ﺋﺎﭘﺘﻮﻧﻮﻡ ﺭﺍﻳﻮﻥ ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﯩﺶ ﺭﻩﺳﻤﯩﻴﯩﺘﯩﻨﻰ ﺑﯧﺠﯩﺮﮔﻪﻧﻠﻪﺭﻧﯩﯔ ﻛﯜﺗﯜﻧﯜﺵ ﭘﯘﻟﯩﻨﻰ 2009- ﻳﯩﻠﻰ 1- ﺋﺎﻳﻨﯩﯔ 1- ﻛﯜﻧﯩﺪﯨﻦ ﺑﺎﺷﻼﭖ ﺋﯚﺳﺘﯜﺭﺩﻯ. ﺋﺎﭘﺘﻮﻧﻮﻡ ﺭﺍﻳﻮﻧﻠﯘﻕ ﺳﯩﻴﺎﺳﯩﻲ ﻛﯧﯖﻪﺷﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺧﯘﺍﯓ ﭼﺎﯕﻴﯜﻩﻥ ﺗﻮﻧﯘﺷﺘﯘﺭﯗﭖ ﻣﯘﻧﺪﺍﻕ ﺩﯦﺪﻯ:- ﻛﺎﺭﺧﺎﻧﯩﻼﺭﺩﯨﻦ ﺩﻩﻡ ﺋﯧﻠﯩﺸﻘﺎ ﭼﯩﻘﻘﺎﻥ ﯞﻩ ﺟﯘﻣﮭﯘﺭﯨﻴﻪﺕ ﻗﯘﺭﯗﻟﯘﺷﺘﯩﻦ ﺋﯩﻠﮕﯩﺮﯨﻜﻰ ﺋﯩﻨﻘﯩﻼﺑﯩﻲ ﺧﯩﺰﻣﻪﺗﻜﻪ ﻗﺎﺗﻨﺎﺷﻘﺎﻥ، ﺳﺎﺑﯩﻖ ﺋﻪﻣﮕﻪﻙ، ﻛﺎﺩﯨﺮﻻﺭ ﺋﯩﺸﻠﯩﺮﻯ ﻣﯩﻨﯩﺴﺘﯩﺮﻟﯩﻜﯩﻨﯩﯔ ﺋﻪﻣﮕﻪﻙ، ﻛﺎﺩﯨﺮﻻﺭ ﺳﯘﻏﯘﺭﺗﯩﺴﻰ 3- ﻧﻮﻣﯘﺭﻟﯘﻕ ﺑﻪﻟﮕﯩﻠﯩﻤﯩﮕﻪ ﺋﯘﻳﻐﯘﻥ ﻛﯧﻠﯩﺪﯨﻐﺎﻥ، ﭘﯧﻨﺴﯩﻴﯩﮕﻪ ﭼﯩﻘﻘﺎﻧﺪﯨﻦ ﻛﯧﻴﯩﻦ ﺋﻪﺳﻠﯩﺪﯨﻜﻰ ﺋﯚﻟﭽﻪﻣﻠﯩﻚ ﻣﺎﺋﺎﺷﻨﻰ ﺩﺍﯞﺍﻣﻠﯩﻖ ﺋﯧﻠﯩﯟﺍﺗﻘﺎﻥ ﭘﯧﺸﻘﻪﺩﻩﻡ ﺋﯩﺸﭽﯩﻼﺭ ﺑﯘ ﻗﯧﺘﯩﻤﻘﻰ ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﯩﻨﻰ ﺗﻪﯕﺸﻪﺵ ﺩﺍﺋﯩﺮﯨﺴﯩﮕﻪ ﻛﯩﺮﮔﯜﺯﯛﻟﻤﻪﻳﺪﯗ. ﻛﺎﺭﺧﺎﻧﺎ ﺋﯩﺸﭽﻰ - ﺧﯩﺰﻣﻪﺗﭽﯩﻠﯩﺮﯨﻨﯩﯔ ﺋﺎﺳﺎﺳﯩﻲ ﻛﯜﺗﯜﻧﯜﺵ ﺳﯘﻏﯘﺭﺗﯩﺴﯩﻨﻰ ﺟﻪﻣﺌﯩﻴﻪﺕ ﺑﯩﺮ ﺗﯘﺗﺎﺵ ﻏﻪﻣﻠﻪﺷﻜﻪ ﻗﺎﺗﻨﺎﺷﻘﺎﻥ، ﺑﯩﺮﺍﻕ ﺋﻮﺭﮔﺎﻥ، ﻛﻪﺳﭙﯩﻲ ﺋﻮﺭﯗﻧﻼﺭﻧﯩﯔ ﺗﻪﯕﺸﻪﺵ ﭼﺎﺭﯨﺴﯩﮕﻪ ﺋﺎﺳﺎﺳﻪﻥ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﻰ ﺗﻪﯕﺸﻪﻟﮕﻪﻥ ﺋﯩﻠﮕﯩﺮﯨﻜﻰ ﺋﻮﺭﮔﺎﻥ، ﻛﻪﺳﭙﯩﻲ ﺋﻮﺭﯗﻧﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﻛﯜﺗﯜﻧﯜﺵ ﭘﯘﻟﻰ ﺋﻮﺭﮔﺎﻥ، ﻛﻪﺳﭙﯩﻲ ﺋﻮﺭﯗﻧﺪﺍ ﺗﻪﯕﺸﻪﻟﮕﻪﻧﻠﯩﻜﻰ ﺳﻪﯞﻩﺑﯩﺪﯨﻦ ﺑﯘ ﻗﯧﺘﯩﻤﻘﻰ ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﯩﻨﻰ ﺗﻪﯕﺸﻪﺵ ﺩﺍﺋﯩﺮﯨﺴﯩﮕﻪ ﻛﯩﺮﮔﯜﺯﯛﻟﻤﻪﻳﺪﯗ.
ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﯩﻨﻰ ﺑﯘ ﻗﯧﺘﯩﻤﻘﻰ ﺗﻪﯕﺸﻪﺵ ﺋﯚﻟﭽﯩﻤﻰ 2008- ﻳﯩﻠﻰ ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﺋﺎﻳﻠﯩﻖ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﯩﻨﯩﯔ %10ﻯ ﺋﻪﺗﺮﺍﭘﯩﺪﺍ ﻗﯩﻠﯩﭗ ﺑﯧﻜﯩﺘﯩﻠﺪﻯ، ﺋﻮﻣﯘﻣﯩﻴﯜﺯﻟﯜﻙ ﺗﻪﯕﺸﻪﺵ ﺋﯚﻟﭽﯩﻤﯩﺪﻩ ﺑﯩﺮ ﻛﯩﺸﯩﮕﻪ ﺋﺎﻳﺪﺍ ﺗﻪﺧﻤﯩﻨﻪﻥ 110 ﻳﯜﻩﻥ ﻗﻮﺷﯘﻟﯩﺪﯗ. ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﻧﯩﯔ ﭼﻪﺕ، ﻳﯩﺮﺍﻕ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺕ ﺭﺍﻳﻮﻧﻠﯩﺮﯨﺪﯨﻜﻰ ﻛﺎﺭﺧﺎﻧﯩﻠﯩﺮﯨﺪﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﻳﺎﺷﺎﻧﻐﺎﻧﺪﺍ ﻛﯜﺗﯜﻧﯜﺵ ﭘﯘﻟﯩﻨﯩﯔ ﺗﯚﯞﻩﻧﺮﻩﻙ ﺑﻮﻟﯘﺵ ﺋﻪﻣﻪﻟﯩﻴﯩﺘﻰ ﻛﯚﺯﺩﻩ ﺗﯘﺗﯘﻟﯘﭖ، ﺋﻮﻣﯘﻣﯩﻴﯜﺯﻟﯜﻙ ﺗﻪﯕﺸﻪﺵ ﺋﺎﺳﺎﺳﯩﺪﺍ، ﺋﺎﻟﯩﻲ ﺋﯘﻧﯟﺍﻧﻐﺎ ﺋﯧﺮﯨﺸﻜﻪﻥ ﯞﻩ ﺑﺎﻟﺪﯗﺭ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ، ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﻰ ﺗﯚﯞﻩﻧﺮﻩﻙ ﺧﺎﺩﯨﻤﻼﺭﻏﺎ ﻳﻪﻧﻪ ﺑﻪﻟﮕﯩﻠﯩﻚ ﺋﯚﻟﭽﻪﻡ ﺑﻮﻳﯩﭽﻪ ﻛﯜﺗﯜﻧﯜﺵ ﭘﯘﻟﻰ ﻗﻮﺷﯘﭖ ﺑﯧﺮﯨﻠﯩﺪﯗ. ﺷﯘﯕﺎ، ﺑﯘ ﻗﯧﺘﯩﻤﻘﻰ ﺋﻪﻣﻪﻟﯩﻲ ﺗﻪﯕﺸﻪﺵ ﺳﻪﯞﯨﻴﯩﺴﻰ ﺋﯚﺗﻜﻪﻥ ﻳﯩﻠﻰ ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﺧﺎﺩﯨﻤﻼﺭﻧﯩﯔ ﺋﺎﻳﻠﯩﻖ ﺋﻮﺗﺘﯘﺭﯨﭽﻪ ﻛﯜﺗﯜﻧﯜﺵ ﭘﯘﻟﯩﻨﯩﯔ %13ﻯ ﺋﻪﺗﺮﺍﭘﯩﺪﺍ ﺑﻮﻟﯩﺪﯗ، ﺗﻪﯕﺸﻪﺵ ﺩﻩﺭﯨﺠﯩﺴﻰ ﺋﻪﯓ ﻳﯘﻗﯩﺮﻯ ﺑﯩﺮ ﻗﯧﺘﯩﻤﻠﯩﻖ ﺗﻪﯕﺸﻪﺵ ﮬﯧﺴﺎﺑﻠﯩﻨﯩﺪﯗ.
ﺋﯩﺴﻼﮬﺎﺕ، ﺋﯧﭽﯩﯟﯦﺘﯩﺸﺘﯩﻦ ﺑﯘﺭﯗﻥ ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﯨﻜﻰ ﻛﺎﺭﺧﺎﻧﺎ ﺋﯩﺸﭽﻰ - ﺧﯩﺰﻣﻪﺗﭽﯩﻠﯩﺮﯨﻨﯩﯔ ﻳﯩﻠﻠﯩﻖ ﺋﻮﺗﺘﯘﺭﯨﭽﻪ ﻣﺎﺋﺎﺷﻰ 717ﻳﯜﻩﻥ، ﺋﺎﻳﻠﯩﻖ ﻣﺎﺋﺎﺷﻰ ﺗﻪﺧﻤﯩﻨﻪﻥ 59.75ﻳﯜﻩﻥ ﺋﯩﺪﻯ. ﮬﺎﺯﯨﺮ ﺋﺎﭘﺘﻮﻧﻮﻡ ﺭﺍﻳﻮﻧﯩﻤﯩﺰﺩﯨﻜﻰ ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﺋﺎﻳﻠﯩﻖ ﺋﻮﺗﺘﯘﺭﯨﭽﻪ ﻛﯜﺗﯜﻧﯜﺵ ﭘﯘﻟﻰ 1ﻣﯩﯔ 183ﻳﯜﻩﻥ ﺑﻮﻟﯘﭖ، ﺑﯘ ﻗﯧﺘﯩﻢ ﺗﻪﯕﺸﻪﻟﮕﻪﻧﺪﯨﻦ ﻛﯧﻴﯩﻦ 1ﻣﯩﯔ 300ﻳﯜﻩﻧﮕﻪ ﻳﯧﺘﯩﺪﯨﻜﻪﻥ. ﺑﯘ ﺳﻪﯞﯨﻴﻪ 30 ﻳﯩﻠﻨﯩﯔ ﺋﺎﻟﺪﯨﺪﺍ ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﻛﯜﺗﯜﻧﯜﺵ ﭘﯘﻟﯩﻨﯩﯔ 20 ﮬﻪﺳﺴﯩﺴﯩﺪﯨﻦ ﻛﯚﭘﺮﻩﻛﻜﻪ ﺗﻮﻏﺮﺍ ﻛﯧﻠﯩﺪﯨﻜﻪﻥ.
