‹‹ھىندىستاننىڭ جۇڭگو لاسادا باش كونسۇلخانا تەسىس قىلىش ئويى يەنە بىر قېتىم جۇڭگو تەرەپنىڭ قارشىلقىغا ئۇچرىدى ›› ھىندىستان ۋە نىپال ئاخبارات ۋاستىللىرى بىر قانچە كۈن ئىلگىرى يۇقارقى خەۋەرنى ئېلان قىلغان . بىر نەچچە كۈن ئىلگىرى ئۆتكۈزۈلگەن جۇڭگو -ھىندىستان ئالتىنجى قېتىملىق ئىستىراتىگىيە سۆھبىتىدە ، جۇڭگو تەرەپ ھىندىستان ئوتتۇرغا قويغان ‹‹ جۇڭگونىڭ شىزاڭ ئاپتونۇم رايونىنىڭ ئۆلكە مەركىزى لاسادا باش كونسۇلخانا تەسىس قىلىش ›› تەكلىپى ‹‹يۈزمۇ-يۈز رەت قىلىنىش››  قا ئۇچرىغان. 

ھىندىستاننىڭ ‹‹ئازادلىق ژۇرنىلى ›› 18-چېسلادىكى خەۋرىگە ئاساسلانغاندا ، ھىندىستان تاشقى ئىشلار كاتىپى سۇجاتا سىنگ بىلەن جۇڭگو دىپلوماتىيە مىنىستىرلىكىنىڭ مۇئاۋىن مىنىستىرى لىيۇجېنمىن مۇشۇ ھەپتە جۇڭگو -ھىندىستان ئالتىنجى قېتىملىق سۆھبىتىنى ئاياغلاشتۇرغان. بەزى تەرەپلەردىن ئېيتقاندا، بۇ سۆھبەتنىڭ كىشىنى ئۈمۈدسىزلەندۈردىغان ئۇچۇرى بولسا جۇڭگو تەرەپنىڭ ھىندىستان ئوتتۇرغا قويغان لاسادا باش كونسۇلخانا قۇرۇش تەلپىنى رەت قىلىشتا چىڭ تۇرشى بولدى. ھىندىستان تەرەپنىڭ ئاشكارلىشىچە ، جۇڭگو تەرەپ ھىندىستاننىڭ باش كونسۇلخانا قۇرشىغا قوشۇلغان ، ئەمما پەقەت چېڭدۇ ياكى كۈنمىڭ ئىككى شەھەردىن بىرىنى تاللاپ قۇرۇشى كىرەك دەپ  تۇرۋالغان. نىپال ‹‹جۇمھۇرىيەت گېزىتى ›› نىڭ 17-چېسلادا خەۋەر قىلشىچە،  1962-يىلدىكى جۇڭگو -ھىندىستان ئۇرشىدىن كىيىن، ئىككى تەرەپنىڭ مۇناسىۋىتى ئىزچىل ياخشى ھالەتتە ئەمەس، ئەينى ۋاقىتتا ھىندىستاننىڭ شىزاڭدىكى باش كونسۇلخانىسى تاقىۋىتىلگەن. لىكىن يېقىنقى بىر نەچچە يىلغا كەلگەندە، جۇڭگو -ھىندىستان ئىككى دۆلەتنىڭ ئۆز - ئارا نەپ يەتكۈزۈش سودىسى ۋە مەبلەغ كاپتالى ئۈلۈكسىز كىڭەيگەن ھەمدە 2014-يىلىنى ‹‹دوستانە پىكىر ئالماشتۇرۇش يىلى ›› قىلىپ جاكارلىغان. 

‹‹جۇمھۇرىيەتچىلەرگېزىتى ›› دە يەنە مۇنداق دىيىلگەن ، ھىندىستان ئاللىقاچان گۇاڭجۇ بىلەن شاڭخەيدە كونسۇلخانا تەسىس قىلىپ بولغان بۇلۇپ ،تاللاشقا بۇلدىغان كۈنمىڭ بىلەن چېڭدۇ ئىككىلا شەھەر شىزاڭغا يېقىن ئىكەن. ئەمىليەتتە، نىپالنىڭ شىزاڭدا تۇرۇشلۇق باش كونسۇلخانىسى جۇڭگونىڭ باشقا دۆلەتلەرنىڭ شىزاڭدا كونسۇلخانا قۇرۇشىغا  رۇخسەت قىلغان بىردىنبىر كونسۇلخانا ئىكەن، نىپالمۇ شىزاڭ ئاپتونۇم رايونىنىڭ ئاساسلىق سودا ھەمراھى . تىلغا ئېلىشقا ئەرزىيدىغىنى ، جۇڭگو تەرەپ ئىلگىرى ئامرىكىنىڭ شىزاڭدا كونسۇلخانا قۇرۇش تەكلىپىنمۇ رەت قىلىۋەتكەن. 

جۇڭگو زامانىۋى  خەلقئارا مۇناسۋەتلىرىنى تەتقىق قىلىش ئورنىنىڭ جەنۇبى ئاسىيا مەسلىلرنى تەھلىل قىلىش مۇتەخەسىسى فۇشاۋچىياڭ 18-چېسلا ‹‹جاھان كىزەر ۋاقىتلىق گېزىتى›› گە ئېيتىشىچە، ھىندىستان ئاللىقاچان كۆپ قېتىم لاسادا كونسۇلخانا قۇرۇشنى تەلەپ قىلدى، لىكىن شىزاڭ مەسلىسى بىلەن جۇڭگو -ھىندىستان چېگرا مەسلىسىنىڭ مۇرەككەپ بۇلشىنى كۆزدە تۇتۇپ ، جۇڭگو تەرەپ بۇ مەسلىدە ئېھتىياتچان بۇلىدۇ. لىكىن بۇ قېتىم جۇڭگو ھىندىستانغا ‹‹ئېغىزىنى ئېچىپ بىرىپ›› يېڭى دېھلىنىڭ چېڭدۇ ياكى كۈنمىڭدا كونسۇلخانا قۇرشىغا ماقۇل بۇلۇشى جۇڭگو تەرەپنىڭ خېلىلا بەك يول قويغانلىقىنى بىلدۈرىدۇ. چۈنكى ھىندىستان بىلەن جۇڭگونىڭ غەربى رايون ئىقتىسادى ۋە ئادەملەرنىڭ بېرىپ -كېلىشى ئۈچۈنلا ئېيتقاندا، چېڭدۇ بىلەن كۈنمىڭ تامامەن لاسانىڭ ئورنىنى ئالالايدۇ، بۇنىڭدىن شۇنى كۆرۋېلىشقا بۇلدۇكى جۇڭگو  ھىندىستان بىلەن بولغان مۇناسىۋەتنى ئىلگىرى سۈرۈشكە ناھايىتىمۇ   بەك سەمىمي پوزىتسىيەدە بولغان.