جۇڭگونىڭ بىرلەشكەن دۆلەتلەر تەشكىلاتىدا دائىمىي تۇرۇشلۇق ۋەكىلى ليۇ جېيى 24-ئۆكتەبىر بىرلەشكەن دۆلەتلەر تەشكىلاتىنىڭ نيۇ يوركتىكى باش ئورگىنىدا ئۇكرائىنا مەسىلىسىگە ئالاقىدار ھەر قايسى تەرەپلەرنىڭ مىنىسكى كېلىشىمىنى داۋاملىق ئەمەلىيلەشتۈرۈپ، سىغدۇرۇشچان سۆھبەتنى تېزدىن باشلاپ، تەكشى، ئۇزۇن مۇددەتلىك، ئومۇميۈزلۈك سىياسىي ھەل قىلىش لايىھەسىنى بالدۇرراق تېپىپ چىقىشىنى مۇراجىئەت قىلدى.

خەۋپسىزلىك كېڭىشى شۇ كۈنى ئۇكرائىنا مەسىلىسى بويىچە ئوچۇق يىغىن ئۆتكۈزدى، ليۇ جېيى سۆز قىلغاندا مۇنداق دەپ كۆرسەتتى: ئۇكرائىنا مەسىلىسى مۇرەككەپ تارىخىي ۋە رىيال ئەھۋالغا چېتىلىدۇ، ئالاقىدار تەرەپلەر بۇنىڭ مەنبىيىنى سۈرۈشتۈرۈپ، زىددىيەتلەرنى مۇۋاپىق بىر تەرەپ قىلىشى كېرەك. ئۇكرائىنادىكى ھەر قايسى رايونلار، ھەر قايسى مىللەتلەرنىڭ ھەققانىي ھوقۇق مەنپەئەتى ۋە تەلىپىنى تولۇق ئېتىبارغا ئېلىش بىلەن بىرگە، ئالاقىدار ھەر قايسى تەرەپلەر كۆڭۈل بۆلىدىغان مەسىلىلەرنى ھەل قىلىشقا ئەھمىيەت بېرىپ، ھەر قايسى تەرەپلەرنىڭ مەنپەئەت تەڭپۇڭلۇقىنى ئىشقا ئاشۇرۇشى كېرەك.