ﺑﯘ ﻗﯧﺘﯩﻤﻘﻰ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﯩﻨﻰ ﺗﻪﯕﺸﻪﺵ ﺋﻮﻣﯘﻣﯩﻴﯜﺯﻟﯜﻙ ﺗﻪﯕﺸﻪﺵ ﯞﻩ ﺋﺎﻻﮬﯩﺪﻩ ﺗﻪﯕﺸﻪﺷﺘﯩﻦ ﺋﯩﺒﺎﺭﻩﺕ ﺋﯩﻜﻜﻰ ﺧﯩﻞ ﺑﻮﻟﯩﺪﯗ. ﺋﻮﻣﯘﻣﯩﻴﯜﺯﻟﯜﻙ ﺗﻪﯕﺸﻪﺷﺘﻪ ﻛﯜﺗﯜﻧﯜﺵ ﺳﻮﻏﯘﺭﺗﺎ ﭘﯘﻟﻰ ﺗﺎﭘﺸﯘﺭﯗﺵ ﻣﯘﺩﺩﯨﺘﯩﻨﯩﯔ ﺋﯘﺯﯗﻥ - ﻗﯩﺴﻘﯩﻠﯩﻘﯩﻐﺎ ﺋﺎﺳﺎﺳﻪﻥ ﻛﯜﺗﯜﻧﯜﺵ ﭘﯘﻟﯩﻨﻰ ﺗﻪﯕﺸﻪﺵ ﺷﻪﺭﺗﯩﮕﻪ ﺋﯘﻳﻐﯘﻥ ﻛﯧﻠﯩﺪﯨﻐﺎﻥ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻏﺎ ﺋﻮﻣﯘﻣﯩﻴﯜﺯﻟﯜﻙ ﻣﻪﻟﯘﻡ ﻣﯩﻘﺪﺍﺭﺩﺍ ﻛﯜﺗﯜﻧﯜﺵ ﭘﯘﻟﻰ ﻗﻮﺷﯘﻟﯩﺪﯗ. ﺋﺎﻻﮬﯩﺪﻩ ﺗﻪﯕﺸﻪﺷﺘﻪ ﺋﻮﻣﯘﻣﯩﻴﯜﺯﻟﯜﻙ ﺗﻪﯕﺸﻪﺵ ﺋﺎﺳﺎﺳﯩﺪﺍ ﺳﯩﻴﺎﺳﻪﺕ ﺟﻪﮬﻪﺗﺘﻪ ﻣﺎﻳﯩﻠﻠﯩﺸﯩﺸﻘﺎ ﺗﯧﮕﯩﺸﻠﯩﻚ ﺋﺎﻻﮬﯩﺪﻩ ﻛﯩﺸﯩﻠﻪﺭﻧﯩﯔ ﻛﯜﺗﯜﻧﯜﺵ ﭘﯘﻟﻰ ﺑﻪﻟﮕﯩﻠﯩﻚ ﻣﯩﻘﺪﺍﺭﺩﺍ ﻳﻪﻧﻪ ﺗﻪﯕﺸﯩﻠﯩﺪﯗ.
ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﻛﯜﺗﯜﻧﯜﺵ ﭘﯘﻟﯩﻨﻰ ﺋﻮﻣﯘﻣﯩﻴﯜﺯﻟﯜﻙ ﺗﻪﯕﺸﻪﺵ ﭼﺎﺭﯨﺴﻰ ﯞﻩ ﺋﯚﻟﭽﯩﻤﻰ. ﺑﯩﺮﯨﻨﭽﻰ، 2009- ﻳﯩﻠﻠﯩﻖ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﯩﻨﻰ ﺗﻪﯕﺸﻪﺵ ﺩﺍﺋﯩﺮﯨﺴﯩﮕﻪ ﻛﯩﺮﮔﯜﺯﯛﻟﮕﻪﻥ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﮬﻪﺭ ﺑﯩﺮ ﺋﯧﻴﯩﻐﺎ 2008- ﻳﯩﻠﯩﻨﯩﯔ ﺋﺎﺧﯩﺮﯨﺪﯨﻜﻰ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﻰ ﺋﺎﺳﺎﺳﯩﺪﺍ95 ﻳﯜﻩﻥ ﻗﻮﺷﯘﻟﯩﺪﯗ. ﺋﯩﻜﻜﯩﻨﭽﻰ، ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﻛﯜﺗﯜﻧﯜﺵ ﭘﯘﻟﻰ ﻳﯘﻗﯩﺮﻯ ﺋﯚﻟﭽﻪﻡ ﺑﻮﻳﯩﭽﻪ ﺋﻮﻣﯘﻣﯩﻴﯜﺯﻟﯜﻙ ﺗﻪﯕﺸﻪﻟﮕﻪﻧﺪﯨﻦ ﻛﯧﻴﯩﻦ، ﻳﺎﺷﺎﻧﻐﺎﻧﺪﺍ ﻛﯜﺗﯜﻧﯜﺵ ﺳﯘﻏﯘﺭﺗﯩﺴﻰ ﮬﻪﻗﻘﯩﻨﻰ ﺗﺎﭘﺸﯘﺭﻏﺎﻥ ﻣﯘﺩﺩﯨﺘﻰ 15 ﻳﯩﻠﺪﯨﻦ ﺋﺎﺷﻘﺎﻧﻼﺭﻏﺎ 16- ﻳﯩﻠﯩﺪﯨﻦ ﺑﺎﺷﻼﭖ ﮬﻪﺭ ﻳﯩﻠﯩﻐﺎ ﺑﻪﺵ ﻳﯜﻩﻧﺪﯨﻦ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﻰ ﻗﻮﺷﯘﻟﯩﺪﯗ. ﻛﯜﺗﯜﻧﯜﺵ ﺳﯘﻏﯘﺭﺗﺎ ﭘﯘﻟﯩﻨﻰ ﺗﺎﭘﺸﯘﺭﻏﺎﻥ ﻣﯘﺩﺩﯨﺘﻰ ﺑﯩﺮ ﻳﯩﻠﻐﺎ ﺗﻮﺷﻤﯩﻐﺎﻧﻼﺭﻧﯩﯔ ﺑﯩﺮ ﻳﯩﻞ ﺑﻮﻳﯩﭽﻪ ﮬﯧﺴﺎﺑﻠﯩﻨﯩﺪﯗ. ﻛﯜﺗﯜﻧﯜﺵ ﺳﯘﻏﯘﺭﺗﺎ ﮬﻪﻗﻘﯩﻨﻰ ﺗﺎﭘﺸﯘﺭﯗﺵ ﻣﯘﺩﺩﯨﺘﻰ- ﺩﯙﻟﻪﺕ ﯞﻩ ﺋﺎﭘﺘﻮﻧﻮﻡ ﺭﺍﻳﻮﻥ ﺗﺎﭘﺸﯘﺭﯗﺷﻨﻰ ﺑﻪﻟﮕﯩﻠﯩﮕﻪﻥ ﺋﺎﺳﺎﺳﯩﻲ ﻛﯜﺗﯜﻧﯜﺵ ﺳﻮﻏﯘﺭﺗﺎ ﮬﻪﻗﻘﯩﻨﻰ ﺗﺎﭘﺸﯘﺭﯗﺵ ﻳﯩﻞ ﻣﯘﺩﺩﯨﺘﯩﻨﻰ ﻛﯚﺭﺳﯩﺘﯩﺪﯗ.
ﺋﺎﻻﮬﯩﺪﻩ ﺗﻪﯕﺸﻪﺵ ﺋﻮﺑﻴﯧﻜﺘﻰ ﯞﻩ ﺋﯚﻟﭽﯩﻤﻰ. ﺋﺎﻻﮬﯩﺪﻩ ﺗﻪﯕﺸﻪﺷﺘﻪ ﺋﻮﻣﯘﻣﯩﻴﯜﺯﻟﯜﻙ ﺗﻪﯕﺸﻪﺵ ﺋﺎﺳﺎﺳﯩﺪﺍ 2008- ﻳﯩﻠﻰ 12- ﺋﺎﻳﻨﯩﯔ 31- ﻛﯜﻧﯩﺪﯨﻦ ﺑﯘﺭﯗﻥ ﭘﯧﻨﺴﯩﻴﯩﮕﻪ ﭼﯩﻘﯩﺶ ﺭﻩﺳﻤﯩﻴﯩﺘﯩﻨﻰ ﺑﯧﺠﯩﺮﮔﻪﻥ ﮬﻪﻡ ﺋﺎﻟﯩﻲ ﺋﯘﻧﯟﺍﻥ ﺋﺎﻟﻐﺎﻥ ﯞﻩ ﭘﯧﻨﺴﯩﻴﯩﮕﻪ ﭼﯩﻘﻘﯩﻨﯩﻐﺎ ﺋﯘﺯﺍﻕ ﺑﻮﻟﻐﺎﻥ، ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﻰ ﺗﯚﯞﻩﻧﺮﻩﻙ ﺧﺎﺩﯨﻤﻼﺭﻏﺎ 2009- ﻳﯩﻠﻰ 1- ﺋﺎﻳﻨﯩﯔ 1- ﻛﯜﻧﯩﺪﯨﻦ ﺑﺎﺷﻼﭖ ﻳﻪﻧﻪ ﺗﯚﯞﻩﻧﺪﯨﻜﻰ ﺋﯚﻟﭽﻪﻡ ﺑﻮﻳﯩﭽﻪ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﻰ ﻗﻮﺷﯘﭖ ﺑﯧﺮﯨﻠﯩﺪﯗ: ﺑﯩﺮﯨﻨﭽﻰ، ﺩﻩﻡ ﺋﯧﻠﯩﺸﻘﺎ ﭼﯩﻘﻘﺎﻧﻼﺭ ﺋﯩﭽﯩﺪﯨﻜﻰ ﺋﺎﻟﯩﻲ ﺋﯘﻧﯟﺍﻧﻠﯩﻖ ﻳﻪﻧﻰ ﺩﻭﺗﺴﯧﻨﺘﺘﯩﻦ ﻳﯘﻗﯩﺮﻯ ﺋﯘﻧﯟﺍﻥ ﺋﺎﻟﻐﺎﻧﻼﺭ، ﺋﺎﻟﯩﻲ ﺋﯧﻨﮋﯦﻨﯧﺮﻻﺭﻧﯩﯔ ﮬﻪﺭ ﺑﯩﺮﯨﮕﻪ ﺋﺎﻳﺪﺍ ﻳﻪﻧﻪ 80 ﻳﯜﻩﻥ ﻗﻮﺷﯘﻟﯩﺪﯗ. ﺋﯩﻜﻜﯩﻨﭽﻰ، ﭘﯧﻨﺴﯩﻴﯩﮕﻪ ﭼﯩﻘﻘﯩﻨﯩﻐﺎ ﺋﯘﺯﺍﻕ ﺑﻮﻟﻐﺎﻥ، ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﻰ ﺗﯚﯞﻩﻧﺮﻩﻙ ﺑﻮﻟﯘﯞﺍﺗﻘﺎﻥ ﻳﺎﺷﺎﻧﻐﺎﻧﻼﺭﻏﺎ ﻣﺎﻳﯩﻠﻠﯩﺸﯩﺶ ﺋﺎﺳﺎﺳﯩﺪﺍ، ﻳﯧﺸﻰ ﭼﻮﯕﺮﺍﻕ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻏﺎ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﯩﺪﺍ ﺋﯧﺘﯩﺒﺎﺭ ﺑﯧﺮﯨﺶ ﻣﯧﺨﺎﻧﯩﺰﯨﻤﻰ ﺋﻮﺭﻧﯩﺘﯩﻠﯩﺪﯗ. 