4-ئاينىڭ 15-كۈنىدىكى پايدىلنىش ئۇچۇرلىرىغا ئاساسلانغاندا ، (ئىسپانىيە ‹‹دۇنيا گېزىتى ›› نىڭ 4-ئاينىڭ 12-كۈنىدىكى خەۋرى )گىرمانىيە ئاخبارات ۋاستىللىرىنىڭ ئىلگىرلەپ تەكشۈرۈش نەتىجىسىدە كۆرسىتىلشىچە،ئىتالىيە قاراقول پارتىيىسى ھازىر ئەركىن - ئازادە گىرمانىيەدە تۇرمۇش كەچۈرۋېتىپتۇ.

گىرمانىيە فېدراتسىيسى جىنايى ئىشلارنى تەكشۈرۈش باشقارمىسىنىڭ ئىشەنچىلىك ئۇچۇرىغا ئاساسلانغاندا،460 نەپەردىن ئارتۇق قاراقول پارتىيسىنىڭ ئەزاسى گىرمانىيەدە قانۇن سىرتىدا بەھۇزۇر ياشىماقتا.ئۇلارنىڭ ئارىسىدا يېرمىدىن كۆپرەكى ئىتالىيە قارابۇرسا رايونىدىكى قاراقول پارتىيسى گوروھىنىڭ ئەزاسى ئىكەن. قاراقول پارتىيسى ئاساسلىقى زەھەرلىك چېكىملىك ۋە ئوق-دورا سودىسى بىلەن شۇغۇللىنىدىكەن، ئەمما قۇرۇلۇش، بانكا، مېھمانخانا ۋە قىمارخانا قاتارلىق ساھەلەرگىمۇ چېتىلىپ قالدىكەن. 

مۇتەخەسىسلەرنىڭ بىردەك قارشىچە ، گىرمانىيەدە تەشكىللىنىپ ھەركەت قىلىشقا ماس كىلدىغان كۆڭۈلدىكدەك ئورۇنلار بار بۇلۇپ ، قاراقول پارتىيسى شىركەت قۇرغۇچى سالاھىيتى بىلەن ئىقتىسادى پائالىيەت ۋە خېرىدار چاقىرىش ئىشلىرىغا قاتنىشىدىكەن.گىرمانىيەلىكلەر قاراقول پارتىيسىنى سەل چاغلاپ، ئۆز دۆلىتىنى ئىنتايىن بىخەتەر دەپ ئويلاپ قالغان.نەتىجىدە ھازىر لوستوك پىرىستانى ئاللىقاچان ياۋروپادىكى ئەڭ كۆپ زەھەر يۆتكەپ كىرىلدىغان ئېغىزغا ئايلانغان. چۈنكى گىرمانىيە ساقچى تەرەپ ئەزەلدىن زەھەر سېتىش ئىشلىرىغا دىققەت ئىتبارىنى قاراتمايدىكەن ھەم قانداق بىر تەرەپ قىلىشنىمۇ بىلمەيدىكەن.

گىرمانىيەدە چىقىدىغان  ‹‹ئوچۇق ئەينەك›› ژۇرنىلنىڭ ھەپتىلىك سانىدا كۆرسىتىلشىچە،قاراقول پارتىيسىنىڭ جىنايەت ئۆتكۈزۈش ئۇسۇلىنىڭ بىرى بولسا ۋاكالەتچى نامىدا شىركەت قۇرۇپ ، پۈتۈن شىركەت چېتىشلىق بولغان تىجارەتنى ھارام پۇل بىلەن ھىسابات قىلدىكەن. گىرمانىيە باج ئەمەلدارىنىڭ بىر ياۋرونى كۈرەلمەسلىكى ، ئاخىردا گىرمانىيە دۆلەت خەزىنىسىنىڭ ھەر يىلى 100 مىليارد ياۋرونى يوققا چىقردىغانلىقىدىن  دىرەك بىردىكەن.

قارا قول پارتىيسىنىڭ يەنە بىر چوڭ تىجارەت ساھەسى بولسا رىستۇران ئېچىش ئىكەن، بۇ ساھەنىڭ كىرىم ئەھۋالىنى نازارەت قىلىش تەس بولغانلىقى تۈپەيلى بۇ ساھە قاراقول پارتىيسىنىڭ قانۇنسىز پۇل يۇيۇش بىلەن شۇغۇللىنىدىغان يۇلى بۇلۇپ قالغان.گىرمانىيەدىكى ئىتالىيە رىستۇرانلىرى دائىم ‹‹چوڭ كىشلەر››نى كۈتۋېلىپ شۇ ئارقىلىق رىستۇران خوجاينىنىڭ ھوقۇقىنى پەش قىلدىكەن ياكى قوغداش ھەققى يىغدىكەن.

ئىلگىرى گىرمانىيەلىكلەر قاراقول پارتىيسىنىڭ ھەركىتىگە دائىر ھېچنەرسە بىلمەيدىغان بۇلۇپ، 7 يىل ئاۋۋالقى دۇيسىبودىكى بىر ئىتالىيە پىسا دۇكنىدا قوراللىق ئېتشىش ۋەقەسى يۈز بەرگەندىن كىيىن ئاندىن تۇنجى قېتىم بۇ جىنايەت شايكىسىنى ئاڭلىغان.