جۇڭگونىڭ گۇاڭدوڭ ئۆلكىسىدە يېقىندا بىر بىمارغا يۇقتۇرما ئوتتۇرا شەرق نەپەسلىنىش ئۇنىۋېرسال كېسىلى يەنى مېرس دەپ دىياگنوز قويۇلدى، بۇ مۇناسىۋەت بىلەن ئامېرىكىنىڭ داڭلىق ئاقىللار ئامبىرى ئامېرىكا دىپلوماتىيە جەمئىيىتىنىڭ دۇنيا ساغلاملىقى بويىچە ئالىي دەرىجىلىك تەتقىقاتچىسى خۇاڭ يەنجوڭ مۇنداق دەپ قارىدى: مېرىسنىڭ تارقىلىش ئىقتىدارى ۋە جۇڭگونىڭ ئاممىۋى سەھىيە ئىشلىرىنى نازارەت قىلىپ باشقۇرۇشى ۋە ئىنكاس قايتۇرۇش ئىقتىدارىنى ئويلاشقاندا، يۇقۇمنىڭ جۇڭگودا كەڭ كۆلەملىك تارقىلىش مۇمكىنچىلىكى يۇقىرى ئەمەس.
خۇاڭ يەنجوڭ مۇنداق ئۈچ سەۋەبنى كۆرسەتتى: بىرىنچى، دۇنيادىكى 90 پىرسەنت مېرس بىمارلىرىنىڭ ھەممىسى دېگۈدەك ئوتتۇرا شەرق رايونلىرىغا بولۇپمۇ سەئۇدى ئەرەبىستانىغا مەركەزلەشكەن. ياۋروپا، ئافرىقا، شىمالىي ئامېرىكا ۋە ئاسىيانىڭ دوكلاتىدا كېسەللىك مىسالى بايقالدى، ئەمما كورېيەدىن باشقىللىرىدا بۇ كېسەللىك مىساللىرى شالاڭ تارقالغان بولۇپ، داۋاملىق ئوپچە تارقىلىش ئەھۋاللىرى كۆرۈلمىگەن.
ئىككىنچى، نۇرغۇن يۇقۇملۇق كېسەللىكلەر بىلەن سېلىشتۈرغاندا، مېرسنىڭ ئادەمگە تارقىلىش ئىقتىدارى چەكلىك، نۇرغۇن بىمارلار دوختۇرخانىدا يۇقۇملانغان، ياكى قوغدىنىش تەدبىرى كەمچىل بولغان ئەھۋالدا كېسەل بىمارلىرىنىڭ ئائىلىسىدىكىلەر بىلەن يېقىندىن ئۇچرىشىش ئارقىلىق يۇقۇملانغان. ئۈچىنچى، مېرسدەك بۇنداق يۇقۇملۇق كېسەللىككە قارىتا جۇڭگو نىسبەتەن كۈچلۈك نازارەت قىلىش ۋە ئىنكاس قايتۇرۇش ئىقتىدارىنى ھازىرلاپ بولدى.