2008- ﻳﯩﻠﻰ 12- ﺋﺎﻳﻨﯩﯔ 31- ﻛﯜﻧﯩﮕﯩﭽﻪ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ، ﻳﯧﺸﻰ 70 ﺗﯩﻦ 79 ﻳﺎﺷﻘﯩﭽﻪ ﺑﻮﻟﻐﺎﻧﻼﺭﻏﺎ ﺋﺎﻳﺪﺍ ﻳﻪﻧﻪ 20 ﻳﯜﻩﻥ ﻗﻮﺷﯘﻟﯩﺪﯗ. 80 ﻳﺎﺷﻠﯩﻖ ﯞﻩ 80 ﻳﺎﺷﺘﯩﻦ ﺋﺎﺷﻘﺎﻧﻼﺭﻧﯩﯔ ﮬﻪﺭ ﺑﯩﺮﯨﮕﻪ ﺋﺎﻳﺪﺍ ﻳﻪﻧﻪ 30 ﻳﯜﻩﻥ ﻗﻮﺷﯘﻟﯩﺪﯗ. 2009- ﻳﯩﻠﻰ 1- ﺋﺎﻳﻨﯩﯔ 1- ﻛﯜﻧﯩﺪﯨﻦ ﻛﯧﻴﯩﻦ 70 ﻳﺎﺷﻘﺎ ﻛﯩﺮﯨﺪﯨﻐﺎﻧﻼﺭﻏﺎ 70 ﻳﺎﺷﻘﺎ ﻛﯩﺮﮔﻪﻥ ﺷﯘ ﺋﺎﻳﺪﯨﻦ ﺑﺎﺷﻼﭖ ﻛﯜﺗﯜﻧﯜﺵ ﭘﯘﻟﯩﻐﺎ ﺋﯧﻴﯩﻐﺎ 60 ﻳﯜﻩﻥ ﻗﻮﺷﯘﻟﯩﺪﯗ. 2009- ﻳﯩﻠﻰ 1- ﺋﺎﻳﻨﯩﯔ 1- ﻛﯜﻧﯩﺪﯨﻦ ﻛﯧﻴﯩﻦ 80 ﻳﺎﺷﻘﺎ ﻛﯩﺮﯨﺪﯨﻐﺎﻧﻼﺭﻏﺎ 80 ﻳﺎﺷﻘﺎ ﻛﯩﺮﮔﻪﻥ ﺋﺎﻳﺪﯨﻦ ﺑﺎﺷﻼﭖ ﻛﯜﺗﯜﻧﯜﺵ ﭘﯘﻟﯩﻐﺎ ﺋﯧﻴﯩﻐﺎ 95 ﻳﯜﻩﻥ ﻗﻮﺷﯘﻟﯩﺪﯗ.
ﺋﯜﭼﯩﻨﭽﻰ، 1953- ﻳﯩﻠﯩﻨﯩﯔ ﺋﺎﺧﯩﺮﯨﺪﯨﻦ ﺑﯘﺭﯗﻥ ﺧﯩﺰﻣﻪﺗﻜﻪ ﻗﺎﺗﻨﯩﺸﯩﭗ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭ ﺋﯩﭽﯩﺪﯨﻜﻰ ﻛﯜﺗﯜﻧﯜﺵ ﺳﯘﻏﯘﺭﺗﺎ ﮬﻪﻗﻘﯩﻨﻰ ﺗﺎﭘﺸﯘﺭﻏﺎﻥ ﻣﯘﺩﺩﯨﺘﻰ 30 ﻳﯩﻠﻐﺎ ﺗﻮﺷﻘﺎﻧﻼﺭﻏﺎ ﺋﺎﻳﺪﺍ 75 ﻳﯜﻩﻥ ﻗﻮﺷﯘﭖ ﺑﯧﺮﯨﻠﯩﺪﯗ. ﻛﯜﺗﯜﻧﯜﺵ ﺳﯘﻏﯘﺭﺗﺎ ﮬﻪﻗﻘﯩﻨﻰ ﺗﺎﭘﺸﯘﺭﻏﺎﻥ ﻣﯘﺩﺩﯨﺘﻰ 30 ﻳﯩﻠﻐﺎ ﺗﻮﺷﻤﯩﻐﺎﻧﻼﺭﻏﺎ ﺋﺎﻳﺪﺍ 55 ﻳﯜﻩﻥ ﻗﻮﺷﯘﭖ ﺑﯧﺮﯨﻠﯩﺪﯗ.
