شامىل شاكىر ، ئۆزبېك ، 1959 – يىلى 12 – ئاينىڭ 25 – كۈنى گۇچۇڭدا تۇغۇلغان . 1976 – يىلى ھەربىي سەپكە قاتناشقان . 1984 – يىلى شىنجاڭ ھەربىي رايون سەنئەت ئۆمىكىگە كىرگەن . 1995 – ، 1997 – يىللىرى ئازادلىق ئارمىيە سەنئەت ئىنىستىتۇتىدا ناخشا كەسپە بويىچە بىلىم ئاشۇرغان . ھازىر ھەربىي رايون سەنئەت ئۆمىكىنىڭ دۆلەتلىك 1 – دەرىجىلىك ناخشىچىسى ، كەسىپكە مەسئۇل مۇئاۋىن ئۆمەك باشلىقى . copyright by www.iz.la
شامىل شاكىر 25 يىللىق سەنئەت ھاياتىدا ‹‹ ئالاتاۋ ئېغىزى ›› ، ‹‹ سېغىنىش ›› ، ‹‹ ھۆرمەت ›› ، ‹‹ دۆڭ كۆۋرۈك ›› ، ‹‹ ناخشا – ئۇسسۇل ماكانى ›› ، ‹‹ غەربىي دىيار بۈركۈتى ›› ، ‹‹ داۋانچىڭ ھېكايىسى ›› قاتارلىق ئوندىن ئارتۇق ناخشا ئىجاد قىلىپ ھەم ئورۇنلاپ ، پۈتۈن مەملىكەت بويىچە ئۆتكۈزۈلگەن كۆرەكلەردە ئون نەچچە قېتىم ئالتۇن مۇكاپات ، تۆھپە مۇكاپاتى ھەم 1 – دەرىجىلىك مۇكاپاتلارغا ئېرىشكەن . ئون پارچە CD ، VCD پىلاستىنكىلىرى نەشىر قىلىنغان .
شامىل شاكىر يېقىنقى ئون يىلدا ھەر قايسى چېگرا مۇداپىئە سەپلىرىدە 160 مەيداندىن ئارتۇق ئويۇن قويۇپ ، جەڭچىلەرگە 20 مىڭدىن ئارتۇق ناخشا پىلاستىنكىسىنى ھەقسىز تارقاتقان . 20 نەچچە مەيدان خەير – ساخاۋەت ئويۇنى قويۇپ ، نامراتلارغا 600 مىڭ يۈەندىن ئارتۇق ئىئانە قىلغان . ئۇ بۇ تۆھپىلىرى ئۈچۈن ئىككى قېتىم 2 – دەرىجىلىك ، سەككىز قېتىم 3 – دەرىجىلىك خىزمەت كۆرسەتكەن . 2008 – يىلى ‹‹ جۇڭگودىكى ئون مەشھۇر پىدائىي ›› بولۇپ باھالانغان . ئۇ ھازىر جۇڭگو مۇزىكانتلار جەمئىيتىنىڭ ئەزاسى ، شىنجاڭ مۇزىكانتلار جەمئىيتىنىڭ مۇئاۋىن رەئىسى ، پۈتۈن ئارمىيە ئالىي ئۇنۋان كومىتېتىنىڭ باھالاش ھەيئىتى . بۇ مەزمۇن ئىز تورىدىن كۆچۈرۈلگەن
ئىز تورى www.iz.la
