يېرىم يىل ئىلگىرى، ئىسپانىيە ئا دەرىجىلىك بىرلەشمىسى ئورگان تەرەپ يېڭى تارقىتىش ھەققىنى تەقسىملەش لاھىيەسىنى ماقۇللىغان. بۇ لاھىيەنىڭ يادرولىق ئىدىيەسى بولسا «باي-نامرات باراۋەر» ھەمدە 2016\\17-پەسىلدىن باشلاپ يولغا قويۇلىدۇ دەپ چۈشەندۈرۈلگەن. ئىسپانىيە ئا، ب دەرىجىلىك بىرلەشمىسىدىكى بارلىق 42 كۇلۇب ئىچىدە، پەقەت مادرىدلا قارشى پىكىر ئوتتۇرىغا قويدى. شۇ جاي ۋاقتى چارشەنبە كۈنى، مادرىد ئىسپانىيە كەسپىي پۇتبول بىرلەشمىسى بىلەن رەسمىي ھالدا تىركىشىپ سوتقا چىقتى. بۇ بىرلەشمىدە بولسا ئىسپانىيە ئا، ب دەرىجىلىك بىرلەشمىسى باشقۇرغۇچى تەرەپ ۋە تىجارەتنى يۈرۈشتۈرگۈچى تەرەپ. تارقىتىش ھەققىنى تەقسىملەش ئۈچۈن، مادرىد ئىسپانىيە ئا دەرىجىلىك بىرلەشمىسى ئورگان تەرەپ بىلەن جەڭ قىلىشقا تەييارلاندى.

   ھاىزرقى شەكىل بويىچە، بارسېلونا، مادرىد تارقىتىش ھوقۇقىنى مۇستەقىل ساتىدۇ، باشقا ئىسپانىيە ئا دەرىجىلىك بىرلەشمىسىدىكى كۇلۇبلار تارقىتىش ھوقۇقىنى سېتىشقا باغلىنىپ قالغان. بۇ ئىسپانىيەدىكى دەرىجىدىن تاشقىرى ئىككى قوشماقنىڭ تارقىتىش ھوقۇقى تەرەپتە كىرىمىنىڭ مول بولۇشىنى كەلتۈرۈپ چىقارغان، باشقا كۇلۇبقا ئىنتايىن ئاز تەقسىم بولىدۇ. يېڭى لاھىيە بويىچە، ئىسپانىيە ئا دەرىجىلىك بىرلەشمىسىدىكى 20 كۇلۇب ئومۇميۈزلۈك تارقىتىش ھوقۇقىنى ساتىدۇ. بۇنىڭ ئىچىدە %45 لىك ئوتتۇرچە تەقسىمات ئا دەرىجىدىكى 20 كۇلۇبقا بېرىلىدۇ، %45 لىك تەقسىمات كوماندىنىڭ ئىپادىسى ۋە تارقىتىش مەيدان سانى بويىچە تەقسىم قىلىنىدۇ، قالغان %10 قىسىمى ئىسپانىيە ب دەرىجىلىك بىرلەشمىسىدىكى كۇلۇبقا تەقسىم قىلىنىپ، ئىسپانىيە پۇتبولچىلىقىنىڭ ئومۇميۈزلۈك تەرەققىياتىنى ئىلگىرى سۈرىدۇ.

يېڭى لاھىيە بويىچە، بارسېلونا، مادرىد زىيان تارتىدۇ، ئەمما ئىسپانىيە ئا، ب دەرىجىلىك بىرلەشمىدىكى مۇتلەق كۆپ ساندىكى كۇلۇبنىڭ ئىقتىسادى ئەھۋالى كۆرىنەرلىك ياخشىلىنىدۇ. بارسېلونا بۇرۇن بۇ پىلاننى قوبۇل قىلىدىغانلىقىنى بىلدۈرگەن، ئەمما مادرىد قارشى تۇرۇشقا باشلىدى. ئەڭ ئاخىرىدا ئىككى تەرەپ مادرىد ئىقتىسادى سوت مەھكىمىسىگە كېلىشكە مەجبۇر بولدى.

    يېڭى لاھىيەگە قارىتا، مادرىد قىسمەن قوبۇل قىلسا بولىدۇ، ئەمما ئا، ب دەرىجىلىك بىرلەشمىگە 9:1 لىك نىسبەت بويىچە تەقسىم قىلىشنى قوبۇل قىلمايدۇ، مادرىد بۇ نىسبەتنىڭ 6:4 بولىشىنى ئۈمىد قىلىدۇ. 6:4 لىك نىسبەت بويىچە، ئىسپانىيە ئا دەرىجىلىك بىرلەشمىدىكى كۇلۇبنىڭ تارقىتىش كىرىمى چوڭ نىسبەتتە تۆۋەنلەيدۇ. مادرىد باشقا سودا ۋاستىسى ئارقىلىق مەبلەغ توپلايدۇ، مادرىدقا ئانچە چوڭ تەسىرى بولمايدۇ، ئەكىسچە ئوتتۇرا-كىچىك كۇلۇبلارغا ئېغىر زەربە بولىدۇ. «ئاس گېزىتى» مادرىد ئىسپانىيە بىرلەشمىسىدىكى رەقىبىنىڭ كۈچىيىپ كېتىشىنى خالىمايدۇ دەپ ئۇدۇللا ئېيىتتى.

   مادرىدنىڭ تەلىپى بويىچە، ئىسپانىيە ئا دەرىجىلىك بىرلەشمىسى ئورگان تەرەپ قوبۇل قىلىشنى ئويلاشمىدى. ئورگان تەرەپ ئاللىقاچان ھەرقايسى كۇلۇبقا ئۇقتۇرۇش قىلدى، يېڭى تارقىتىش ھەققى تەقسىمات لاھىيەسىنى كەلگۈسى ئۈچ يىلدا يولغا قويۇش قىيىن. ئىككى تەرەپ باشتىن-ئاخىرى كېلىشىم ھاسىل قىلالمىدى، مادرىد شۇ سەۋەبتىن ئىسپانىيە ئا دەرىجىلىك بىرلەشمىسى بىلەن تىركىشىپ سوتقا چىقىشنى تاللىدى. «ئاس گېزىتى» بۇ ئۇزۇنغا سوزۇلغان سوت جەريانىدا، ئەڭ تېز بولغاندا كېلەر يىلى يازدا ئاندىن نەتىجىسى چىقىشى مۇمكىن دەپ قارىدى