ﺗﯚﺗﯩﻨﭽﻰ، 1956- ﻳﯩﻠﯩﻨﯩﯔ ﺋﺎﺧﯩﺮﯨﺪﯨﻦ ﺑﯘﺭﯗﻥ ﺧﯩﺰﻣﻪﺗﻜﻪ ﻗﺎﺗﻨﺎﺷﻘﺎﻥ ﺳﻮﺩﺍ - ﺳﺎﻧﺎﺋﻪﺕ ﺳﺎﮬﻪﺳﯩﺪﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭ ﺋﯩﭽﯩﺪﯨﻜﻰ ﻛﯜﺗﯜﻧﯜﺵ ﺳﯘﻏﯘﺭﺗﺎ ﮬﻪﻗﻘﯩﻨﻰ ﺗﺎﭘﺸﯘﺭﻏﺎﻥ ﻣﯘﺩﺩﯨﺘﻰ 30 ﻳﯩﻠﻐﺎ ﺗﻮﺷﻘﺎﻧﻼﺭﻏﺎ ﺋﺎﻳﺪﺍ 45 ﻳﯜﻩﻥ ﻗﻮﺷﯘﭖ ﺑﯧﺮﯨﻠﯩﺪﯗ. ﻛﯜﺗﯜﻧﯜﺵ ﺳﯘﻏﯘﺭﺗﺎ ﮬﻪﻗﻘﯩﻨﻰ ﺗﺎﭘﺸﯘﺭﻏﺎﻥ ﻣﯘﺩﺩﯨﺘﻰ 30 ﻳﯩﻠﻐﺎ ﺗﻮﺷﻤﯩﻐﺎﻧﻼﺭﻏﺎ ﺋﺎﻳﺪﺍ 35 ﻳﯜﻩﻥ ﻗﻮﺷﯘﭖ ﺑﯧﺮﯨﻠﯩﺪﯗ.
ﺑﻪﺷﯩﻨﭽﻰ، ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭ ﺋﯩﭽﯩﺪﻩ ﮬﻪﺭﺑﯩﻴﻠﯩﻜﺘﯩﻦ ﻛﻪﺳﯩﭗ ﺋﺎﻟﻤﺎﺷﻘﺎﻧﻼﺭﻧﯩﯔ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﻰ ﺗﻪﯕﺸﻪﻟﮕﻪﻧﺪﯨﻦ ﻛﯧﻴﯩﻦ، ﺋﯘﻻﺭﻧﯩﯔ ﺋﺎﻳﻠﯩﻖ ﻛﯜﺗﯜﻧﯜﺵ ﭘﯘﻟﻰ ﺳﻪﯞﯨﻴﯩﺴﻰ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﺋﺎﺳﺎﺳﯩﻲ ﻛﯜﺗﯜﻧﯜﺵ ﭘﯘﻟﻰ ﺳﻪﯞﯨﻴﯩﺴﯩﮕﻪ ﻳﻪﺗﻤﯩﮕﻪﻧﻠﯩﺮﯨﮕﻪ، ﺋﻮﺗﺘﯘﺭﯨﭽﻪ ﺳﻪﯞﯨﻴﻪ ﺑﻮﻳﯩﭽﻪ ﮬﯧﺴﺎﺑﻼﭖ ﭘﯘﻝ ﻗﻮﺷﯘﭖ ﺑﯧﺮﯨﻠﯩﺪﯗ. ﻳﻮﻗﯩﺮﯨﺪﯨﻜﻰ 1-، 2-، 3-، 4-، 5- ﺷﻪﺭﺗﻠﻪﺭﮔﻪ ﺑﯩﺮﻻ ﯞﺍﻗﯩﺘﺘﺎ ﺋﯘﻳﻐﯘﻥ ﻛﯧﻠﯩﺪﯨﻐﺎﻥ ﻛﺎﺭﺧﺎﻧﯩﻼﺭﺩﯨﻦ ﭘﯧﻨﺴﯩﻴﯩﮕﻪ ﭼﯩﻘﻘﺎﻧﻼﺭﻧﯩﯔ ﻛﯜﺗﯜﻧﯜﺵ ﭘﯘﻟﯩﻨﻰ ﺑﯩﺮﺍﻗﻼ ﻛﯚﭘﻪﻳﺘﯩﭗ ﺑﯧﺮﯨﺸﻜﻪ ﺑﻮﻟﯩﺪﯗ.
ﻛﯧﻠﯩﺶ ﻣﻪﻧﺒﻪﺳﻰ : ﺷﯩﻨﺠﺎﯓ ﺧﻪﻟﻖ ﺭﺍﺩﯨﺌﻮ ﺋﯩﺴﺘﺎﻧﺴﻰ ﺗﻮﺭﻯ
