جۇڭگو بىرلەشمە ئالاقىچىلىكى 2-ئاينىڭ 27-كۈنى يىللىق خىزمەت دوكلاتىنى ئاشكارىلىغان بولۇپ، 2013-يىلى، شىركەت كىرىمى ئۈزلۈكسىز تېز سۈرئەتتە ئاشقان. قىلغان تىجارەت كىرىمى 303 مىليارد 730 مىليون يۈەنگە يېتىپ، ئوخشاش نىسبەتتە %18.5 ئاشقان. بۇنىڭ ئىچىدە، مۇلازىمەت كىرىمى 246 مىليارد 280 مىليون يۈەنگە يېتىپ، ئوخشاش نىسبەتتە %13.6 ئاشقان، بازار كۆلىمى مۇقىم كېڭەيگەن. مۇلازىمەت كىرىمى ئىچىدە كۆچمە كەسىپ مۇلازىمىتىنىڭ ئىگىلىگەن نىسبىتى %63.3گە يەتكەن، كەسىپ قۇرۇلمىسى تېخىمۇ ئەۋزەللىشىپ، ئۈزلۈكسىز تەرەققىيات ئىقتىدارى يەنە بىر قەدەم كۈچەيگەن. كىرىمنىڭ تىز سۈرئەتتە ئېشىشى ۋە كەسىپ قۇرۇلمىسىنىڭ ئۈزلۈكسىز ياخشىلىشىغا ئەگىشىپ، شىركەتنىڭ پايدا ئىقتىدارى كۆرۈنەرلىك يۇقىرى كۆتۈرۈلگەن. ساپ پايدىسى 10 مىليارد 290 مىليون يۈەنگە يەتكەن بولۇپ، بۇنىڭ ئىچىدە ئانا شىركەت ئىگىدارچىلىقىدىكى ساپ پايدا 3 مىليارد 440 مىليون يۈەنگە يېتىپ، ئوخشاش نىسبەتتە %45.4 ئاشقان. ھەر بىر پېيىنىڭ پايدىسى 0.162يۈەنگە يەتكەن. 2013-يىلى جۇڭگو بىرلەشمە ئالاقىچىلىكى كۆچمە كەسپى ئۈزلۈكسىز تېز سۈرئەتتە تەرەققىي قىلىپ پۈتۈن بىر يىلدا تاپقان كۆچمە مۇلازىمەت كەسپى كىرىمى155 مىليارد 770 مىليون يۈەنگە يېتىپ، ئوخشاش نىسبەتتە %20 ئاشقان. ساپ ئاشقان كۆچمە ئابونىت 41 مىليون 670 مىڭغا يېتىپ، ئومۇمىي سانى284 مىليوندىن ئېشىپ كەتكەن. شىركەتنىڭ ئۈچ جى كەسپىنىڭ تەرەققىيات كۆلىمىدە يېڭىچە بۆسۈش بولۇپ، مۇلازىمەت كىرىمىنىڭ كۆچمە كىرىمگە قوشقان تۆھپە نىسبىتى %59.5گە يېتىپ، كۆلىمى 92 مىليارد 720 مىليون يۈەنگە يېتىپ، ئوخشاش نىسبەتتە %50.2 ئاشقان، شۇنداقلا شىركەتنىڭ بىرىنچى كىرىم مەنبەسىگە ئايلانغان. ئۈچ جى ئابونتى ئوخشاش نىسبەتتە %60.4 ئېشىپ، ئومۇمىي سانى 123 مىليونغا يەتكەن، كۆچمە ئابونىت ئىچىگە سىڭىپ كىرىش نىسبىتى %43.6گە يەتكەن.