مەپتۇن بلوگى

قۇتلۇق ئەپەندى تورىمىزدا زىيارەتتە بولدى

ئاخىرى قىنە بۇ ھىكايىنىڭ؟

ئاخىرى قېنى .

ئىشرەتخانىدىكى ئىشلار 2-باپ



2-باپ بۇمۇ تۇرمۇش بولدىمۇ ؟



ئاتالمىش ((مېھمانخانا)) دىمۇ بايامقى سورۇننىڭ داۋامى باشلىنىش ئالدىدا تۇراتتى. بۇ جايدىمۇ ھاراق ، پىۋا ، تاماكا قاتارلىق (( سورۇن ئەزالىرى )) ئاساسەن تۇلۇق بۇلۇپ ، ئۇلارنىڭ باھاسى ئادەتتىكى دۇكانلاردىن قىممەترەك ئىدى . سورۇن ئەنە شۇنداق باشلاندى . بۇ سورۇننىڭ ساقىلىقىنى مەن ئۇستۇمگە ئالغان بولغاچقا تۇنجى بۇلۇپ ئېغىز ئاچتىم .
_ ئاغىنىلەر ، كەيپىياتنى تېخىمۇ كۆتۇرۇش ئۇچۇن تاماششىنىڭ ئاخىرىنى مۇشۇ جايدا ئېلىپ بارماقچى بولدۇق . ئاغىنىلەرنىڭ ھۆرمىتى ئۇچۇن قېنى خوشە!!
_ خوشە ئاداش.
_سىڭسۇن جۇمۇ ساڭا .
ئاچىچىق ھاراق گېلىمنى كۆيدۇرۇپ دېگىدەك ئۆتۇپ كەتتى . چىرايىم ئۆزگىرىپ كەتكەچكقىمىكىن-تاڭ ، بۇ ئىش بالىلارغا تازا كۇلكە ۋە سورۇن تېمىسى بۇلۇپ بەردى .
_ ئەكرەم ، قارا چىرايىڭغا ، قورۇق جەھەتتە ھېسامكامدىنمۇ ئېشىپ كەتتىڭغۇ ؟
_ كېلە ئاداش دەزمال سېلىپ قۇياي ....
ياتاقداشلارنىڭۇ قاقاقلاپ كۇلۇشى بىلەن تۇن نىسپىنىڭ جىمجىتلىقىنى بۇزاتتى .
_ ھۇيۇت يىگىتلەر ، قارىسام ئاق ئۇجمىنىڭ بودىكىدەك تازا قاملاشقان يىگىتلەر ئىكەنسىلەر ، - دېدى پوكەيدە تۇرغان سىمىز ئايال .
بۇ ئايالنىڭ ئەرلەرنىڭكى بىلەن تامامەن پەرىقلەنمەيدىغان بۇلۇپ ، ئۆزىنى كۆرمىگەن كىشى بۇ ئايالنى جەزمەن ئەر دەپ ئويلاپ قالاتتى . ئۇنىڭ ئىنىچكە بۇغۇلغان سۇپۇرگىدەك چېچى بىلكەن بىشىپ ساڭگىلاپ كەتكەن باراڭدىكى بىر جۇپ كاۋىدەك كۆكسى بۇ ئايالنىڭ ئايال ئىكەنلىكىنى ئىسپاتلاپ بېرىشتىكى ئەڭ چوڭ ئىسپات ئىدى.
_ ھە ، نېمە بولدى ؟ - دەپ سورىدى بۇ ئايالغا تىكىلىپ .
_ سېسىق ھاراقنى ئىچىپ ئوتۇرىۋېرەمسىلەر يىگىتلەر ؟ قەلبىڭلارنى لالغا سالغىدەك گۇزەل قىزلار پاقا تەشكەن سويمىدەك قاراپ تۇرىۋاتسا سىلەر قانداقمۇ جىم ئولتۇرۋاتقانسىلەر ؟
بىز سورۇنغا بىرىلىپ كەتكەن بولغاچقا دېرىزىدىن بىزگە قاراپ تۇرىۋاتقان قىزلارنى كۆرمىگەن ۋە ياكى كۆرگەن بولساقمۇ ئانچە ئېتىبارغا ئېلىپ كەتمىگەن ئىدۇق .
