تېببىي مۇتەخەسسىسلەرنىڭ قارىشىچە، بالىلارنى زىيادە ئەركە ئۆگىتىش ئۇلارنىڭ ئوزۇقلۇق قۇرۇلمىسىدا زىيادە تەڭپۇڭسىزلىقنى كەلتۈرۈپ چىقىرىپ، ئۇلارنىڭ دىئابىت كېسىلىگە گىرىپتار بولۇشنى كەلتۈرۈپ چىقىرىدىكەن.

     ئىگىلىنىشىچە، Iتىپلىق دىئابىت كېسىلىنىڭ پەيدا بولۇشى ئاساسلىقى ئىممۇنىت ۋە ئېرسىيەتتىن، IIتىپلىق دىئابىت كېسىلىنىڭ پەيدا بولۇشى ئىرسىيەت ۋە تۇرمۇش ئادىتىدىن پەيدا بولىدىكەن.

     مۇتەخەسسىلەرنىڭ كۆرسىتىشىچە، Iتىپلىق دىئابىت كېسىلىنىڭ ئالدىنى ئېلىشتا، ھامىلدارلىق مەزگىلدىكى تەكشۈرۈشكە ئەھمىيەت بېرىپ، كونترول قىلىش تەدبىرىنى ۋاقتىدا قوللىنىشى، IIتىپلىق دىئابىت كېسىلىنىڭ ئالدىنى ئېلىشتا چوقۇم ئۇزۇقلۇق قۇرۇلمىسىنى تەڭشەپ، زىيادە ھېرىپ چارچاشتىن ساقلىنىش ھەمدە ئۇيقۇسىزلىق سەۋەبىدىن ئىنسۇلىن ئاجراتمىسىنىڭ تۆۋەنلەپ، دىئابىت كېسىلىنى كەلتۈرۈپ چىقىرىشىنىڭ ئالدىنى ئېلىش كېرەك. ئەڭ مۇھىمى، ئاتا-ئانىلار بالىلىرىغا بولغان ئوزۇقلۇق تەربىيىسىگە ئالاھىدە ئەھمىيەت بېرىش كېرەك ئىكەن.