جاھان ئاگېنتلىقى 1-ئاپرېل خەۋىرى؛ لەگلەك تورى تەرجىمىسى: «كەسكىن قارار بورىنى» ھەرىكىتىنىڭ باش ئاتامانى بولغان سەئۇدى ئەرەبىستاننىڭ ھەربىي كۈچى جەھەتتىن قولتۇق دۆلەتلىرى ئارىسىدا بىرىنجى قاتاردا، دۇنيادىكى 126 دۆلەت ئارىسىدا 28-ئورۇندا تۇرىدۇ.
دۇنيادىكى دۆلەتلەرنىڭ ھەربىي كۈچلىرىگە ئالاقىدار تەكشۈرۈش ئېلىپ بېرىپ دوكلات تەييارلىغان Global Firepower ئورگىنى، يەمەندە ھۇسىيلەرگە قارشى «كەسكىن قارار بورىنى» ھەرىكتىدىن كېيىن دىققەت قوزغىغان سەئۇدى ئەرەبىستان ئارمىيسىنىڭ ھەربىي كۈچىنىڭ قولتۇق دۆلەتلىرى ئارىسىدا بىرىنجى ، ئەرەب دۆلەتلىرى ئارىسىدا ئۈچىنجى، ۋە دۇنيادىكى 126 دۆلەت ئارىسىدا 28-ئورۇندا ئىكەنلىكىنى ئېلان قىلدى.
126 دۆلەت ئارىسىدا 50 كە يېقىن نوقتىدىن تەكشۈرۈش ئېلىپ بېرىپ ئارمىيەلەرنىڭ كۈچلىرىگە ئالاقىدار مەلۇمات تەييارلىغان مەزكۇر تەكشۈرۈش ئورگىنىنىڭ دوكلاتىغا ئاساسلانغاندا، بۇ يىل تۇنجى قاتاردا ئامېرىكا، روسىيە ۋە جۇڭگو بار.
دوكلاتتا، تۈركىيە 10-ئورۇندا، ئىران 23-ئورۇندا، «كەسكىن قارار بورىنى» ھەرىكىتىگە قاتناشقان دۆلەتلەردىن مىسىر 18-ئورۇندا، ئىئوردانىيە 64-ئورۇندا، ماراكەش 49-ئورۇندا، ئەرەب بىرلەشمە خەلىپىلىكى 50-ئورۇندا، قاتار 77-ئ‍ورۇندا، كۇۋەيىت 71-ئورۇندا، بەھرەيىن 83-ئورۇندا ۋە سۇدان 101-ئورۇندا تۇرغان. بۇ ھەرىكەتنىڭ ھۇجۇم نىشانى بولغان يەمەن بولسا 79-ئورۇندا تۇرغان، ئەڭ ئاخىرقى ئورۇندا سومالى بار.

لەگلەك تورى ئۈندىدار سالونىنى قۇشۇۋېلىڭ! ئىزدەش ئادرېسى: LEGLEK