ئەرلەر كەينىدىكى ئاياللار

يوللىغۇچى ؛ نازاكەتجەمئىيەت ئۆزگەردىمۇ ياكى ئەرلەر ئۆزگەردىمۇ؟ئىشقىلىپ،ھازىر بىر قىسىم ئەرلەر دائىم ئايالىنىڭ بارغانسېرى سارغايغان چىرايىدىن،يوقۇلۇپ كېتىۋاتقان ناز كەرەشمىسىدىن زارلىنىدۇ؛ئايالىنى تولا سۆزلەيدىغان بولۇپ قالدى دەپ ئاغرىنىدۇ؛ئۇنىڭ پىشانىسىدىكى قورۇقلارغا،قوپاللاشقان قوللىرىغا قاراشنى خالىمايدۇ. ھەركۈنى قاتۇرۇپ دەزماللانغان كىيىملەرنى كىيىپ ھەرخىل ئىجتىمائىي سورۇنلاردە يۈرۈيدۇ.گۈزەل قىزلار ئارىسىدا ئايلانغان چاغلىرىدا،ئۆزلىرىچە ئايالىمنىڭ قوللىرى نىمە ئۈچۈن ئاشۇ گۈزەل قىزلارنىڭكىدەك يۇمشاق ئەمەستۇر دەپ ھەسرەتلىنىدۇ؛ئەزەلدىن ئۆزلىرىنىڭ سالاپەت بىلەن كىشىلەر ئارىسىدا يۈرۈشىنىڭ ئاشۇ قوپال قولنىڭ بولغانلىقىدىن ئىكەنلىكىنى ئويلاشمايدۇ.ئاشۇ بىر جۈپ قول، ئەرلەر گۈزەل قىزلارنىڭ قولىنى سىلاۋاتقاندا تەرگە چۆمۈپ يولدىشىنىڭ كيىملىرىنى دەزماللاۋاتقان بولۇشى مۈمكىن.ئەرلەر گۈزەل قىزلارغا ھەمراھ بولۇپ ئويناپ يۈرگەن چاغلىرىدا،ئايالى يولدىشىنىڭ ئاتا-ئانىسىنى كۈتىۋاتقان بولۇشى مۈمكىن.ئەرلەر گۈزەل قىزلارغا ئۆز ئايالىدىن دەرت تۆكۈۋاتقان چېغىدا،ئاياللار چىراق ئاستىدا بالىلىرىغا دەرس تەييارلاتقۇزىۋاتقان بولۇشى مۈمكىن.ئەرلەر دائىم ھەر خىل ئىشلار بىلەن ئالدىراش يۈرۈپ، نەچچە يىل ئۆتكەندىن كېيىن تۇيۇقسىز بالىلىرىنىڭ ئۆزى بىلەن تەڭ بولۇپ قالغانلىقىنى ھېس قىلىدۇ.بالىلىرىنىڭ قانداق چوڭ بولۇپ كەتكەنلىكىنى ئەسلىيەلمەيدۇ.چۈنكى ئۇلارنۇرغۇن يىللارئۆيىنى مېھمانخانا دەپ قاراپ،سولغۇن چىرايغا ئايلانغان ئايالىنىڭ جاپالىرىغا ئەزەلدىن دىققەت قىلىپ باقمىغان.ئاياللار ئەرلەرگە ئوخشاش خىزمەت قىلىدۇ،بالىلارغا قارايدۇ،چوڭلارنى كۈتىدۇ،يولدىشىنىڭ ھالىدىن خەۋەر ئالىدۇ.يىللار رەھىمسىز بولغاچ،ئاياللارنىڭ يۈزلىرىگە ئۆز تامغىسىنى باسىدۇ،بۇ تامغىلار ئاياللارنىڭ نەچچە يىللىق ھايات مۇساپىسىنى ئېنىق خاتىرلەيدۇ.ئاياللار ئەزەلدىن ئۆي ئىشلىرى تۈپەيلى يولدىشىغا ئاۋارىچىلىق سالمايدۇ،ئاياللار ئەرلەر خىزمەتنى ئاساس قىلىش كېرەك دەپ قارايدۇ.شۇڭا،پۈتۈن كۈچى بىلەن ئەرلەرگە يول قويىدۇ،لېكىن ئەرلەر بۇلارنى سەزمەيدۇ.بەزى ئەرلەر ئەزەلدىن ئايالى ئۈچۈن بىرەر زىبۇ-زىننەت،كىيىم كېچەك ئېلىپ بەرمەيدۇ،گەرچە ئايالنىڭ تاماسى مۇشۇ بولمىسىمۇ.ئەرلەر دائىم سىرتتىكى گۈزەل قىزلارغا بۇنداق نەرسىلەرنى ئايىماي ئېلىپ بېرىدۇ.چۈنكى،ئەرلەرنىڭ قارىشىچە بۇ نەرسىلەر ئاشۇ گۈزەل قىزلارغىلا يارىشىدۇ،ئەرلەر بۇنىڭدىن مەلۇم نەتىجىگە ئېرىشكەندەك خوش بولۇپ كېتىدۇ.

خەتكۈچلەر:

ئىز تورى-爱智网

ئەرلەر كەينىدىكى ئاياللار