ئادەتتە بەزى كىشىلەر بېشى ئاغرىسىلا ئالدىراپ ئاغرىق توختاتقۇچى دورىلارنى ئىچىدۇ، بۇنداق قىلغاندا دورا ئەكىس تەسىر بېرىپ قويۇشى مۇمكىن. شۇڭا باش ئاغرىغاندا تۆۋەندىكى ئۇسۇللارنى سىناپ بېقىش كېرەك:
- يېتىپ ئارام ئېلىش. بېشىنى ئېگىز قىلىپ 10مىنۇت يېتىۋالسا، جىددىيلىك پەيدا قىلغان باش ئاغرىقىنى يېنىكلەتكىلى بولىدۇ.
- بويۇننى نەمدەش. سوغۇق سۇغا چىلانغان لۆڭگىنى بىر مىنۇتتا بىر قېتىم،ئىسسىق سۇغا چىلانغان لۆڭگىنى ئۈچ مىنۇتتا بىر قېتىم ئالماشتۇرۇپ بويۇننى نەمدەپ بەرسە، قان ئايلىنىش توسالغۇغا ئۇچراشتىن پەيدا بولغان باش ئاغرىقىغا مەنپەئەت قىلىدۇ. ئىز تورىدا ئىزلىرىمىز قالسۇن!
- پۇتنى يۇيۇش. ئىككى جاۋۇرغا ئايرىم–ئايرىم ئىسسىق ۋە سوغۇق سۇ ئېلىپ ئىككى پۇتنى نۆۋەتلەشتۈرۈپ چىلاپ بەرسە، قان ئايلىنىش توسالغۇغا ئۇچراشتىن پەيدا بولغان باش ئاغرىقى توختايدۇ.
- نەپەسلىنىش ھەركىتى. دېرىزىنى ئېچىۋېتىپ، چوڭقۇر نەپەس ئالسا مېڭىگە ئوكسىگىن يېتىشمەسلىكتىن كېلىپ چىققان باش ئاغرىقىغا مەنپەئەت قىلىدۇ.
مۇتەللىپ تەييارلىغان