_ خالىمامسىلەر ياكى باشقا سەۋەپ بارمۇ ؟ _ ، ھېلىقى ئايال قۇلىدا ئاغىزىنى تۇسىۋېلىپ خىقىراپ كۇلۇپ كەتتى ، _ ياكى جۇرئەت قىلالمايۋاتامسىلەر ؟
بىز ھىممىمىزنىڭ كۆزلىرى دېرىزىگە تىكىلگەن بۇلۇپ ، ئۇئايالنىڭ گېپىگە ئانچە ئېرەن قىلىپ كەتمىدۇق .
_ ھاراقلا ئىچىمىز قانداق ؟ ياتاقنى بىر كۇنلۇك ئىجارىگە ئالغاندىن كېيىن نېمە قىلساق ئۆزىمىزنىڭ ئىشى سەن بۇنىڭغا ئارلاشمىساڭمۇ بۇلىدۇ .
_ ۋايجان ما قىلتىرىقنىڭ گېپىنى ، - ئۇ دېمىنى قېقىپ قويغىنىچە ياتاقتىن چىقىپ كەتتى .
مەن باشقا بالىلارغا قارىغاندا سەل ئۇرۇقراق بولغاچقا ئۇ ئايالنىڭ گېپى دەل جايىغا كەكگەن بولغاچقا ، ياتاقداشلىرىمۇ ھەم پىخلداپ كۇلۇشكە ئۇلگۇردى .
_ قىزلار سىلەر بىلەن بىرگە ئىچىشىپ بىرىمىز دەيدۇ ، _ ھېلىقى ئايال ياتاققا بېشىنى تىقىپ بىزلەرگە قاراپ ئېيتتى.
مەن سورۇن ساقىسى بولغاچقا ياتاقداشلارنىڭ كۆزى ماڭا تىكىلگەن ئىدى . مەن ئېنىق بىر نەرسە دېيەلمىدىم .چۇنكى بىز ھاراق ئىچىپ خېلى ۋايىغا يەتكەن بولغاچقا ، قىزلارنىڭ يانچۇقىمىزنى ((كولاپ)) قۇيۇشىدىن ئەنسىرەپ قالدىم .
_ جاۋاپ بەرمەملا غاز بۇيۇن ؟
ھېلىقى ئايال باياتتىن مىنى (( قىلتىرىق)) قا ئوخشاتسا مانا ئەمدى (( غاز)) غا ئوخشىتىۋاتاتتى .
_ قانداق قىلساڭ قىلمامسەن ؟ ، - مەن بۇئايالنىڭ گېپىگە ئاچچىقلىنىپ قالغان ئىدىم .
بىر تۇركۇم قىزلار يۇگۇرۇپ دېگىدەك ياتاق ئىچىگە كىرىپ كەلدى ۋە ھەر بىرىمىزنىڭ ئوتتۇرسىغا قىستىرىپ كىردى،
_ قىزلىرىم ، (( مۇشۇك بىكارغا ئاپتاپقا چىقمايدۇ )) جۇمۇ ، ئۆزەڭلەرگە پەخەس بۇلۇڭلار ..
ھېلىقى ئايال شۇنداق دېگەنچە كۇلۇپ كەتتى .
_ خوپ خانئاچا ، گىپىڭىزنى ئاڭلايمىز ، - قىزلار چۇرقىرىشىپ جاۋاپ بىرىشتى .
_ مەنمۇ ئولتۇرۇشۇپ بېرەيمۇ قانداق ؟ ، - ھېلىقى ئايالنىڭ ئاۋازى يەنە ئاڭلاندى .
_ سەنمۇ بۇ سورۇندا ئولتۇرىۋالساڭ (( قوي ئارىسىغا ئۆچكە كىرىپ قالغاندەك )) بولمامدۇ ؟ ، - دېدى ئەخمەت ، يېنىدىكى قىزغا قاراپ قۇيۇپ ، _ قايىت ،قايىت ، قايىت .
