LG ئېلېكترونى بۈگۈن ئېلان قىلغان مالىيە دوكلاتىدا كۆرسىتىلىشىچە، LG نىڭ 2015-يىلى 4-پەسىللىك سېتىش سوممىسى (تارماق شىركەتلەرنىمۇ ئۆز ئىچىگە ئالىدۇ) 14.5601 تىرىليون ۋون (خەلق پۇلىغا تەخمىنەن 79.9 مىليارد يۈەن) گە يېتىپ، ئالدىنقى يىلىدىكىدىن %4.7 تۆۋەنلىگەن؛ تىجارەت پايدىسى 349 مىليارد ۋون (تەخمىنەن 1.9 مىليارد يۈەن) بولۇپ، ئالدىنقى يىلىدىكىدىن %26.8 ئۆرلىگەن. نىڭ 2015-يىلىدىكى پۈتۈن بىر يىللىق سېتىش سوممىسى 56.5090 تىرىليون ۋون بولۇپ، ئالدىنقى يىلىدىكىدىن %4.3 تۆۋەنلىگەن؛ تىجارەت پايدىسى 1.1923 تىرىليون ۋون بولۇپ، ئالدىنقى يىلىدىكىدىن %34.8 كېمەيگەن. ئۇندىن باشقا، LG بۇلتۇر 59.7 مىليون دانە يانفون سېتىپ چىقارغان بولۇپ، ئالدىنقى يىلدىكىدىن بىر مىليون دانە كۆپەيگەن.

     بۇنىڭ ئىچىدە، LG نىڭ تېلېۋىزور بىلەن ئالاقىدار كەسپى تارمىقى (Home Entertainment) نىڭ 2015-يىلى 4-پەسىلدىكى سېتىش سوممىسى 4.7397 تىرىليون ۋون بولۇپ، ئالدىنقى يىلىدىكىدىن %13 ئازايغان؛ يانفون كەسپى تارمىقى (Mobile Communications) نىڭ سېتىش سوممىسى 3.7773 تىرىليون ۋون بولۇپ، ئالدىنقى يىلىدىكىدىن %0.4 كېمەيگەن؛ ئائىلە ئېلېكتر ئۈسكۈنىلىرى ۋە ھاۋا تەڭشىگۈچ كەسپى تارمىقى (Home Appliance & Air Solution) سېتىش سوممىسى 3.8295 تىرىليون ۋون بولۇپ، ئالدىنقى يىلىدىكىدىن %1.1 كۆپەيگەن؛ ئاپتوموبىل زاپچاسلىرى تارمىقى (Vehicle Components) نىڭ بۇلتۇر 4-پەسىلدىكى سېتىش سوممىسى 520.4 مىليارد ۋونغا، پايدىسى 9.7 مىليارد ۋونغا يەتكەن، شۇنداقلا قۇرۇلغاندىن بۇيان تۇنجى قېتىم پايدا ئېلىشنى ئىشقا ئاشۇرغان.