖ . ﺋﻪﻣﮕﻪﻙ ﻛﯜﭼﯩﻨﯩﯔ ﻣﻪﻧﯩﺴﻰ ﺋﯩﺸﻠﻪﭘﭽﯩﻘﯩﺮﯨﺶ ﻗﻮﺭﺍﻟﻠﯩﺮﯨﻨﯩﯔ ﺳﻪﯞﯨﻴﯩﺴﯩﮕﻪ ﻗﺎﺭﺍﭖ ﺋﯚﺯﮔﯩﺮﯨﺪﯗ . ﺋﻪﻣﮕﻪﻙ ﻛﯜﭼﻰ ﻳﺎﻛﻰ ﺋﻪﻣﮕﻪﻙ ﻣﯩﻘﺪﺍﺭﻯ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﻨﯩﯔ ﺋﺎﺳﺎﺳﻠﯩﻖ ﺳﻪﯞﻩﺑﻰ ﺩﻩﭖ ﻗﺎﺭﺍﺵ . ﻛﯩﺸﯩﻠﻪﺭﺩﯨﻦ ﺑﯩﻠﯩﻢ ﯞﻩ ﺳﺎﭘﺎ ﺗﻪﻟﻪﭖ ﻗﯩﻠﯩﺪﯨﻐﺎﻥ ﺑﯜﮔﯜﻧﻜﻰ ﺩﻩﯞﺭﺩﻩ ﺋﺎﻗﻤﺎﺱ ﺑﻮﭖ ﻗﺎﻟﺪﻯ . ﺩﯦﻬﻘﺎﻥ ﺑﯩﻠﻪﻥ ﺋﯧﺸﻪﻛﻨﻰ ﺋﺎﻻﻳﻠﻰ ، ﺋﯧﺸﻪﻙ ﺩﯦﻬﻘﺎﻧﻐﺎ ﻗﺎﺭﯨﻐﺎﻧﺪﺍ ﺋﯧﻐﯩﺮ ﺋﯩﺸﻼﺭﻧﻰ ﻗﯩﻠﯩﺪﯗ ، ﺑﯩﺮﺍﻕ ﺋﯘ ﺧﻮﺟﺎﻳﯩﻨﯩﺪﯨﻦ ﺟﯩﻖ ﮔﺎﺩﺍﻱ --- ﺋﯘﻧﯩﯔ ﺋﯚﺯ ﻛﯜﭼﯩﺪﯨﻦ ﺑﺎﺷﻘﺎ ﺑﯩﺮﻩﺭ ﻣﯜﻟﻜﻰ ﻳﻮﻕ . ﻣﻪﻟﯘﻣﻜﻰ ، ﺋﻪﻣﮕﻪﻙ ﺋﻪﻗﯩﻞ ﺑﯩﻠﻪﻥ ﺋﻮﯓ ﺗﺎﻧﺎﺳﯩﭗ ﺑﻮﻟﻤﯩﺴﺎ ﻳﻪﻧﻰ ﺋﻪﻗﯩﻞ ﺑﯩﻠﻪﻥ ﺧﺎﺭﺍﻛﺘﯩﺮﻟﻪﻧﻤﯩﺴﻪ ، ﺋﯘ ، ﺋﻪﻣﮕﻪﻙ ﻗﯩﻠﻐﯘﭼﻰ ﺋﯜﭼﯜﻥ ﺋﺎﻫﺎﻧﻪﺗﻠﯩﻚ ﺋﯩﺶ ﺑﻮﭖ ﭼﯩﻘﯩﺪﯗ .
ﺷﻪﻫﻪﺭﻟﻪﺭﺩﻩ ﻫﻪﻣﻤﻪ ﻧﻪﺭﺳﻪ ﺑﺎﺯﺍﺭﻏﺎ ﻳﯜﺯﻟﻪﻧﮕﻪﻥ ، ﺋﯩﻨﺴﺎﻧﻨﯩﯔ ﻫﺎﺟﯩﺘﯩﮕﻪ ﺑﯧﺮﯨﭗ ﺗﺎﻗﯩﻠﯩﺪﯨﻐﺎﻥ ﻫﻪﺭ ﻗﺎﻧﺪﺍﻕ ﺑﯩﺮ ﺷﻪﻳﺌﯩﻲ ﻣﯜﻣﻜﯩﻨﻼ ﺑﻮﻟﯩﺪﯨﻐﺎﻥ ﺩﺍﺋﯩﺮﯨﺪﻩ ﺗﺎﯞﺍﺭﻏﺎ ﺋﺎﻳﻼﻧﻐﺎﻥ . ﻣﻪﺳﯩﻠﻪﻥ ، ﺳﺎﻻﻡ ﺑﯧﺮﯨﺶ ، ﺗﻪﺑﻪﺳﺴﯘﻡ ﻗﯩﻠﯩﺶ ، ﻧﺎﻣﺎﺯ ﭼﯜﺷﯜﺭﯛﺵ ، ﺑﺎﻏﭽﯩﺪﯨﻜﻰ ﻳﺎﯞﺍ ﺋﻮﺕ ( ﺑﯘﻻﺭ ﻫﯧﭻ ﺑﻮﻟﻤﯩﻐﺎﻧﺪﺍ ﺋﺎﺷﯩﻖ - ﻣﻪﺷﯘﻗﻼﺭ ﺋﯜﭼﯜﻥ ﭘﺎﻧﺎﻫﻠﯩﻖ ﺑﯧﺮﻩﻟﻪﻳﺪﯗ ) ، ﻧﺎﺧﺸﺎ ، ﺳﯚﻳﯜﭖ ﻗﻮﻳﯘﺵ ، ﻛﯜﻟﯜﭖ ﻗﻮﻳﯘﺵ ﻗﺎﺗﺎﺭﻟﯩﻘﻼﺭ ﺑﻮﻟﺴﺎ ﻫﺎﺟﻪﺗﻠﻪﺭﮔﻪ ﻳﯧﺘﯩﺸﺘﻪ ﯞﺍﺳﺘﯩﻠﯩﻖ ﺭﻭﻝ ﺋﻮﻳﻨﺎﻳﺪﯗ . ﺑﯩﺮ ﺋﺎﺩﻩﻣﺪﻩ ﻗﺎﻧﭽﯩﻠﯩﻚ ﺋﺎﻻﻫﯩﺪﯨﻠﯩﻚ ﺑﻮﻟﺴﺎ ، ﻣﻪﻳﻠﻰ ﺋﯘ ﺟﯩﺴﻤﺎﻧﯩﻲ ﺋﺎﻻﻫﯩﺪﯨﻠﯩﻚ ، ﺋﻪﻗﻠﻰ ﺋﺎﻻﻫﯩﺪﯨﻠﯩﻚ ﺑﻮﻟﺴﯘﻥ ﺟﺎﻥ ﺑﯧﻘﯩﺶ ﻳﺎﻛﻰ ﻳﻮﻝ ﺗﯧﭙﯩﺸﻨﯩﯔ ﺩﻩﺳﻤﺎﻳﯩﺴﯩﮕﻪ ﺋﺎﻳﻼﻧﺪﻯ . ﺋﺎﻳﺎﻟﻼﺭ ﺷﻪﻫﻪﺭ ﻫﺎﻳﺎﺗﯩﺪﯨﻜﻰ ﻛﯚﺯﻧﻰ ﺋﻪﯓ ﭼﺎﻗﻨﯩﺘﯩﺪﯨﻐﺎﻥ ﻫﻪﻡ ﺋﻪﯓ ﻛﺎﺭﻏﺎ ﻛﯧﻠﯩﺪﯨﻐﺎﻥ ﯞﺍﺳﺘﻪ ﺑﻮﻟﺪﻯ . ﺋﺎﻳﺎﻟﻼﺭ ﺷﯘﻧﺪﺍﻕ ﻳﺎﺭﯨﺘﯩﻠﻐﺎﻧﻜﻪﻧﻜﻰ ، ﺋﯘﻻﺭ ﺑﯩﺮ ﻗﺎﺭﯨﺴﯩﯔ ﺋﻪﻣﮕﻪﻙ ﻛﯜﭼﻰ ، ﺑﯩﺮ ﻗﺎﺭﯨﺴﺎﯓ ﺯﯨﻤﯩﻨﻐﺎ ﺋﻮﺧﺸﺎﺵ ﻫﻮﺳﯘﻝ ﺑﻪﺭﮔﯜﭼﻰ ، ﺑﯩﺮ ﻗﺎﺭﯨﺴﺎﯓ ﻛﯜﻟﯜﭖ ﺑﻪﺭﮔﯜﭼﻰ ، ﺑﯩﺮ ﻗﺎﺭﯨﺴﺎﯓ ﻳﯩﻐﻼﭖ ﺑﻪﺭﮔﯜﭼﻰ ، ﺑﯩﺮ ﻗﺎﺭﯨﺴﺎﯓ ﻣﯧﯖﯩﭗ ﺑﻪﺭﮔﯜﭼﻰ ، ﺑﯩﺮ ﻗﺎﺭﯨﺴﺎﯓ ﺋﺎﻧﺎ ، ﺑﯩﺮ ﻗﺎﺭﯨﺴﺎﯓ ﻻﯞﺍ..... ﺋﺎﺧﯩﺮﻗﻰ ﻫﯧﺴﺎﺑﺘﺎ ﺋﯜﺯﯛﻝ - ﻛﯧﺴﯩﻞ ﻗﯘﺭﺑﺎﻥ ﺑﻪﺭﮔﯜﭼﻰ . ﺋﯩﺸﻼﺭﺩﺍ ﺗﺎﻗﺎﺑﯩﻞ ﺋﻪﺭﻟﻪﺭ ﺋﺎﻳﺎﻟﻼﺭﺩﯨﻜﻰ ﺋﯧﻼﺳﺘﯩﻜﯩﻠﯩﻖ ﯞﻩ ﻣﻮﻝ ﺋﯩﭽﻜﻰ ﺩﯗﻧﻴﺎﻧﻰ ﻛﻮﺯﯨﺮ ﻗﯩﻠﯩﭗ ، ﻣﻪﺳﺘﯘ - ﻣﯘﺳﺘﻪﻏﺮﻩﻕ ﺑﻮﻟﯘﭖ ﻳﺎﺷﯩﻤﺎﻗﺘﺎ .
ﺷﻪﻫﻪﺭﻟﻪﺭﺩﻩ ﺋﯩﺸﻘﯩﯟﺍﺯﻟﯩﻖ ﺗﻮﻻ ، ﻣﯘﻫﻪﺑﺒﻪﺕ ﺋﺎﺯ ، ﻣﯘﻫﻪﺑﺒﻪﺕ ﺗﺎﻗﺎﺗﺴﯩﺰ ﭘﯘﻝ ﯞﻩﺳﯟﻩﺳﯩﺴﻰ ﯞﻩ ﺗﺎﯞﺍﺭ ﺗﯘﻳﻐﯘﺳﻰ ﺋﯩﭽﯩﺪﻩ ﻳﯧﮕﯩﻠﻪﭖ ﻛﻪﺗﻜﻪﻥ . ﺋﻪﺭﻟﻪﺭ ﮔﯜﺯﻩﻝ ﺋﺎﻳﺎﻟﻼﺭ ﺋﺎﺭﯨﺴﯩﺪﺍ ﺗﯘﺭﯗﭖ ﯞﺍﭘﺎ ﺗﻪﺷﯟﯨﺸﯩﺪﻩ ، ﺋﺎﻳﺎﻟﻼﺭ ﻗﺎﯞﯗﻝ ﺋﻪﺭﻟﻪﺭ ﺋﺎﻟﺪﯨﺪﺍ ﺗﯘﺭﯗﭖ ﺑﺎﻳﺎﯞﺍﻥ ﭼﺎﯕﻘﺎﻗﻠﯩﻘﯩﺪﺍ ، ﻣﺎﻧﺎ ﺑﯘ ﺷﻪﻫﻪﺭ ﻫﺎﻳﺎﺗﻰ . ﻛﯩﺸﯩﻠﻪﺭ ﺑﯩﺮ- ﺑﯩﺮﯨﺪﯨﻦ ﺗﻪﺳﻪﻟﻠﯩﻲ ﺋﯩﺰﺩﻩﻳﺪﯗ ، ﺋﻪﻣﻤﺎ ﺗﻪﺳﻪﻟﻠﯩﻲ ﺑﯧﺮﯨﺸﺘﯩﻜﻰ ﺋﯩﻨﺴﺎﻧﭽﯩﻠﯩﻖ ﺯﻩﺋﯩﭙﻠﻪﺷﻜﻪﻥ .
