<<  كىتاب ۋە كىتاب مەدەنىيىتى | باش بەت | چۈش ۋە رىئاللىق  >>

  • پىچاق ئاسقان ئەر! - [شىئېرىيەت گۈلزارى]

    پىچاق ئاسقان ئەر!


    غوجىمۇھەممەت مۇھەممەت


    زور بەدەل تۆلەر دىل ئەسلەشكە بىر رەت ،
    ئۇنىڭ شاپ بۇرىتىنى تولغاشلىرىنى .
    ئۇنتۇشچۈن بىر ئۆمۈر قىينىلار ئادەم ،
    ئۇنىڭ كۆك يالقۇنلۇق چوڭقۇر كۆزىنى .
    رەستىنى تىرىتىپ كېلەر ئۇ گۈس گۈس ،
    ئۆلگىلى ماڭغاندەك ئۆلتۈرگىلى ھەم .
    كۆڭلىكى ۋەرت - ۋەرت يىرتىلىپ تۇرار ،
    چىڭقالغان بەستىگە چىدالماي ھەردەم .
    سەن كىم دەپ سوراشقا بولمايدۇ ئەسلا ،
    ئۇنىڭچۈن ئانا يەر بېرىدۇ جاۋاپ :
    ئۇ يۈز يىل بۇرۇنقى پىچاق ئاسقان ئەر،
    ۋە يۈز يىل كىيىنكى ئەسلەنگەن ئازاپ .


    " قۇمۇل ئەدەبىياتى" ژورنىلىنىڭ 2001- يىللىق 3- سانىدىن ئېلىنغان





    جەلىپكاريوللانغان ۋاقتى2010-05-12 | تەھرىرلەش | 分享　0