ئامېرىكا قىزىقارلىق پەن-تېخنىكا تورى 3- سېنتەبر خەۋىرىگە قارىغاندا، ئالىملار يېقىندا 1000 دىن كۆپرەك چوڭ مىڭىنى تەتقىق قىلىپ چىققاندىن كېيىن، ئىنسانلارنىڭ ئوڭ-سول مىڭىسىنى ئىشلىتىۋاتقان ۋاقىتتا مىڭىنىڭ ئىش تەقسىم قىلىدىغانلىقىنى ئىسپاتلاشقا ئامالسىز قالغان.يەنى، ئۇتاھ ئۇنىۋېرسىتېتىدىكى ئالىملار 1000 دىن كۆپرەك چوڭ مىڭىنى تەتقىق قىلىش جەريانىدا، ئىنسانلارنىڭ ئوڭ-سول مىڭىنى ئىشلىتىشتە ئىش تەقسىماتى بولىدىغان-بولمايدىغانلىقىنى ئېنىقلىيالمىغان، چۈنكى بارلىق تەتقىقات ئوبېكىتلىرى پۈتۈن تەجرىبە جەريانىدا مىڭىنىڭ ھەممە قىسمىنى تەكشى يوسۇندا ئىشلەتكەن.

ئىلگىرىكى يەكۈنلەرگە ئاساسلانغاندا، لوگىكىلىقى كۈچلۈك، تەرتىپلىك، تەھلىل قىلىشقا ماھىر كىشىلەرنىڭ سول مىڭىسى ئەۋزەللىككە ئىگە، ئىجادچانلىقى كۈچلۈك ۋە گۈزەل - سەنئەت تالانتى بار كىشىلەر ئوڭ مىڭىسى ئەۋزەللىككە ئىگە دەپ قارىلىشى مۇمكىن، ئەمما بۇ خىل قاراشنىڭ خاتا ئىكەنلىكى ئىسپاتلاندى.

تەتقىقات دوكلاتىنىڭ ئاساسلىق تەييارلىغۇچىسى، ئۇتاھ ئۇنىۋېرسىتېتىنىڭ فۇنكىسىيلىك ماگنىت رېزونانسلىق تەسۋىر ھاسىل قىلغۇچى نېرۋا خرۇرگيسىنى يورۇتۇش مۇلازىمىتى تەتقىقاتىغا مەسئۇل دوكتۇر جەف.ئاندىرسېننىڭ كۆرسىتىشىچە، ئىنسانلار مىڭىسىنىڭ تەھلىل قىلىش ئىقتىدارى بىرلا تەرەپ بىلەن، ئىجادچانلىقى يەنە بىر تەرەپ بىلەنلا چەكلەنگەن دىگەن قاراش خاتا ئىكەن. ئەمەلىيەتتە، ئىنسانلارنىڭ ھەم ئىجادىي پىكىر يۈرگۈزۈشى ھەم تەھلىلچانلىققا ئىگە پىكىر يۈرگۈزۈشى قاتارلىقلارنىڭ ھەممىسىلا مىڭە پۈتۈن قىسمى ئوتتۇرىسىدىكى ئالاقە بىلەن ۋۇجۇدقا چىقىدىكەن.

ئاندىرسېن تەتقىقات كىچىك گۇرۇپپىسى 7~29 ياش ئەتراپىدىكى تەتقىقات ئوبېكتىنىڭ دەم ئالغان ۋاقىتتىكى چوڭ مىڭىسىنىڭ تەسۋىر كۆچۈرۈش نەتىنجىسىنى مۇلاھىزە قىلغان. ئۇلار 7000 مىڭە رايونىدىكى پائالىيەت ۋە بۇ رايونلارنىڭ ئىچكى قىسمى ھەم ئۆز-ئارا نېرۋا ئالاقىسىنى تەتقىق قىلغان بولۇپ، چوڭ مىڭىنىڭ ئىككى يېقىدىكى نېرۋا تورى ۋە ئۇلىنىشىنىڭ ئاساسىي جەھەتتىن ئوخشاش ئىكەنلىكىنى بايقىغان