جۇڭگو ئاخبارات تورىنىڭ 19-يانۋار خەۋەر قىلىشىچە، ئامېرىكا نيۇيورك خانىش رايونىدىكى باي ئايال روسې ئان ئەرمەك ئىتىگە زىيادە ئامراق بولغانلىقتىن ۋەسىيىتىنى ئۆزگەرتىپ، ئۆزى ئالەمدىن ئۆتكەندىن كېيىن ئەرمەك ئىتى مىئانىڭ تۇرمۇشىنى كاپالەتلىك قىلىش ئۈچۈن، قىممىتى ئالتە خانىلىق ئامېرىكا دوللىرىغا يېتىدىغان ھاۋالە فوندى ۋە قىممىتى مىليون دوللاردىن ئاشىدىغان بىر دانە بۇيۇمنى مىئاغا مىراس قالدۇرغان.

روسې ئان ئۈچ يىل ئىلگىرى يولدىشى بىلەن بىرلىكتە مىئانى بېقىشقا باشلىغان، شۇنىڭدىن ئېتىبارەن ئۇ بۇ ئەرمەك ئىتىغا خۇددى ئۆز قىزىغا كۆيۈنگەندەك كۆيۈنۈپ، ئۇنىڭغا نۇرغۇن كىيىملەرنى ئېلىپ بەرگەن، مەسىلەن، كېچىلىك مۇراسىم كىيىمى، توز كىيىمى ۋە ئالماس تاج قاتارلىقلار، يەنە ئۇنىڭ ئۈچۈن مەخسۇس ئايرىم ياتاق ئۆي ۋە كىيىم ئىشكابى لايىھەلەپ بەرگەن ، ئىچىدە نەچچە مىڭ يۈرۈش داڭلىق ماركىلىق كىيىملەر بار بولۇپ، ھەربىرىنىڭ باھاسى ئەڭ ئاز دېگەندە 900 دوللار ئىكەن .

ئىگىلىنىشىچە، مىئا يەنە دائىم دۇنيانىڭ ھەرقايسى جايلىرىغا بېرىپ ئىت كۆرگەزمىسى ۋە گۈزەل تاللاش مۇسابىقىسىگە قاتناشقان، ھەتتا ئۇدا ئىككى قېتىم نيۇيورك ئەرمەكلەر كۆرگەزمىسىدە ‹‹ ئەڭ مۇنەۋۋەر ئىت ›› شەرىپىگىمۇ ئېرىشكەن.