تاۋلان بلوگى

يىگىتلىك سىنىقى
(شېئىر)
بۇ جاھانغا يىگىت بولۇپ تۇغۇلدۇڭ ،
زىممەڭگە بەك كۆپ ئۈمۈتلەر يۈكلەنگەن.
سەن تۇغۇلۇپ خوشال قىلدىڭ زىمىننى ،
شۇ شاتلىقتا ئاتاڭ قەددى تىكلەنگەن .  

سەن تۇغۇلۇپ يىگىتلىككە يەتكۈچە ،
ساڭا ئوبدان ئەجىر قىلدى بار جاھان.
سەن يىگىتسەن ، بۇدۇنيادىن ئۆتكۈچە،
كۆپ سىناقلار قاراپ تۇرار سەن تامان . 

قان چىقسىمۇ ياش تۆكمەسلىك ياربولسۇن،
جاپا تارتىپ ئەلەم چېكىش كىچىك ئىش. 
يىگىت ئۈچۈن بۇ ھەممىسى بىر سىناق ،
بەزى كۈنلەر باشقا كېلەر قارا قىش .

يىگىت بولساڭ بار جاھانغا مېھىر بەر ،
ھەممە نەرسە مۇھتاج يارۇ-يۆلەككە .
ئەتە ئۈچۈن كۈرەش قىلىش بۇرچۇڭدۇر،
چۇقۇم يەتكىن كۈتكەن ئارزۇ تىلەككە .

ئەل بىلەن تەڭ يىغا يىغلاپ تەڭ كۈلۈپ،
خەلقىڭ بىلەن ھەمنەپەس بوپ ئۆتكەيسەن . 
گەر قولۇڭدىن ياخشىلىقلار كەلمىسە،
نۇمۇس ساڭا، ئەل كۆزىدىن يۈتكەيسەن .

يىگىت بولساڭ قەھرىڭمۇ ھەم بار بولسۇن ،
تەييار تۇرغىن ياۋ باغرىنى تىلغىلى .
يىگىت ئۈچۈن غورۇر مۇھىم ھەممىدىن ،
ناپاكلىقنى يەرگە يەكسان قىلغىلى . 

مېھرىمۇ بار قەھرىمۇ بار يىگىت بول ، 
ئەر تىنىقى_مىسلى ئەلنىڭ تىنىقى.
پاك ياشىغىن ، ۋىجدانىڭنى يوقاتما،
بەكمۇ ئېغىر يىگىتلىكنىڭ سىنىقى.
                                                               -يالقۇن
مەنبە:http://bbs.salkin.cn/read.php?tid=79370