Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

لوندون ئۇيغۇر ئانسامبىلى

لوندون ئۇيغۇر ئانسامبىلى لوندوندا تەشكىللەنگەن ئۇيغۇر ئەنئەنىۋى ۋە ئاممىۋى باپ ناخشا - مۇزىكىللىرىنى ئورۇنلايدىغان سەنئەت گۇرۇپىسى بولۇپ، ئانسامبىل ھازىرقى ناخشىچى ۋە مۇزىكانتلىرى شىنجاڭدىن،قىرغىزىستاندىن ۋە بىرقانچە ئۇيغۇر مۇزىكىسىغا ئىشتىياق باغلىغان ئەنگلىيەلىك ئېنگىلىس مۇزىكا ھەۋەسكارلاردىن تەشكىل تاپقان. ئانسامبىلنىڭ ئورۇنلايدىغان ئۇيغۇر ناخشا-مۇزىكىسى ئاساسلىغى ئۇيغۇر مۇزىكا تىڭشاق ئاھاڭلىرى، ئىجادىي ۋە خەلق ئاھاڭلار بۇلۇپمۇ ئىلى خەلق ناخشا - مۇزىكىللىرى ھەم ئەنئەنىۋى "ئۇيغۇر 12 مۇقامى" نى ئۆز ئىچىگە ئالىدۇ. ئانسامبىل 2004 - يىلى قۇرۇلغان.
يېقىنقى يىللاردىن بۇيان ئورۇندىغان كونسېرتلىرى توۋەندىكىچە:

1. 2005- يىلى نويابىردا لوندون ئۇنىۋېرسىتىنىڭ ئاسىيا - ئافرىكا ئىنىستىتۇتى تەرپىدىن تەشكىللەنگەن "تۇرۇك تىلىدا سوزلىشىدىغان مىللەتلەرنىڭ مۇزىكا فېستىۋالى" دا ئۇيغۇر ناخشا - مۇزىكىسىدىن سەنئەت نۇمۇرلىرىنى كۆرسەتتى.

2. 2006- يىلى مارت ئېيىدا كەمبرىج ئۇنىۋېرسىتتى تەرپىدىن تەشكىللەنگەن "نوۋرۇز" بايرىمىنى تەبرىكلەش سەنئەت پائالىيىتىگە قاتنىشىپ، ئۇيغۇر ناخشا-مۇزىكىللىرىنى ئۇرۇندىدى.

3. 2007- يىلى ماي ئېيىدا لوندوندا ئۆتكۈزۈلگە "باھارنى ئوتتۇرا ئاسىيا ۋە تۇركىيە مۇزىكىسى بىلەن كۈتېۋېلىش" سەنئەت پائالىيىتىدە ئۇيغۇر مۇزىكىسىدىن سەنئەت نومۇرلىرىنى كۆرسەتتى.

4. لوندوننىڭ كەمدىن رايونلۇق يەرلىك ھۆكۈمىتى تەرپىدىن بۇ يىل 6- ئاينىڭ 22 كۈنى ئورۇنلاشتۇرۇلغان  پائالىيىتىدە ئانسانبىل ئۇيغۇر سەنئىتىدىن نومۇرۇرلار كۆرسەتتى.

5. ئانسامبىل 2007- يىلى ئۆكتەبىرنىڭ 13- كۈنى ئىرلاندىيە جۇمھۇرىيەتىنىڭ پايتەختى دۇبلىن شەھىرىدە دۇبلىن ئىنستىتۇتى تەرپىدىن ئۆتكۈزۈلگەن "12- نوۋەتلىك خەلقئارالىق جوڭگو ۋە شەرقى جەنۇبى ئاسىيا مۇزىكا ئىلمى يىغىنى" دا ئۇيغۇر خەلق ناخشا-مۇزىكىللىرىدىن ئويۇن كۆرسەتتى.

6. لوندون ئۇيغۇر ئانسامبىلى 2008- يىلى 11 -ئاپرىل كۈنى لوندون شەھىرىنىڭ مەركىزىگە جايلاشقان St Ethelburgas' "تېنىچلىق ۋە يارشىش" مەركىزىدە ئۇيغۇر ناخشا-مۇزىكىسىدىن سەنئەت نومۇرلىرىنى كۆرسەتتى.

7. لوندون ئۇيغۇر ئانسامبىلى 2008- يىلى 12- ئىيۇل كۈنى لوندون پادىشاھلىق باغچىسىدا لوندون شەھەرلىك ھۆكىمەت، لوندون سەنئەت ھەمكارلىق شىركىتى ۋە لوندون پادىشاھلىق باغچىسى قاتارلىق ئورۇنلار تەرپىدىن ئورۇنلاشتۇرۇلغان پائالىيەتكە قاتنىشىپ، 45 مىنۇت ئۇيغۇر ناخشا-مۇزىكا ۋە ئۇسۇلدىن سەنئەت نومۇرلىرىنى كۆرسەتتى.

8. ئانسامبىل يېقىندا ئەنگلىيەنىڭ شەرقى-جەنۇبىغا جايلاشقان دەۋون، سىدموۇتھ شەھرى تەرپىدىن 2008 - يىلى 7-ئاۋغۇست كۈنى ئۆتكۇزۇلىدىغان "2008- يىللىق سىدموۇتھ خەلق مۇزىكا بايرىمى" (Sidmouth Folk Festiwal) غا قاتنىشىپ، ئۇيغۇر ناخشا-مۇزىكىللىرىنى ئورۇنداپ، ئۇيغۇرنىڭ  مەدەنىيىتى ۋە گۈزەل سەنئەتىنى فېستىۋال تاماشىبىنلىرىغا تونۇتتى. 
ئۇيغۇرلارنىڭ مۇزىكا ۋە مەدەنىيىتىنى ئەنگلىيە خەلقىگە كەڭ دائىرىدە تۇنۇشتۇرۇش ئانسامبىلنىڭ مۇھىم نىشانلىرى بولغان.