ۋاڭيى پەن تېخنىكىسى خەۋىرى لەگلەك تورى تەرجىمىسى.

چەتئەل ئاخبارات ۋاستىلىرىنىڭ خەۋىرىگە قارىغاندا كورىيە پەيشەنبە كۈنى ماشىنا چاقىرىش مۇلازىمىتى Uber نىڭ بۇ دۆلەتنىڭ شوپۇرلىرىغا قارىتا يېڭىدىن تىزىملاش قائىدىسى قۇرۇش تەكلىپىنى رەت قىلدى. ھەمدە بۇ ئامېرىكا شىركىتىنىڭ كورىيەدىكى تىجارىتىنى توختىتىدىغانلىقىنى بىلدۈردى.

چارشەنبە كۈنى Uber يېڭى تىزىملاش قائىدىسى چىقارغان. بۇ ئارقىلىق كورىيە نازارەتچىلىك تارماقلىرىنىڭ مەزكۇر شىركەتنىڭ شوپۇرلىرىنىڭ مەزكۇر دۆلەتتە قانۇنلۇق تىجارەت قىلىشىغا يول قۇيۇشىنى قولغا كەلتۈرمەكچى بولغان. كورىيەدە Uber نىڭ باش ئىجرائىيە ئەمەلدارى تىراۋىس كالانىك ۋە بۇ شىركەتنىڭ كورىيەدىكى تارماقلىرىنىڭ مۇناسىۋەتلىك مەسئۇللىرى مەزكۇر دۆلەتنىڭ تاكسىي تىجارىتى ئىجازات بەلگىلىمىسىگە خىلاپلىق قىلغان دەپ ئەيىبلەنگەن.

بىراق كورىيە قاتناش تىرانسپورت مىنىستىرلىكى مەزكۇر دۆلەتنىڭ تاكسىي بازىرى ھازىر تۇيۇنغان ھالەتتە تۇرۇۋاتىدۇ. شۇڭا ھازىر بار بولغان قائىدىدىن سىرت يەنە بىر پاراللىل تاكسىي تىزىملاش قائىدىسى چىقىرىشنى قۇبۇل قىلىشقا بولمايدۇ، دەپ بىلدۈرگەن.

ئۇ بىر باياناتتا مۇنداق دېگەن : « شەخسىي ئاپتوموبىل ياكى ئىجارە ئاپتوموبىلى ئارقىلىق تۇشۇش مۇلازىمىتى بىلەن شۇغۇللانسا ،ھەم بىرلا ۋاقىتتا تۇلۇقلىمىدىن بەھىرلەنسە بۇ ئەلۋەتتە قانۇنغا خىلاپ. بۇ شىركەت مۇشۇ ئارقىلىق داۋاملىق مۇشۇنداق تىجارەت قىلىشى بۇ يەرنىڭ قانۇنىنى كۆزگە ئىلمىغانلىق بولىدۇ.»

كورىيە قاتناش تىرانسپورت مىنىستىرلىكى Uber نىڭ تىجارىتىنى داۋاملىق چەكلەيدىغانلىقىنى، ھەم قانۇن تۇرغۇزۇش ئورگانلىرى بىلەن ھەمكارلىشىپ ئاخىرقدا بۇ مۇلازىمەتنى چەكلەيدىغانلىقىنى بىلدۈردى.

بىر Uber نىڭ بايانات ئېلان قىلغۇچىسى بۇنىڭغا قارىتا سۆز قىلىشنى رەت قىلدى.

قۇرۇلغىلى ئاران تۆت يىل بولغان Uber ئابونتلارنىڭ ئەقلىي ئىقتىدارلىق يانفۇن ئارقىلىق ماشىنا چاقىرىشغا ياردەمدە بولغان، ھەمدە بۇ ئارقىلىق دۇنيانىڭ ھەرقايسى جايلىرىدا تەنقىدكە ئۇچرىغان. بىراق بۇ شىركەت پۈتۈن يەر شارى مىقياسىدا شىددەت بىلەن كېڭىيىپ ھازىرغىچە 250 دىن ئارتۇق شەھەردە مەزكۇر مۇلازىمەتنى يولغا قويغان.

بۇ يىل يانۋاردا سىئول شەھىرى پۇقرالارنى شەخسىي ماشىنا ياكى ئىجارىگە ئالغان ماشىنا شوپۇرلىرىنىڭ Uber ئارقىلىق تۇشۇش مۇلازىمىتى بىلەن تەمىنلىگۈچىلەرنى پاش قىلىشقا ئىلھاملاندۇرۇشقا باشلىغان. ھەم پاش قىلغۇچىلارغا 10 مىڭ ۋون ( تەخمىنەن 929 ئامېرىكا دوللىرى ) بىلەن مۇكاتلايدىغانلىقىنى ئېلان قىلغان.

ياۋروپادا بىلگىيە، فىرانسىيە، گېرمانىيە، گوللاندىيە ۋە ئىسپانىيە قاتارلىق دۆلەتلەر Uber نىڭ تاكسىي ماشىنا نومۇر قائىدىسىگە خىلاپلىق قىلغان دەپ ئەيىبلىگەن ھەمدە بۇ شىركەتنىڭ مۇلازىمەت بىلەن تەمىنلىشىنى چەكلىگەن.