مۇﻫەبىىتىمىز مەڭگۈ داۋاملاشسۇن

ﻫېلىمۇ ئېنىق ئىسىمدە، بىر نەچچە يىل ئىلگىرى يۈرگەن قىزىم يەنى ﻫازىرقى ئايالىم مەندىن: "سىز مىنى ﻫەقىقىي ياخشى كۆرەمسىز؟ مېنى مەڭگۈ مۇشۇنداق سۆيەمسىز ياكى باشقا ئەرلەردەك تويدىن كېيىن ماڭا كۆڭۈل بۆلمەيدىغان بولۇپ قالارسىزمۇ؟!" دەپ سورىغانىدى. مەن شۇ چاغدا ئۇنىڭ سوئالىغا دەماللىققا جاۋاب بېرەلمىگەنىدىم. ئەمەلىيەتتە مېنىڭ بۇ سوئالغا جاۋاب بېرەلمىگەنلىكىم باشقا بىرەر سەۋەبتىن بولماستىن بەلكى بۇ سوئالغا چوقۇم ئەستايىدىل ﻫەم قايىل قىلارلىق جاۋاب بېرىشىم كېرەك دەپ ئويلىغانلىقىمدىن بولغانىدى.

ئىز تورىدا ئىزلىرىمىز قالسۇن!

ﻫەربىر كىشىنىڭ ئۆزىگە تۇشلۇق مۇﻫەببەت تارىخى ﻫەمدە گۈزەل ئەسلىمىلەرگە تولغان مۇﻫەببەتلىك ﻫاياتى بولىدۇ. بۇ جەرياندا ئۇلار سۆيگىنى بىلەن جاﻫاندىكى ئەڭ گۈزەل، ئەڭ تاتلىق ئىشىق- مۇﻫەببەت سۆزلىرىنى قىلىشىدۇ، ئاجايىپ شېرىن ﻫەم ئۇنتۇلغۇسىز كۈنلەرنى بىرگە ئۆتكۈزىدۇ، نۇرغۇن گۈزەل ئارزۇلارنى كۆڭلىگە پۈكۈشىدۇ، تالاي ۋەدىلەرنى بېرىشىدۇ. بۇ جەرياندا بىر قىسىملىرى ئارزۇلىرى بويىچە مۇرادىغا يېتىدۇ، يەنى توي قىلىپ باشقا بىر مەنىدىكى مۇﻫەببەتلىك تۇرمۇشىنى باشلىماقچى بولىدۇ. تويدىن كېيىنكى تۇرمۇش مۇﻫەببەتلىشىۋاتقان چاغلاردىكىگە ئوخشىمايدۇ، مەيلى ئۇ قانداق داۋاملاشسۇن ئىش قىلىپ يۈزدە يۈز ئوڭۇشلۇق ياكى كۆڭۈللۈڭك بولۇپ كەتمەيدۇ. بەزىلەر بۇنى توغرا ﻫەل قىلىپ تۇرمۇشىنى ئوڭۇشلۇق داۋاملاشتۇرۇپ كېتەلىسىمۇ، بەزىلەر زىددىيەتلەرگە توغرا مۇئامىلە قىلالمايدۇ- دە، نۇرغۇن ئائىلىلەر ۋەيران بولىدۇ. ئۇلارنىڭ ئوتتۇرىسىدىكى گۇناﻫسىز سەبىيلەرمۇ بۇ خىل زىددىيەتلەرنىڭ قۇربانى بولۇپ، ئاتا- ئانا مۇﻫەببىتى ۋە ئىللىق ئائىلە مېﻬرىدىن مەﻫرۇم قالدۇرۇلىدۇ. ئەجىبا ئۇلار نېمە ئۈچۈن ئەشۇ نارەسىدىلەرنى ئويلاشمايدۇ؟ ئەشۇ بىر قىسىملار تېخى ئۆزلىرىچە تۇرمۇش ۋە مۇﻫەببەت ﻫەققىدە خىلمۇخىل نەزەرىيىلەر ۋە "ﻫەقىقەت"لەرنى ئوتتۇرىغا قويۇشىدۇ. "توي مۇﻫەببەتنىڭ قەبرىسى" __ مانا بۇ ئاشۇ خىلدىكىلەرنىڭ تېپىپ چىققان ئۇلۇغ نەزەرىيىسى. بۇ بىمەنە "ﻫەقىقەت" تۈپەيلى قانچىلىغان كىشىلەر گۈزەل كەلگۈسىدىن گۇمانلىنىپ، ئالدىن خاتا ﻫۆكۈم چىقىرىپ، ئاخىرىدا بىر ئۆمۈر ۋىجدان ئازابى تارتىشقا مەجبۇر بولۇۋاتىدىغۇ؟ ئەمدى ئۆزۈمنىڭ گېپىگە كەلسەم قىز دوستۇمنىڭ "سىز مېنى مەڭگۈ مۇشۇنداق ياخشى كۆرەمسىز؟!" دەپ سورىشى دەل مۇشۇنداق بىمەنە "ﻫەقىقەت"نىڭ تۈرتكىسىدىن كېلىپ چىققان.

خەتكۈچلەر:

ئىز تورى-爱智网

مۇﻫەبىىتىمىز مەڭگۈ داۋاملاشسۇن