" ﺋﺎﻳﺎﻟﻼﺭﻧﯩﯔ ﮔﯜﺯﻩﻟﻠﯩﻜﻰ ﻧﯧﻤﯩﺪﻩ " ﺩﯦﮕﻪﻥ ﻣﺎﻗﺎﻟﻪ ﻗﯩﺰﻻﺭﺩﯨﻜﻰ ﺋﯩﭙﭙﻪﺕ ﯞﻩ ﻫﺎﻳﺎﻏﺎ ﻏﻪﺭﺏ ﯞﻩ ﺷﻪﺭﻗﺘﯩﻦ ﭼﯩﻘﯩﯟﺍﺗﻘﺎﻥ ﺋﯜﺷﺸﯜﻙ ﺷﺎﻣﺎﻟﻼﺭ ﻫﻪ ﺩﻩﭖ ﺗﯧﮕﯩﯟﺍﺗﻘﺎﻥ ﺷﺎﺭﺍﺋﯩﺘﺘﺎ ﭼﯩﻘﻘﺎﻥ ﺑﯩﺮ ﺋﺎﺟﯩﺰ ﻧﯩﺪﺍ . ﺗﻮﻣﯘﺭﻟﯩﺮﻯ ﺯﺍﻣﺎﻧﯩﯟﻯ ﺋﯩﻠﯩﻤﮕﻪ ﺩﯦﮕﻪﻧﺪﻩﻙ ﺗﻮﻟﯘﭖ ﻳﯧﺘﻪﻟﻤﯩﮕﻪﻥ ﺑﯘﻧﺪﺍﻕ ﺋﺎﯞﺍﺯﻧﯩﯔ ﺋﺎﻳﺎﻟﻼﺭﻧﯩﯔ ﺋﯚﺯﯨﺪﯨﻦ ﭼﯩﻘﯩﺸﻰ ﻧﺎﻫﺎﻳﯩﺘﻰ ﻳﻮﻟﻠﯘﻕ . ﺋﺎﻳﺎﻟﻼﺭﺩﺍ ﺋﯚﺯ ﻣﻪﯞﺟﯘﺩﯨﻴﯩﺘﯩﻨﯩﯔ ﻗﯩﻤﻤﯩﺘﻰ ﯞﻩ ﺋﯚﺯ ﮔﯜﺯﯛﻟﻠﯩﻜﯩﻨﯩﯔ ﻗﯘﺩﺭﯨﺘﻰ ﻫﻪﻗﻘﯩﺪﻩ ﭼﻮﯕﻘﯘﺭ ﺋﻮﻳﻠﯩﻨﯩﺪﯨﻐﺎﻥ ﺋﻪﺧﻼﻕ ﺑﻮﻟﯘﺷﻰ ﺷﻪﺭﺕ . ﺋﯚﺯ ﻧﯚﯞﯨﺘﯩﺪﻩ ﺑﯘ ﺑﯩﺮ ﺋﻪﺧﻼﻕ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ ﺑﻪﻟﻜﻰ ﻫﻮﻗﯘﻗﺘﯘﺭ .
ﺋﺎﻳﺎﻟﻼﺭﺩﯨﻜﻰ ﺳﯜﺯﯛﻛﻠﯜﻙ ﺋﻪﺳﻠﯩﺪﯨﻜﻰ ﻣﻮﻝ ﺋﯩﭽﻜﻰ ﺩﯗﻧﻴﺎﻧﯩﯔ ﺗﺎﺷﻘﻰ ﻛﯚﺭﯛﻧﯜﺷﯩﺪﯗﺭ . ﺋﯘﻻﺭﺩﯨﻜﻰ ﻧﺎﺯﺍﻛﻪﺕ ، ﺳﯜﻟﻜﻪﺕ ، ﺭﻭﻣﺎﻧﺘﯩﻜﯩﻨﯩﯔ ﺑﺎﻱ ﺗﯘﻳﻐﯘ ﺋﯚﺯﮔﯩﺮﯨﺸﻠﯩﺮﻯ ﺋﻪﺭﻟﻪﺭ ﺋﯜﭼﯜﻥ ﻣﻪﯕﮕﯜ ﺋﺎﺧﯩﺮﻻﺷﻤﺎﺱ ﺗﯧﭙﯩﺸﻤﺎﻕ ﺳﯜﭘﯩﺘﯩﺪﻩ ﻫﺎﻳﺎﺗﻨﯩﯔ ﻣﻪﻫﻠﯩﻴﺎﻟﯩﻖ ﺑﻪﻟﺒﺎﻏﻠﯩﺮﯨﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ . ﺗﺎﺭﯨﺨﻨﻰ ﯞﺍﺭﺍﻗﻠﯩﻐﺎﻧﺪﺍ ، ﺋﺎﻳﺎﻟﻼﺭﺩﯨﻦ ﻣﯘﺗﻪﭘﭙﻪﻛﻜﯜﺭﻟﻪﺭ ﻧﺎﻫﺎﻳﯩﺘﻰ ﺋﺎﺯ ﭼﯩﻘﻘﺎﻥ ، ﻟﯧﻜﯩﻦ ﺋﯘﻻﺭ ﻣﯘﺗﻪﭘﭙﻪﻛﻜﯜﺭﻟﻪﺭﻧﯩﯔ ﻣﻪﻧﯩﯟﻯ ﺋﺎﻧﯩﺴﻰ . ﺋﺎﻳﺎﻟﻼﺭ ﺋﯚﺯﻟﯩﺮﻯ ﺑﯩﯟﺍﺳﺘﻪ ﻛﯩﺘﺎﺏ ﻳﺎﺯﻣﯩﻐﺎﻧﺪﯨﻤﯘ ، ﺋﻪﺭﻟﻪﺭﻧﻰ ﻛﯩﺘﺎﺏ ﻳﯧﺰﯨﺸﻘﺎ ﻣﻪﺟﺒﯘﺭ ﻗﯩﻼﻻﻳﺪﯗ . ﺋﺎﻳﺎﻟﻼﺭﻧﯩﯔ ﻧﺎﺯﯗﻙ ﺟﯩﻤﺠﯩﺘﻠﯩﻘﻰ ﻫﻪﺭ ﻗﺎﻧﺪﺍﻕ ﺋﯩﺪﯨﻴﻪ ﺳﯧﺴﺘﯩﻤﯩﺴﯩﺪﯨﻦ ﺋﯜﺳﺘﯜﻥ ﻫﺎﻟﺪﺍ ﻫﺎﻳﺎﺗﯩﻲ ﻛﯜﭼﻜﻪ ﺋﯩﮕﻪ . ﺋﯩﺪﯨﻴﯩﻨﯩﯔ ﺗﻪﺳﯩﺮﯨﺪﻩ ﺋﯚﺯﮔﻪﺭﻣﯩﮕﻪﻥ ﺗﻮﻣﺘﯘﯞﺍﻕ ﻳﯩﮕﯩﺘﻠﻪﺭ ﺋﺎﻳﺎﻟﻼﺭﻧﯩﯔ ﺳﯧﻬﺮﻯ ﻛﯜﭼﯩﺪﯨﻦ ﻗﺎﻳﺘﯩﺪﯨﻦ ﺋﺎﺩﻩﻡ ﺑﻮﻟﯩﺪﯗ . ﺷﯩﺌﯧﺮ ﺋﻮﻗﯘﭖ ﺗﯩﺘﺮﯨﻤﯩﮕﻪﻥ ﻳﯜﺭﻩﻛﻠﻪﺭ ﻗﯩﺰﻻﺭﻧﻰ ﻛﯚﺭﺳﻪ ﺷﺎﻡ ﺑﻮﻟﯘﭖ ﺋﯧﺮﯨﻴﺪﯗ . ﺭﻭﺷﻪﻧﻜﻰ ، ﺋﺎﻳﺎﻟﻼﺭﻧﯩﯔ ﮔﯜﺯﻩﻟﻠﯩﻜﯩﻨﻰ ﺷﻪﺭﺕ ﻗﯩﻠﻤﯩﻐﺎﻥ ﺋﯩﺠﺎﺩﯨﻴﻪﺕ ﺋﺎﺯ ﺋﯘﭼﺮﺍﻳﺪﯗ ، ﺗﺎﺭﯨﺨﻨﯩﯔ ﺋﺎﭘﺘﻮﺭﻟﯘﻕ ﻫﻮﻗﯘﻗﯩﻨﯩﯔ ﻳﻮﺷﯘﺭﯗﻥ ﺋﯩﮕﯩﺴﻰ -- ﺋﺎﻳﺎﻟﻼﺭﺩﯨﻦ ﺋﯩﺒﺎﺭﻩﺗﺘﯘﺭ .
