شىنخۇا تورىنىڭ 12-ئاينىڭ 30-كۈنى بېيجىڭدىن بەرگەن تىلىگىراممىسىغا ئاساسلانغاندا، روسىيەنىڭ جۇڭگۇدا تۇرۇشلۇق سودا ۋەكىلى ئالىكىس گىروزجىف 30-چىسىلا شىنخۇا ئاگىنتلىقى مۇخبىرىنىڭ زىيارىتىنى قۇبۇل قىلغاندا مۇنۇلارنى بىلدۈردى: مۇرەككەپ، ئۆزگىرىشچان بولغان دۇنيا ئىقتىسادى ۋە يەرلىك سىياسەت ۋەزىيتى ئاسىتىدا روسىيە-جۇڭگۇ سودا ئىشلىرىدا سىجىل ئېشىش ئىشقا ئاشۇرۇلدى، بۇ شۇنى ئىسپاتلايدۇكى مۇستەھكەم روسىيە-جۇڭگۇ سىتىراتىگىيلىك ھەمرالىق مۇناسىۋىتى ئىككى دۆلەتنىڭ سودا-ئىقتىساد ھەمكارلىقىغا پايدىلىق.
      گىروزجىف «نۆۋەتتە روسىيە ئىقتىسادى خەلقئارا نىفىت باھاسىنىڭ تۆۋەنلىشى، غەرپ ئەللىرىنىڭ ئىتقتىسادى جازا چارىلىرى، رۇبلى قىممىتىنىڭ چۈشۈپ كىتىشى قاتارلىق كۆپ تەرەپلىمە بېسىمغا دۈچ كىلىۋاتىدۇ، روسىيە ھازىر قىس بولىۋاتقان يۇقۇرى پەن-تېخنىكا مەھسۇلاتلىرىنى ئىمپورت قىلىشقا، سىرت بىلەن بولغان سانائەت ۋە يېزا ئىگىلىك ھەمكارلىقىنى كۈچەيتىشكە ئىھتىياجلىق، كەڭ كۆلەملىك ئۇل ئەسلىھەلەر تۈرلىرىگە مەبلەغ جەلىپ قىلىش، شۇنداقلا ئىناۋەتلىك قەرز ئاپاراتلىرى ۋە كارخانىلىرىنىڭ مەبلەغ يۈرۈشتۈرۈش مەسىلىسىنى ھەل قىلىش ئۈچۈن جۇڭگۇ بىلەن سىتىراتىگىيلىك ھەمرالىق مۇناسىۋەتنى ساقلىغاندا روسىيەنىڭ يۇقارقى مەسىلىلىرىنى ھەل قىلىشقا پايدىسى تىگىدۇ» دىدى.
      ئۇ يەنە مۇنۇلارنى تەكىتلىدى: روسىيە «ئىنسانپەرۋەرلىك شەكلىدىكى ياردەم»گە مۇھتاج ئەمەس، بەلكى «ئۆز ئارا ئىتراپ قىلىش ۋە ئۆز ئارا پايدا يەتكۈزۈش پىرىنسىپى ئاساسىدىكى ھەمكارلىق مۇناسىۋەت ئورنىتىش»قا مۇھتاج.
      ئۇ مۇنۇلارنى كۆرسەتتى: نۆۋەتتە جۇڭگۇ ئاللىبۇرۇن روسىيەنىڭ بىرىنچى چوڭ سودا ھەمرايىغا ۋە تۆتىنچى چوڭ مەبلەغ سالغۇچىسىغا ئايلاندى، ئىككى دۆلەت سودا ھەمكارلىقىدا مۇرەككەپ، ئۆزگىرىشچان بولغان دۇنيا ئىقتىسادى ۋە يەرلىك سىياسەت ۋەزىيتى ئاسىتىدىمۇ مۇۋەپپىقىيەتلىك تەرەققى قىلىمەن دەيدىكەن چوقۇم ئۆز ئارا ئىشىنىش ۋە قىيىنچىلىق مەزگىلدە بىر-بىرىگە كۈچلۈك ھەمدەمدە بولۇشقا تاينىدۇ. بۇ يىل 5-ئايدا روسىيە-جۇڭگۇ ئىككى دۆلەت باشلىقلىرى شاڭخەيدە ئورتاق بايانات ئىلان قىلىپ ئىككى دۆلەتنىڭ سىتىراتىگىيلىك ھەمرالىق مۇناسىۋىتىنى ئومۇمىيۈزلۈك يېڭى پەللىگە كۆتۈرىدىغانلىقىنى بىلدۈرۈپ، ئىككى دۆلەتنىڭ كەلگۈسى ھەمكارلىقى ئۈچۈن مۇستەھكەم ئاساس سالدى.
      گىروزجىف 2014-يىلدىكى روسىيە-جۇڭگۇ سودا ھەمكارلىقىدىكى مۇھىم ئۇتۇقلارنى نەقىل كەلتۈرۈپ ئۆتتى، بۇ جۇڭگۇ شىركىتىنىڭ روسىيەنىڭ يىراق شەرق رايۇنىغا مەبلەغ سېلىش تۈرىنى قوزغۇتۇش سۆھبىتىگە قاتناشقانلىقى، تۇنجى نۆۋەتلىك روسىيە-جۇڭگۇ يەرمەنكىسىنىڭ خاربىندا ئۆتكۈزۈلگەنلىكى، ئىككى دۆلەت مەركىزى بانكىلىرىنىڭ ئىككى تەرەپ ئاساسى پۇللىرىنى ئۆز ئارا ئالماشتۇرۇش كىلىشىمىگە ئىمزا قويغانلىق، ھۆكۈمەتلەر ئارا مەبلەغ سېلىش ھەمكارلىق كومتىتى قۇرۇلغانلىقى قاتارلىقلارنى ئۆز ئىچىگە ئالىدۇ. ئۇنىڭ پەرىزىچە 2014-يىلى يىل ئاخىرىغىچە روسىيە-جۇڭگۇ سودا سوممىسى 90 مىليارد ئامىرىكا دوللىرىدىن ئېشىپ، 2015-يىلى ئىككى تەرەپ سودا سوممىسىنى 100 مىليارد ئامىرىكا دوللىرىغا يەتكۈزۈش نىشانىنى ئەمەلگە ئاشۇرۇش ئۈچۈن ياخشى ئاساس سالىدىكەن.
      گىروزجىف «ئىككى دۆلەت بۇندىن كىيىن ئورتاق تىرىشىپ، ئاساسى پۇل ھىساباتىدىن پايدىلىنىش ئاساسىدا تاۋار ۋە مۇلازىمەت سودىسىنى كېڭەيتىش بىلەن بىر ۋاقىتتا ئېنىرگىيە، مەبلەغ سېلىش، پەن-تېخنىكىدا يېڭىلىق يارىتىش، سانائەتنى زامانىۋىيلاشتۇرۇش شۇنىڭدەك يۇقۇرى يېڭى تېخنىكا كەسىپلىرى قاتارلىق ساھەلەردىكى ھەمكارلىقنى كۈچەيتىشكە مۇھتاج» دىدى.