دۆلەت مۇداپىئە مىنىستىرلىقى ئاخبارات ئىشلىرى ئىدارىسى تۈنۈگۈن ئامېرىكا دۆلەت مۇداپىئە مىنىستىرىنىڭ يېقىندا قىلغان جۇڭگوغا ئالاقىدار سۆزلىرى ھەققىدە مۇخبىرلارنىڭ سوئاللىرىغا جاۋاب بەردى، مۇخبىر ئامېرىكىنىڭ دۆلەت مۇداپىئە مىنىستىرى كارتېر يېقىندا ياپونىيەدە زىيارەتتە بولغاندا، «ئامېرىكا-ياپونىيە بىخەتەرلىكنى قوغداش شەرتنامىسى» ياپونىيەدىكى بارلىق سىياسىي ئىشلارنى يولغا قويۇش دائىرىسىگە ماس كېلىدۇ، ئامېرىكا ياپونىيەنىڭ دياۋيۈ ئارىلىغا بولغان سىياسىي ئىشلىرىنى يولغا قويۇشىنىڭ ھازىرقى ئەھۋالىغا قارىتا ھەر قانداق ئۆز ئالدىغا تەھدىت سېلىشقا ئۇرۇنۇش قىلمىشىغا قارشى تۇرىدۇ دېدى؛ كارتېر يەنە جۇڭگونىڭ جەنۇبىي دېڭىزدىكى ئارال قۇرۇلۇشىغا دىققەت قىلىپ، جۇڭگونىڭ ئالاقىدار ھەرىكەتلىرى جەنۇبىي دېڭىز ئاراللىرىنى ھەربىيلەشتۈرۈش ۋە رايون جىددىي ۋەزىيىتىنى كەسكىنلەشتۈرۈۋېتىدۇ، بۇ-جۇڭگونىڭ شەرقىي جەنۇبىي ئاسىيا ئىتتىپاقىغا بەرگەن ۋەدىسىگە ئۇيغۇن كەلمەيدۇ دېدى، جۇڭگو بۇنىڭغا قانداق جاۋاب بېرىدۇ دەپ سورىغاندا، دۆلەت مۇداپىئە مىنىستىرلىقى ئاخبارات ئىشلىرى ئىدارىسى مۇنداق دېدى: دياۋيۈ ئارىلى ۋە ئۇنىڭغا تەۋە ئاراللار قەدىمدىن تارتىپ جۇڭگونىڭ مۇقىم زېمىنى بولۇپ كەلگەن، بۇ پاكىت ھەر قانداق ئادەمنىڭ سۆزى سەۋەبىدىن ئۆزگەرمەيدۇ. جۇڭگو ھۆكۈمىتى ۋە ئارمىيەسىنىڭ دۆلەتنىڭ زېمىن ئىگىلىك ھوقۇقىنى قوغداش قارارى ۋە ئىرادىسى قەتئىي ئۆزگەرمەيدۇ. ئامېرىكا-ياپونىيە ئىتتىپاقداشلىقى-سوغۇق مۇناسىۋەتلەر ئۇرۇشى مەزگىلىدە شەكىللەنگەن ئىككى تەرەپلىك ئورۇنلاشتۇرۇش، بۇ-3-تەرەپكى قارىتىلماسلىقى، رايوننىڭ تىنچلىقى، مۇقىملىقىغا زىيان يەتكۈزمەسلىكى كېرەك.
جۇڭگونىڭ جەنۇبىي دېڭىز مەسىلىسىدىكى مەيدانى ئىزچىل، ئېنىق. جۇڭگونىڭ ئارالنى قوغداش ئۈچۈن قانات يايدۇرغان ئالاقىدار ھەرىكەتلىرى-مۇۋاپىق، قانۇنلۇق ھەققانىي ھەرىكەت، باشقا دۆلەتلەرنىڭ بۇنىڭغا ئارىلىشىش ھوقۇقى يوق. ئامېرىكا مەسئۇلىيەتسىز سۆزلەرنى قىلىشنى توختىتىپ، باشقا دۆلەتلەر بىلەن بولغان مۇناسىۋەتنى بۇزىدىغان، ۋەزىيەتنى جىددىيلەشتۈرىدىغان ئىشلارنى قىلماسلىقى كېرەك.
نۆۋەتتە جۇڭگو-ئامېرىكا ئارمىيەلىرىنىڭ مۇناسىۋىتى ياخشى راۋاجلانماقتا، ئىككى تەرەپ يېڭىچە ھەربىي مۇناسىۋەت ئورنىتىشقا كۈچ چىقىرىۋاتىدۇ، بىز ئامېرىكىنى سۆز-ھەرىكەتتە ئېھتىياتچان بولۇپ، ئىككى دۆلەت ئارمىيەلىرى مۇناسىۋىتىنىڭ ساغلام، مۇقىم تەرەققىياتىغا ياخشى شارائىت ھازىرلاپ بېرىشكە دەۋەت قىلىمىز.