ﺋﻪﭘﺴﯘﺱ، ﺋﺎﻳﺎﻟﻼﺭﺩﯨﻜﻰ ﺑﯘﻧﺪﺍﻕ ﻛﺎﺗﺘﺎ ﻫﻮﻗﯘﻕ ﺋﯚﻟﻤﻪﻛﺘﻪ ، ﺷﯘﯕﻼﺷﻘﺎ ، ﺋﯘﻻﺭ ﺋﻪﺭﻟﻪﺭﻧﯩﯔ ﺋﺎﻟﺪﯨﺪﺍ ﭘﺎﺳﺴﯩﭗ ﺋﻪﻫﯟﺍﻟﻐﺎ ﭼﯜﺷﯜﭖ ﻗﺎﻟﺪﻯ . ﺋﯘﻻﺭ ﺋﻪﺭﻟﻪﺭﻧﻰ ﺗﯘﺗﯘﭖ ﺗﯘﺭﯨﺪﯨﻐﺎﻥ ﻗﯘﺩﺭﻩﺗﻨﻰ ﻳﯜﺯﻩﻛﻰ ﺋﯩﺸﺮﻩﺕ ﺋﯜﭼﯜﻥ ﺗﺎﯞﻛﺎﻏﺎ ﺗﺎﺷﻼﭖ ، ﺑﯩﺮ - ﺑﯩﺮﻟﻪﭖ ﺋﯘﺗﺘﯘﺭﯗﺷﻤﺎﻗﺘﺎ . ﺋﻪﺭﻟﻪﺭ ﻗﯩﻠﭽﻪ ﺧﯩﺠﯩﻞ ﺑﻮﻟﻤﯩﻐﺎﻥ ﻫﺎﻟﺪﺍ ﻣﯘﺷﯘﻧﺪﺍﻕ ﺗﯩﺮﺍﮔﯧﺪﯨﻴﯩﻠﯩﻚ ﺑﺎﺳﻘﯘﭼﻨﯩﯔ ﺷﺎﻫﯩﺪﻯ ﺑﻮﻟﯘﺷﻤﺎﻗﺘﺎ . ﺋﻪﺭﻟﻪﺭ ﺋﯚﺯﯨﺪﯨﻜﻰ ﺋﻪﻗﯩﻞ - ﺋﯩﺪﺭﺍﻙ ﯞﻩ ﻣﺎﺩﺩﯨﻲ ﺑﺎﻳﻠﯩﻘﻨﯩﯔ ﻫﺎﻻﻝ ﺳﻪﺭﭘﯩﻴﺎﺗﻰ ﺋﺎﺭﻗﯩﻠﯩﻖ ﺋﺎﻳﺎﻟﻼﺭﻧﯩﯔ ﺋﯜﺳﺘﯩﺪﯨﻜﻰ ﻫﻪﻗﻘﻰ - ﻫﯚﺭﻣﯩﺘﯩﻨﻰ ﻗﻮﻏﺪﯨﺸﻰ ﻻﺯﯨﻢ . ﺑﻮﻟﻤﯩﺴﺎ ﺋﺎﺧﯩﺮﻯ ﺑﯧﺮﯨﭗ ﺋﯚﺯﻟﯩﺮﯨﻤﯘ ﭼﯜﺷﻜﯜﻧﻠﯩﺸﯩﺪﯗ .
ﺋﻪﺭﻟﻪﺭﺩﯨﻜﻰ ﻗﺎﺗﺘﯩﻖ ﻗﻮﻟﻠﯘﻕ ﺩﯨﯟﻩﯕﻠﯩﻚ ﯞﻩ ﺟﺎﻫﯩﻠﻠﯩﻘﺘﯩﻦ ﺋﯩﺒﺎﺭﻩﺕ ﺑﻮﻟﯘﭖ ﻗﺎﻟﻤﺎﺳﻠﯩﻘﻰ ، ﺑﻪﻟﻜﻰ ﺋﯘ ﺳﻮﻏﯘﻗﻘﺎﻥ ﺋﻪﻗﯩﻞ - ﭘﺎﺭﺍﺳﻪﺗﻜﻪ ﯞﻩ ﻳﯩﺮﺍﻗﻨﻰ ﻛﯚﺭﻩﺭﻟﯩﻚ ﺋﯜﺳﺘﯩﮕﻪ ﻗﯘﺭﯗﻟﯘﺷﻰ ﻻﺯﯨﻢ . ﻣﯘﺷﯘﻧﺪﺍﻕ ﺷﺎﺭﺍﺋﯩﺘﺘﺎ ﻗﺎﺗﺘﯩﻖ ﻗﻮﻝ ﺑﻮﻻﻟﻤﯩﻐﺎﻥ ﺋﻪﺭﻟﻪﺭ ﺋﯚﺯ ﺋﺎﻳﺎﻟﻠﯩﺮﯨﻐﺎ ﻣﺎﻫﯩﻴﻪﺗﻠﯩﻚ ﻫﺎﻟﺪﺍ ﻣﯧﻬﺮﯨﺒﺎﻥ ﺑﻮﻻﻟﻤﺎﻳﺪﯗ . ﻗﺎﺗﺘﯩﻖ ﻗﻮﻟﻠﯘﻕ ﻫﻪﺭﮔﯩﺰﻣﯘ ﺋﺎﻳﺎﻟﻼﺭﻏﺎ ﻳﯜﺭﮔﯜﺯﯛﻟﮕﻪﻥ ﺩﯨﻜﺘﺎﺗﻮﺭﺍ ﺋﻪﻣﻪﺱ ، ﺑﻪﻟﻜﻰ ﺗﯧﮕﻰ ﺋﺎﻟﺘﯘﻥ ﺗﺎﻍ ﺑﻮﻟﯘﺷﻰ ﻻﺯﯨﻢ . ﺗﺎﻍ ﺳﻮﻏﯘﻕ ﯞﻩ ﺳﯜﺭﻟﯜﻙ ﺑﻮﻟﯩﺪﯗ ، ﺑﯩﺮﺍﻕ ﺑﺎﻏﻼﺭﻧﯩﯔ ﺷﯧﺮﯨﻦ ﻣﯩﯟﯨﻠﯩﺮﻯ ﺋﺎﺷﯘ ﺗﺎﻏﺪﯨﻦ ﻛﯧﻠﯩﺪﯨﻐﺎﻥ ﻫﺎﯞﺍ ﯞﻩ ﺳﯘ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ . ﺋﺎﺗﺎ ﺩﯦﮕﻪﻥ ﺗﺎﻍ ، ﺋﺎﻧﺎ ﺩﯦﮕﻪﻥ ﺑﺎﻍ .
