ئەڭ يېڭى ئۇچۇرغا ئاساسلانغاندا، مىكروسوفىت شىركىتى 2015-يىلى 2-پەسىلدىن 3-پەسىلگىچە بولغان مەزگىلدە يېڭى بىر ئەۋلاد مەشغۇلات سىستېمىسى Windows 9 نى رەسمىي ئېلان قىلىدىكەن.

يۇقارقى ئۇچۇر ئەڭ دەسلەپ WinBeta ناملىق Windows بىلوگى تەرىپىدىن Myce تور بېكىتىدە ئاشكارىلانغان. ماتىرىياللاردا كۆرسىتىلىشىچە، مىكروسوفىت شىركىتى كىلەر يىلى 2-پەسىلدىن 3-پەسىلگىچە بولغان مەزگىلدە ئىستېمالچىلار ئالدىن كۆرۈش نەشىرىدىكى Windows 9 ۋە Windows Phone 9 سىستېمىلىرىنى ئېلان قىلىدىكەن.

بۇ ئۇچۇر يەنە بۇ يىل 1-ئايدا تارقالغان بىر قىسىم مىش-مىش خەۋەرلەر بىلەن بىردەك چىققان، ئەينى ۋاقىتتا، Windows بىلوگىنىڭ يازغۇچىسى Paul Thurrot مىكروسوفىت شىركىتى 2015-يىلى Windows سىستېمىسىنىڭ كېيىنكى مۇھىم نەشىرىنى ئوتتۇرىغا چىقىرىدۇ دېگەن.

بۇ يىل 4-ئاينىڭ ئاخىرلىرى، ئامېرىكا تېخنىكا بىلوگى Ars Technica ئالاقىدار زاتلارنىڭ ئۇچۇرىنى نەقىل كەلتۈرۈپ، Windows 9 سىستېمىسىغا مەلۇم بىر خىل مۇشتەرى بولۇش سىستېمىسى سەپلىنىدىغانلىقى، يادرولۇق مەشغۇلات سىستېمىسىنىڭ ھەقسىز بولىدىغانلىقى، بىراق، ئابونتلار ئەگەر تېخىمۇ كۆپ ئىقتىدارلارنى ئىشلەتمەكچى بولسا، مۇۋاپىق ھالدا ھەق تۆلەيدىغانلىقىنى خەۋەر قىلغان.

ئىگەللىنىشىچە، Windows 9 سىستېمىسى ئېلان قىلىنغاندىن كىيىن، Windows 8 دا ساقلانغان كۆپلىگەن مەسىلىلەرنى ھەل قىلىدىكەن. Windows 9 سىستېمىسى يەنە ئابونتلارنىڭ «modern UI» ئەپلىرىنى قاچىلىشىغا رۇخسەت قىلىدىكەن، دېمەك، ئابونتلار ئۈستەل كومپىيۇتېرى مۇھىتىدا تۇرۇپ Windows Store دىكى ئەپلەرنى ئىجرا قىلالايدىكەن.

يەنە بەزى مىش-مىش خەۋەرلەردە، Windows 9 سىستېمىسىنىڭ ئىچكى قىسىمدا «Threshold» (بوسۇغا) دەپ ئاتىلىدىغانلىقى، بۇ سىستېمىغا ئەنئەنىۋى شەكىلدىكى «باشلاش» كۇنۇپكىسىنىڭ قوشۇلىدىغانلىقى تىلغا ئېلىنغان.

لەگلەك تورى يوللانمىسى : لەگلەك تورى ئۈندىدار سالونىنى قۇشىۋېلىڭ : LEGLEK