ئامېرىكا TNWتور بېتىنىڭ 29-يانۋاردىكى خەۋىرىگە ئاساسلانغاندا، يېڭى بىر تەكشۈرۈشتە كۆرسىتىلىشىچە، شىمالىي كورىيەدە پەقەت 7200 تور ئابۇنتى بار ئىكەن.

   بازار تىجارىتى شىركىتى We Are Socialئېلان قىلغان بىر دوكلاتتا كۆرسىتىلىشىچە، كىم جوڭئۇن رەھبەرلىكىدىكى شىمالىي كورىيە پەقەت %0.03 نوپۇسنىڭ تورغا چىقىشىغا رۇخسەت قىلغان. مۇنداقچە ئېيتقاندا، شىمالىي كورىيەدىكى تورداشلار سانى پەقەت 7200 نەپەر. بۇ سان ئوتتۇرا كۆلەمدىكى شىركەتنىڭ خادىم سانىغا يەتمەيدۇ ھەم ئەنگلىيە كامبرىيا ۋىلايىتىنىڭ نوپۇسىغا يەتمەيدۇ.

شىمالىي كورىيە بىلەن روشەن سېلىشتۇرما بولغىنى، ئىسلاندىيەدە %98 نوپۇس تورغا چىقىدۇ.

ئەلۋەتتە، بۇ شىمالىي كورىيەلىكلەرنىڭ ھەممىسى تورغا چىقمايدۇ دېگەنلىك ئەمەس. شىمالىي كورىيەنىڭ ئۆزىنىڭ ئىچكى تورى بار، Kwangmyongدەپ ئاتىلىدۇ، «نۇرلۇق» دېگەن مەنىدە.

ئەمما، بۇ خىل ئىچكى تور دۇنيا ئېنتىرنېت بىلەن ئۇلانمىغان، بۇ سىرتقى توردىكى ھەرقانداق مەزمۇننىڭ شىمالىي كورىيە ھۆكۈمەت ئەمەلدارلىرىنىڭ تەستىقلىشىدىن ئۆتكەندىن كېيىن ئىچكى تورغا كىرىدىغانلىقىدىن دېرەك بېرىدۇ ھەمدە قولدا چىقىرىش شەكلىدە ئىچكى تورغا كىرگۈزۈلىدۇ.

ئەگەر تەلىيىڭىز كېلىپ شىمالىي كورىيەدە ياشاپ قالسىڭىز، ئۈستەل كومپيۇتېرىڭىزنىڭ مەشغۇلات سىستېمىسىنىڭ Red Star(قىزىل يۇلتۇز) ئىكەنلىكىنى بايقايسىز، دەسلەپكى نەشردىكى OS Xسىستېمىسىغا ناھايىتى ئوخشايدۇ، ئەمما پەقەت شىمالىي كورىيەدىلا ئىشلەتكىلى بولىدۇ.