ئەنگلىيەلىك فوتوگراف گاي روبېرتس ئىككى يىل ۋاقتىنى سەرپ قىلىپ تانزانىيە ۋە كېنىيەنىڭ ياۋايى ھايۋانلار رايونىدا ھايۋانلارنى قوغدىغۇچىلار ۋە ئالىملارغا ئەگەشكەن، ئاپپاراتى ئارقىلىق بۇ رايوندىكى ياۋايى ھايۋانلار دۇچ كەلگەن ئېغىر ھاياتلىق مەسىلىسىنى خاتىرىلىگەن. كىشىلەرنى تەدىر قوللىنىپ يوقىلىش گىردابىغا بېرىپ قالغان ئافرىقا ياۋايى ھايۋاناتلىرىنى قوغداشقا چاقىرغان.

     ئوغرىلىقچە ئوۋلاش سودىسىنىڭ ئەدەپ كېتىشى ۋە ئىنسانلارنىڭ پائالىيىتىنىڭ چەكلىمىسىز بۆسۈپ كىرىشى بىلەن، بۇ رايوندىكى ياۋايى ھايۋانلارنىڭ سانى شىددەت بىلەن ئازايغان. كۆپ خىل ھايۋانلار يوقىلىش گىردابىغا بېرىپ قالغان. بۇ سۈرەتلەردە، روېبرتس كىشىلەرگە ئافرىقىدىكى بۇ ياۋايى ھايۋانلارنىڭ ھاياتىنىڭ ئاجىزلىقىنى نامايان قىلغان. شۇنىڭ بىلەن بىر ۋاقىتتتا ئۇ يەنە ياۋايى ھايۋانلارنى قوغدىغۇچىلارنىڭ بۇ خىل ئەھۋالنى ئۆزگەرتىش ئۈچۈن قىلغان تىرىشچانلىقلىرىنى ۋە ئۇلار دۇچ كەلگەن چوڭ خېيىم-خەتەرنى ئەكىس ئەتتۈردى.

    بۇ يىل 50 ياشقا كىرگەن روبېرتسنىڭ دېيىشىچە ئۇ 20 نەچچە يېشىدا ئافرىقىغا كەلگەندە ئافرىقا شىرىنىڭ سانى 200 مىڭ ئىكەن. لېكىن ھازىر پەقەت 20 مىڭى بار ئىكەن، سانى %90 ئازايغان. ئۇنىڭ بىلدۈرۈشىچە، بۇ ئەھۋال داۋاملاشسا، كەلگۈسى بەش يىلدىن 10 يىلغىچە ئافرىقا شىرى ئافرىقا قىتئەسىدىن غايىب بولىدىكەن.

    باشقا ياۋايى ھايۋانلار مەسلەن، ئافرىقا پىلى، قارا كەركىدان، ئافرىقا يىلپىزى قاتارلىقلار دۇچ كەلگەن ئەھۋال تېخىمۇ ئېغىر. ھەر يىل 30 مىڭدىن ئارتۇق پىل ئوۋلىنىدۇ، ھەر 20 مىنۇتتا بىر پىل ئۆلتۈرۈلىدۇ.

   بۇنىڭدىن باشقا قانۇنسىز ئوۋلاش ھەرىكەتلىرىنى توسۇش ئۈچۈن ياۋايى ھايۋانلارنى قوغدىغۇچىلار ئۆزلىرىنىڭ ھاياتىمۇ چوڭ خەتەرگە دۇچ كەلگەن. ياۋايى ھايۋانلارنى قوغدىغۇچىلارنىڭ ئۆلۈش نىسبىتى ئىراق ئۇرۇشىغا قاتناشقان ئەسكەرلەرنىڭ ئۆلۈش نىسبىتىدىنمۇ يۇقىرى ئكەن.