ئامېرىكا «ۋاشىنگىتون كۈندىلىك پوچتا گېزىتى» نىڭ 7-چېسلا خەۋەر قىلىشىچە، ھىندىستان ماخاراشتىرا (Maharashtra) ئۆلكىسىدە «يېڭى كالا گۆشىنى چەكلەش بۇرۇقى» 3-ئايدا ئېلان قىلىنغاندىن بۇيان، يەنى 3-ئايدىن 10-ئايغىچە بولغان ئارىلىقتا، 300 دىن ئارتۇق كىشى بۇ چەكلەش بۇيرۇقىغا خىلاپلىق قىلغانلىقى سەۋەبىدىن قولغا ئېلىنغان.

     خەۋەردە دېيىلىشىچە، ماخاراشتىرا ھۆكۈمىتىنىڭ مەلۇم بىر ئەمەلدارى مۇنۇلارنى ئاشكارلىغان، بىز مەزكۇر چەكلەش بۇيرۇقىنى ئېلان قىلىپ كالىلارنىڭ مەنپەتىنى قوغدىشىمىز كېرەك، بىراق بىر قىسىم بومبايلىق پۇقرالار، كالا گۆشى سودىسى قىلىش ۋە كالا گۆشى ئىستىمال قىلىش ئادىتى بار بولغان پۇقرالارنىڭ قارىشىچە، مەزكۇر چەكلەش بۇيرۇقى پۇقرالارنىڭ ھوقۇق-مەنپەتىگە دەخلى-تەرۈز قىلغان. ئىگىلىنىىشچە، بومباي سوت مەھكىمىسى بۇ دېلو توغرىسىدا ئىسپات ئاڭلاش يىغىنى چاقىرغان.

    ماخاراشتىرا ھۆكۈمىتىنىڭ بىلدۈرىشىچە، ئەرز قىلىنغان دېلولارغا قارىغاندا، كۆپ قىسىم كىشىلەر كالا گۆشى سېتىش، كالا گۆشى توشۇش، كالا ئۆلتۈرۈش قاتارلىق سەۋەبلەر بىلەن قولغا ئېلىنغان. ئىگىلىنىشىچە، چەكلەش بۇيرۇقىغا خىلاپلىق قىلغۇچىلار ئەڭ يۇقىرى بولغاندا بەش يىللىق مۇددەتلىك قاماق جازاسىغا ھۆكۈم قىلىنغاندىن باشقا يەنە 10 مىڭ رۇپلى جەرىمانە قويىلىدىكەن. كالا گۆشىنى زاپاس ساقلىغانلار بولسا بىر يىللىق مۇددەتلىك قاماق جازاسى بېرىلگەندىن باشقا يەنە 2000 رۇپلى جەرىمانە قويىلىدىكەن.

     گەرچە بومبايدىن كەلگەن پۇقرالار تەشكىلاتىنىڭ ۋەكىلى ئۆزلىرىنىڭ مەنپەتىنى دەخلى-تەرۈزگە ئۇچرىدى، دەپ كۆرسەتكەن بولسىمۇ، بىراق ماخاراشتىرا ھۆكۈمىتى بۇنداق دەپ قارىمايدىكەن. مەزكۇر دېلو 12-ئاينىڭ 9-كۈنى سوتلىنىدىكەن.

    خەۋەردە دېيىلىشىچە، ھىندى دىنى ھىندىستاندا ئاساسى ئورۇندا تۇرىدىغان بولۇپ، كالا ئىلاھ قاتارىدا كۆرىلىدۇ، شۇڭلاشقا ھىندىستاننىڭ كۆپ قىسىم جايلىرىدا كالا ئۆلتۈرۈش چەكلىنىدۇ. بۇ يىلنىڭ بېشىدا، ھىندىستاننىڭ شىمالىدىكى بىر مۇسۇلمان ئەر بىر ئىنەك كالىسىنى ئۆلتۈرگەنلىكى سەۋەبىدىن، باشقا كىشىلەر ئۇنى ئۇرۇپ ئۆلتۈرىۋەتتى.