ﺑﯩﺮ ﻣﯩﻠﻠﻪﺗﻨﯩﯔ ﭼﯜﺷﻜﯜﻧﻠﯩﻜﻰ ﺋﺎﻳﺎﻟﻼﺭﺩﯨﻜﻰ ﺳﺎﻳﺎﻗﻠﯩﻘﺘﺎ ﺭﻭﺷﻪﻥ ﻛﯚﺭﯛﻟﯩﺪﯗ ، ﺑﯘ ﻳﻪﻧﻪ ﺋﻪﺭﻟﻪﺭﺩﯨﻜﻰ ﻗﻪﻳﺴﻪﺭﻟﯩﻜﻨﯩﯔ ﺑﻪﺭﺑﺎﺕ ﺑﻮﻟﻐﺎﻧﻠﯩﻘﯩﻨﻰ ﭼﯜﺷﻪﻧﺪﯛﺭﯨﺪﯗ . ﺋﺎﻳﺎﻟﻼﺭ ﻫﻪﻗﻘﯩﺪﻩ ﻗﻮﻟﯩﻐﺎ ﻗﻪﻟﻪﻡ ﺋﯧﻠﯩﺸﻘﺎ ﺟﯜﺭﺋﻪﺕ ﻗﯩﻠﻐﺎﻥ ﺋﺎﭘﺘﻮﺭ ﺑﯩﺮ ﺋﺎﺯ ﻗﻮﺭﯗﻧﯘﭖ ﺗﯘﺭﯗﭖ ﺳﯚﺯﻟﯩﮕﻪﻥ ﺑﻮﻟﺴﯩﻤﯘ ، " ﻣﯧﻬﺮﺍﺑﺘﯩﻦ ﭼﺎﻳﺎﻥ " ﺭﻭﻣﺎﻧﯩﺪﯨﻜﻰ ﺭﻩﻧﺎ ، "ﻟﯧﻴﯩﻐﺎﻥ ﺑﯘﻻﻕ" ﺭﻭﻣﺎﻧﯩﺪﯨﻜﻰ ﻧﻪﻗﯩﺴﻪﮔﻪ ﺋﻮﺧﺸﺎﺵ ﺗﯧﭙﯩﻚ ﺋﻮﺗﺘﯘﺭﺍ ﺋﺎﺳﯩﻴﺎﭼﻪ ﻻﺗﺎﭘﻪﺗﻨﯩﯔ ﻳﻮﻗﯘﻟﯩﯟﺍﺗﻘﺎﻧﻠﯩﻘﯩﺪﯨﻦ ﻛﻪﻟﮕﻪﻥ ﻛﯩﺮﺯﯨﺴﻠﯩﻚ ﺗﯘﻳﻐﯘ ﻣﻪﻟﯘﻡ ﻣﻪﻧﯩﺪﻩ ﺋﯚﺯ ﺋﯩﭙﺎﺩﯨﺴﯩﻨﻰ ﺗﺎﭘﻘﺎﻥ .
ﺷﻪﻫﻪﺭ ﺋﺎﺳﺎﺳﻪﻥ ﺩﯦﮕﯜﺩﻩﻙ ﺋﯩﺸﺨﺎﻧﯩﻼﺷﻘﺎﻥ ﺋﯩﺸﻠﻪﭘﭽﯩﻘﯩﺮﯨﺶ ﻗﯘﺭﯗﻟﻤﯩﺴﻰ . ﺋﯘ ﻳﻪﺭﺩﻩ ﺋﯩﺸﻠﻪﭘﭽﯩﻘﯩﺮﯨﺸﻨﯩﯔ ﻣﯘﺋﻪﻳﻴﻪﻥ ﺳﻪﯞﯨﻴﯩﺪﻩ ﻣﺎﺷﯩﻨﯩﻠﯩﺸﯩﺸﻰ ﺋﻪﺭ- ﺋﺎﻳﺎﻝ ﺋﻮﺗﺘﯘﺭﺳﯩﺪﯨﻜﻰ ﺋﯩﺶ ﺗﻪﻗﺴﯩﻤﺎﺗﯩﻨﯩﯔ ﺟﯩﻨﺴﻰ ﭘﻪﺭﻗﯩﻨﻰ ﺋﺎﺯﺍﻳﺘﺘﻰ ﻳﺎﻛﻰ ﻳﻮﻗﺎﺗﺘﻰ . ﺑﯘ ﺋﺎﻳﺎﻟﻼﺭﻧﯩﯔ ﺗﻪﺷﻪﺑﺒﯘﺳﻜﺎﺭﻟﯩﻘﯩﻨﻰ ﻳﺎﺭﺍﺗﺘﻰ . ﻛﯩﺸﯩﻠﻪﺭ ﺷﻪﻫﻪﺭ ﻣﻪﺋﯩﺸﻪﺗﻠﯩﺮﯨﮕﻪ ﻳﺎﺗﯩﺪﯨﻐﺎﻥ ﺑﯩﻠﯩﻤﻠﻪﺭﻧﻰ ﺋﯩﮕﯩﻠﯩﮕﻪﻥ ﺑﻮﻟﺴﯩﻤﯘ ، ﺋﯚﺯﻟﯩﺮﯨﻨﯩﯔ ﻣﺎﻫﯩﻴﯩﺘﻰ ﻫﻪﻗﻘﯩﺪﯨﻜﻰ ﺑﯩﻠﯩﺸﻠﻪﺭﺩﻩ ﺗﻮﺧﺘﺎﭖ ﻗﺎﻟﺪﻯ - ﺩﻩ ، ﺋﯚﺯﻟﯩﺮﻯ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﻣﻪﺳﯩﻠﯩﻠﻪﺭﮔﻪ ﺟﺎﯞﺍﭖ ﺑﯧﺮﯨﺸﺘﯩﻦ ﻗﯩﺴﯩﻠﺪﻯ . ﺑﯘﻧﯩﯖﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺧﺎﺭﺍﻛﺘﯧﺮ ﭘﯜﭼﻪﻛﻠﯩﻜﻰ ﺋﻪﺭ ﯞﻩ ﺋﺎﻳﺎﻝ ﺋﻮﺗﺘﯘﺭﺳﯩﺪﯨﻜﻰ ﺗﻪﯕﻠﯩﻤﯩﻨﻰ ﺗﻮﻏﺮﺍ ﻳﯧﺸﯩﺸﺘﯩﻦ ﻣﻪﻫﺮﯗﻡ ﻗﯩﻠﺪﻯ . ﺋﺎﺧﯩﺮﻯ ﻣﯩﻠﻠﯩﻲ ﺋﻪﺧﻼﻕ ﻗﺎﺭﯨﺸﯩﻤﯩﺰﻏﺎ ﺯﯨﺖ ﻫﺎﻟﻪﺗﻠﻪﺭ ﺋﻮﺗﺘﯘﺭﯨﻐﺎ ﭼﯩﻘﻘﺎﻧﺪﺍ ، ﻗﺎﻗﺸﺎﺵ ، ﺗﺎﭘﺎ ﻗﯩﻠﯩﺶ ، ﺩﯛﺷﻜﻪﻟﻪﺵ ، ﮔﺎﯕﮕﯩﺮﺍﺷﺘﯩﻦ ﺑﺎﺷﻘﺎ ﺋﯩﻨﻜﺎﺳﻼﺭ ﺑﻮﻟﻤﯩﺪﻯ .
ﺷﻪﻫﻪﺭﻟﻪﺭﺩﻩ ﺗﯩﺠﺎﺭﻩﺕ ، ﺳﻪﻫﺮﺍﻻﺭﺩﺍ ﻗﯩﻴﺎﻣﻪﺕ؛ ﺷﻪﻫﻪﺭﻟﻪﺭﺩﻩ ﺯﯨﻴﺎﭘﻪﺕ ، ﺳﻪﻫﺮﺍﻻﺭﺩﺍ ﻗﺎﻧﺎﺋﻪﺕ ..... ﺑﯘ ﻫﺎﻝ ﺧﻪﻟﻘﯩﻤﯩﺰﺩﻩ ﮔﻮﻳﺎ ﺋﯩﻜﻜﻰ ﺗﻪﺑﯩﻘﯩﻨﻰ ﻛﻪﻟﺘﯜﺭﯛﭖ ﭼﯩﻘﺎﺭﺩﻯ . ﻳﯧﺰﺍ ﺋﻪﻧﺌﻪﻧﯩﯟﻯ ﻣﻪﺩﯨﻨﯩﻴﻪﺕ ﯞﻩ ﺋﻪﻗﯩﺪﯨﻨﯩﯔ ﺋﺎﺟﯩﺰ ﻣﯩﺮﺍﺳﺨﻮﺭﻯ ، ﺷﻪﻫﻪﺭ ﺭﻩﯕﺪﺍﺭ ﺋﻪﺟﻨﻪﺑﯩﻲ ﻣﻪﺩﻩﻧﯩﻴﻪﺗﻨﯩﯔ ﺋﻪﺳﻪﺑﯩﻲ ﺋﯩﺨﻼﺳﻤﻪﻧﻰ ؛ ﻳﯧﺰﯨﺪﺍ ﻳﺎﺭﯨﺘﯩﺶ ، ﺷﻪﻫﻪﺭﺩﻩ ﺧﻮﺭﯨﺘﯩﺶ ،،،، ﯞﻩﻫﺎﻛﺎﺯﺍﻻﺭ .
ﺋﻪﺧﻼﻕ ﻣﻪﺳﯩﻠﯩﺴﻰ ﺋﯜﺳﺘﯩﺪﯨﻜﻰ ﺋﻮﻳﻠﯩﻨﯩﺸﻼﺭ ﯞﻩ ﺋﯩﺰﺩﯨﻨﯩﺸﻠﻪﺭ ﺑﯩﯟﺍﺳﺘﻪ ﺋﯩﻘﺘﯩﺴﺎﺩﯨﻲ ﻧﻪﭖ ﺋﻪﻛﻪﻟﻤﯩﮕﻪﭼﻜﻪ ، ﻫﻪﺭ ﻗﺎﻳﺴﻰ ﮔﯘﺭﯗﻫﻼﺭ ﯞﻩ ﺋﻮﺭﮔﺎﻧﻼﺭﻧﯩﯔ ﺩﯨﻘﻘﻪﺕ ﺳﯩﺮﺗﯩﺪﺍ ﻗﺎﻟﺪﻯ . ﺑﯘ ﭘﻪﻗﻪﺕ ﺗﺎﺭ ﻣﻪﻛﺘﻪﭖ ﺋﯚﻳﻠﯩﺮﯨﺪﯨﻜﻰ ﺋﯧﻬﺘﯩﻴﺎﺗﭽﺎﻥ ﭘﯧﺪﺍﮔﻮﻛﻼﺭﻧﯩﯔ ﻳﯜﺭﻩﻛﻨﻰ ﺗﯩﻠﯩﺪﯨﻐﺎﻥ ﺗﯧﻤﯩﺴﻰ ﺑﻮﭖ ﻗﺎﻟﺪﻯ . ﯞﺍﻫﺎﻟﻪﻧﻜﻰ ، ﺋﻪﺧﻼﻗﻤﯘ ﺋﺨﺘﯩﺴﺎﺩ ﻣﻪﺳﯩﻠﯩﻠﯩﺮﯨﮕﻪ ﻳﺎﺗﯩﺪﯨﻐﺎﻥ ﻣﯘﻫﯩﻢ ﺋﺎﻣﯩﻞ . ﺋﯩﻘﺘﯩﺴﺎﺩ ﻫﻪﻗﻘﯩﺪﻩ ﻧﻪﭼﭽﻪ ﭘﺎﺭﭼﻪ ﻳﯩﺮﯨﻚ ﺋﻪﺳﻪﺭ ﻳﺎﺯﻏﺎﻥ ﺋﺎﺩﺍﻡ ﺳﯩﻤﯩﺖ ﻳﻪﻧﻪ ﺋﻪﺧﻼﺭ ﻣﻪﺳﯩﻠﯩﻠﯩﺮﻯ ﯞﻩ ﻛﯩﺸﯩﻠﻪﺭﺩﯨﻜﻰ ﺳﻪﻧﺌﻪﺕ ﻫﻪﻡ ﺗﯘﺭﻣﯘﺷﻘﺎ ﻳﺎﺗﯩﺪﯨﻐﺎﻥ ﻧﺎﺯﯗﻙ ﻫﯩﺴﺴﯩﻴﺎﺗﻼﺭ ﻫﻪﻗﻘﯩﺪﯨﻤﯘ ﺑﺎﺵ ﻗﺎﺗﯘﺭﻏﺎﻥ . ﺟﻪﻣﯩﻴﻪﺕ ﺋﻪﺯﺍﻟﯩﺮﻯ ﺟﻪﻣﯩﻴﻪﺗﺘﯩﻦ ﺋﯩﺒﺎﺭﻩﺕ ﺷﺎﻫﻤﺎﺕ ﺗﺎﺧﺘﯩﺴﯩﺪﺍ ﺋﻪﺭﻛﯩﻦ ﻳﯚﺗﻜﯩﻠﻪﻟﻪﻳﺪﯨﻐﺎﻥ ﯞﻩ ﻗﺎﺋﯩﺪﻩ ﺗﻪﻟﯩﭙﻰ ﺑﻮﻳﯩﭽﻪ ﺭﻭﻝ ﺋﻮﻳﻨﯩﻴﺎﻻﻳﺪﯨﻐﺎﻥ ﺋﯘﺭﯗﻗﭽﻪ ﺑﻮﻻﻟﯩﻐﺎﻧﺪﺍ ، ﺋﻪﺧﻼﻗﯩﻲ ﻣﻪﺳﺌﯘﻟﯩﻴﻪﺕ ﺋﯜﺳﺘﯩﺪﻩ ﻣﯘﺳﺘﻪﻗﯩﻞ ﺋﻮﻳﻠﯩﻨﯩﺸﻨﯩﯔ ﺷﺎﺭﺍﺋﯩﺘﻰ ﻫﺎﺯﯨﺮﻻﻧﻐﺎﻥ ﺑﻮﻟﯩﺪﯗ . ﺷﯘ ﭼﺎﻏﺪﯨﻼ ﺋﻪﺧﻼﻕ ﻣﺎﺩﺩﯨﻲ ﺗﻪﺭﻩﻗﻘﯩﻴﺎﺗﻨﯩﯔ ﻳﯚﻧﯩﻠﯩﺸﯩﮕﻪ ﺗﻪﺳﯩﺮ ﻛﯚﺭﺳﯩﺘﻪﻟﻪﻳﺪﯗ . ﺋﻪﺳﻠﯩﺪﻩ ﺋﻪﺧﻼﻗﯩﻲ ﯞﻩ ﺋﻪﻗﻠﯩﻲ ﺳﺎﭘﺎ ﻣﺎﺩﺩﯨﻲ ﺗﻪﺭﻩﻗﻘﯩﻴﺎﺗﺘﯩﻦ ﻛﯚﭖ ﺋﯩﻠﮕﯩﺮﻯ ﻣﯧﯖﯩﺸﻰ ﻛﯧﺮﻩﻙ . ﺷﯘ ﭼﺎﻏﺪﯨﻠﻰ ﺋﯘ ﻣﺎﺩﺩﯨﻲ ﺗﻪﺭﻩﻗﻘﯩﻴﺎﺕ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﺗﯜﺭﻟﯜﻙ ﻣﻪﺳﯩﻠﯩﻠﻪﺭﮔﻪ ﺋﺎﻟﺪﯨﻨﺌﺎﻻ ﺩﯨﺌﺎﮔﻨﻮﺯ ﻗﻮﻳﺎﻻﻳﺪﯗ ﯞﻩ ﻛﯩﺸﯩﻠﻪﺭﮔﻪ ﺋﺎﮔﺎﻫ ﺑﻮﻟﯘﺷﻘﺎ ﺗﯧﮕﯩﺸﻠﯩﻚ ﺋﯩﺸﻼﺭﺩﯨﻦ ﺑﯩﺸﺎﺭﻩﺕ ﺑﯧﺮﻩﻟﻪﻳﺪﯗ .
ﺑﯩﺰﺩﻩ ﺋﯚﺯﯨﻨﯩﯔ ﺗﯘﺭﻣﯘﺵ ﯞﻩ ﺋﺎﺋﯩﻠﻪ ﻣﻪﺳﯩﻠﯩﻠﯩﺮﯨﻨﻰ ﻫﻪﻝ ﻗﯩﻠﯩﺸﻘﺎ ﻗﺎﺩﯨﺮ ﺑﻮﻻﻟﻤﺎﻳﯟﺍﺗﻘﺎﻥ ، ﻛﯜﻧﺪﯨﻠﯩﻚ ﺋﻪﻗﻠﯩﻲ ﻣﻪﺷﻐﯘﻻﺗﻰ ﺧﺎﻥ ﺑﯧﻘﯩﺶ ﭼﻪﻣﺒﯩﺮﯨﻜﯩﺪﯨﻦ ﭼﯩﻘﯩﭗ ﻛﯧﺘﻪﻟﻤﻪﻳﯟﺍﺗﻘﺎﻥ ﺯﯨﻴﺎﻟﯩﻴﻼﺭ ﺗﺎﻻﻱ . ﺋﯘﻻﺭﻧﯩﯔ ﺋﺎﺋﯩﻠﯩﺪﯨﻜﻰ ﺭﻭﻟﯩﺪﯨﻦ ﺧﻮﺗﯘﻧﻰ ﺑﯩﻠﻪﻥ ﺑﺎﻟﯩﺴﯩﻤﯘ ﺭﺍﺯﻯ ﺋﻪﻣﻪﺱ . ﺋﯘﻻﺭﻧﯩﯔ ﺋﯩﺪﺍﺭﯨﺪﯨﻜﻰ ﺭﻭﻟﯩﺪﯨﻦ ﻗﻮﻝ ﺋﺎﺳﺘﯩﺪﯨﻜﻰ ﺧﺎﺩﯨﻤﻼﺭﻣﯘ ﺭﺍﺯﻯ ﺋﻪﻣﻪﺱ . ﺑﯘﻧﺪﺍﻕ ﺋﻪﻫﯟﺍﻟﺪﺍ ﺋﯘﻻﺭﺩﯨﻦ ﭼﻮﯓ ﺋﯩﺠﺘﯩﻤﺎﺋﯩﻲ ﻛﯩﺮﺯﯨﺴﻠﻪﺭﻧﻰ ﻫﻪﻝ ﻗﯩﻠﯩﺸﻨﻰ ﻛﯜﺗﯜﺵ ﺷﻪﻳﺘﺎﻧﺪﯨﻦ ﺋﯩﻤﺎﻥ ﺗﻪﻟﻪﭖ ﻗﯩﻠﻐﺎﻧﻠﯩﻖ ﺑﯩﻠﻪﻥ ﺑﺎﺭﺍﯞﻩﺭ .
