ئانار تەركىبىدە شېكەر، ئالما كىسلاتاسى، ۋىتامىن قاتارلىقلار مول بولۇپ، قان تومۇرلارنى يۇمشىتىپ، ھەزىم قىلىشنى ياخشىلاش ھەمدە باكتېرىيەلەرنىڭ ئالدىنى ئېلىش رولى بار. ئۇنىڭدىن باشقا كەيپىياتنى ياخشىلاپ، ئىشتىھانى ئاچىدۇ. ئانار مەستلىكنى يېشىشتىكى ئەڭ ئۈنۈملۈك يېمەكلىك تېبابەتتە، ئانارنىڭ ئۇسسۇزلۇقنى قاندۇرۇش، ئىچى سۈرۈشنى توختىتىش، قان توختىتىش رولى بار، دەپ قارىلىپ كەلمەكتە.

تاتلىق ئانار ئۇسسۇزلۇقنى قاندۇرۇپ، گال قۇرۇش، ئېغىز جاراھىتى قاتارلىقلارغا مەنپەئەت قىلىدۇ. ئۇنىڭدىن باشقا يەنە ئاچچىق ئانارنىڭ قان توختىتىش، ئىچ سۈرۈشنى توختىتىش رولى بار، لېكىن جىددىي خاراكتېرلىك ئاشقازان-ئۈچەي ياللۇغىدىن كېلىپ چىققان ئىچ سۈرۈشنى ئانار ئارقىلىق داۋالىغىلى بولمايدۇ. ئانارنى كۆپ يېگەندە ئىسسىقى ئېشىپ كېتىش، چىشى قارىداپ قېلىش ئالامەتلىرى كۆرۈلىدۇ. ئۇنىڭدىن باشقا، زۇكام بولغۇچىلار، جىددىي خاراكتېرلىك ياللۇغ، قەۋزىيەت ھەمدە دىيابېت بىمارلىرى ئانارنى كۆپ يېمەسلىكى كېرەك.