ﺟﻪﻣﯩﻴﻪﺗﺘﻪ ﺋﻮﻗﯘﺷﺴﯩﺰ ﻗﯧﻠﯩﯟﺍﺗﻘﺎﻥ ﺑﺎﻟﯩﻼﺭ ﯞﻩ ﻧﺎﻣﺮﺍﺗﻠﯩﻖ ﺗﯜﭘﻪﻳﻠﻰ ﻳﯩﺮﺍﻕ ﺳﻪﻫﺮﺍﻻﺭﺩﯨﻦ ﻛﯧﻠﯩﭗ ﺑﺎﻻ ﺑﺎﻗﻘﯘﭼﻰ (ﺑﺎﯞ ﻣﯘ) ﺑﻮﻟﯘﯞﺍﺗﻘﺎﻥ ﻧﺎﺭﺳﯩﺪﻩ ﻗﯩﺰﻻﺭ ﺋﻮﻣﯘﻣﻼﺷﺘﯘﺭﯗﭖ ﺋﯧﻴﺘﻘﺎﻧﺪﺍ ، ﻳﯘﻗﯘﺭﻗﯩﺪﻩﻙ ﭼﻮﯓ ﺋﯩﺠﺘﯩﻤﺎﯨﻲ ﺳﻪﯞﻩﭘﻠﻪﺭﻧﯩﯔ ﻗﯘﺭﺑﺎﻧﻠﯩﺮﻯ .
ﺑﺎﻟﯩﻼﺭﻧﻰ ﻣﯘﻫﻪﺑﺒﻪﺗﺘﯩﻦ ﻣﻪﻫﺮﯗﻡ ﻗﺎﻟﺪﯗﺭﯗﺵ ﻛﻪﻟﮕﯜﺳﯩﺪﯨﻜﻰ ﺟﯩﻨﺎﻳﻪﺗﻜﻪ ﺋﯘﻝ ﺳﯧﻠﯩﺸﺘﯘﺭ . ﺑﺎﻟﯩﻼﺭﻧﻰ ﺋﻮﻗﯘﺷﺘﯩﻦ ﻣﻪﻫﺮﯗﻡ ﻗﺎﻟﺪﯗﺭﯗﺵ - ﻏﯘﺭﯗﺭﻟﯘﻕ ﺑﻪﺧﺘﻨﯩﯔ ﺳﻪﻛﺮﺍﺗﻘﺎ ﭼﯜﺷﯜﺷﯩﺪﯗﺭ . ﺷﯘﻧﻰ ﺋﻪﺳﻜﻪﺭﺗﯩﭗ ﻗﻮﻳﯘﺵ ﻛﯧﺮﻩﻛﻜﻰ ، ﺗﻪﺭﺑﯩﻴﻪ ﻫﻪﺭﮔﯩﺰﻣﯘ ﻣﻪﻛﺘﻪﭖ ﺑﯩﻠﻪﻥ ﭼﻪﻛﻠﻪﻧﻤﻪﻳﺪﯗ . ﻛﯩﺸﯩﻠﻪﺭﺩﯨﻜﻰ ﺋﯩﻨﺴﺎﭖ ، ﺩﯨﻴﺎﻧﻪﺕ ، ﺧﻪﻳﺮ - ﺳﺎﺧﺎﯞﻩﺕ ، ﺟﺎﺳﺎﺭﻩﺕ ، ﻣﯘﻫﻪﺑﺒﻪﺕ ﻗﺎﺗﺎﺭﻟﯩﻖ ﻣﻪﻧﯩﯟﻯ ﻛﯚﺭﯛﻧﯜﺷﻠﻪﺭ ﺩﻩﻝ ﺑﺎﻟﯩﻼﺭﻧﯩﯔ ﺧﺎﺭﺍﻛﺘﯧﺮﯨﮕﻪ ﺋﯚﭼﻤﻪﺱ ﺋﯩﺰﻻﺭﻧﻰ ﻗﺎﻟﺪﯗﺭﯨﺪﯨﻐﺎﻥ ﺗﯩﺮﯨﻚ ﻣﻪﻛﺘﻪﭘﻠﻪﺭﺩﯗﺭ .
ﻧﯧﻤﻪ ﻗﯩﻠﯩﺶ ﻛﯧﺮﻩﻙ ؟ ﺑﯘﻧﯩﯖﻐﺎ ﻛﺎﺭﻝ ﻣﺎﺭﻛﯩﺲ ﻣﯘﻧﺪﺍﻕ ﺩﻩﭖ ﺟﺎﯞﺍﭖ ﺑﻪﺭﮔﻪﻥ ﺋﯩﻜﻪﻥ ؛ " ﻫﯚﻛﯜﻣﺎﻻﺭ ﺩﯗﻧﻴﺎﻧﻰ ﻫﻪﺭ ﭼﯜﺷﻪﻧﺪﯛﺭﯛﭖ ﻛﻪﻟﺪﻯ ، ﮔﻪﭖ ﻗﺎﻧﺪﺍﻕ ﺋﯚﺯﮔﻪﺭﺗﯩﺸﺘﻪ " .
ﺋﻮﻟﺘﯘﺭﯗﭖ ﭘﯩﻜﯩﺮ ﻗﯩﻠﯩﺪﯨﻐﺎﻧﻼﺭ ﻣﯧﯖﯩﭗ ﻳﯜﺭﯛﭖ ﭘﯩﻜﯩﺮ ﻗﯩﻠﯩﺪﯨﻐﺎﻧﻼﺭﺩﯨﻦ ﻛﯚﭘﯩﻴﯩﭗ ﻛﻪﺗﺘﻰ .

ﻣﻪﻧﺒﻪ:| ﺷﯩﻨﺠﺎﯓ ﻣﻪﺩﻩﻧﯩﻴﯩﺘﻰ