بىز ھەمىمىز قاقاقلىشىپ كۇلۇپ كېتىشتۇق . ھېلىقى ئايال ((سەنلەرگە گەپ قىلغىچە ئارىمىمنى ئالايچۇ)) دېگىنىچە چىقىپ كەتتى .
باياتتىن ھاراق تەسىرىدە كۆزلەر خۇمارلىشىپ ئۇيقۇ لەشكەرلىرى كۆزلەرگە ھۇجۇم قىلىپ ، يۇمۇلۇشقا باشلىغان كۆزلەر ھازىر قايتىدىن تىتىكلىشىپ ، يېنىدا ئولتۇرغان قىسقا يوپكا كاسىلىرىنى ئاران قىزلارغا تىكىلىۋاتاتتى .
_ تۇتە مەخمۇت ، بۇ رومكا ساڭا كەلدى ، - مەن ھاراق قۇيۇلغان رومكىنى مەخمۇتقا سۇندۇم .
مەخمۇتقا سۇنۇلغان ھاراقنى ئەخنەت ئېلىۋالدى ۋە ماڭا قايناشقا باشلىدى :
_ قانداق ساقىسەن ؟ قىزىل گۇلدەك قىزلار سورۇنغا كەلسە ئۇلارغا ھۆرمەت (( سوۋغىسى)) قىلمامسەن . كىچىكتە-سەن ، كىچىك .
_ قېنى ئايپاشا ، بۇ رومكىنى گۇپپىدە قىلىپ ، - ئۇ ئوڭ يېنىدىكى قىزغا رومكىنى سۇندى.
_ ھەي يىگىت ، مېنىڭ ئىسمىم ئايپاشا ئەمەس ، بەلكى ئايجامال جۇمۇ ، - دېدى قىز .
_ ئايلىناي ، ەېپىڭىزدى ئايلىناي ، يەر جامال .
سورۇن ئەنە شۇنداق داۋام قىلىۋاتاتتى ، ئەمما سورۇن يېڭى باشلانغاندىكىدەك ئۇنچىلىك قىزىمىدى . چۇنكى قىزلارنىڭ سورۇنغا قۇشۇلۇشى بىلەن ((دوستۇم ساڭا گېپىم بار )) باشلىنىپ كەتكەن بولغاچقا ، بىر - بىرىلىرىنىڭ قۇلاقلىرىغا پىچىرلىشىپ ، غەلىتە مەنىلەردە كۇلۇشۇپ قۇيۇشاتتى . بېقىنىمنى چىمداشتىن چۆچۇپ سول يېنىمغا قارىدىم . بېقىنىمدىلا ئوتۇرغا قىز ماڭا گەپ قىلىۋاتاتتى :
_ نېمەنچە مۇڭلىنىپ ئولتۇرىسىز ؟
كۆزلىرىم يۇمۇلۇشقا باشلىغان ئىدى . كۆزلىرىمنى ئۇگىلىۋېتىپ سورۇنغا قارىدىم . سورۇندا ماڭا گەپ قىلغان قىز ۋە مەندىن باشقا ھىچ كىم كۆرۇنمەيتتى .
_ باشقىلار قېنى ؟ ، - مەن ئەجەپلىنىپ سورىدۇم .
_ ئۇلار ھاجەتخانىغا چىقىپ كېتىشتى .
قىز شۇنداق دېگىنىچە رومكىغا ھاراق قۇيۇپ ، ماڭا (( خوشە )) دەپلا ئىچىۋەتتى . قارىماققا ئۇنىڭ ئاچچىقى كىلىپ قالغاندەك قىلاتتى . ئۇ ئورنىدىن قۇپۇپ قۇلۇمىنى تارتتى . مەن ئۇنىڭغا ((نېمە )) دېگەن مەنىدە قارىدىم .
_ يۇرىڭە مېنىڭ ياتىقىمغا چىقايلى .
ئۇ شۇنداق دېگىنىچە قۇلۇمنى تارتىپ مېنى سۆرىگەندەك قىلىپ ياتاقتىن ئېلىپ چىقتى ۋە 3-قەۋەتكە سۆرەپ ماڭدى . پۇت-قوللۇرۇم چوڭ مىڭەمنىڭ كونتىروللىغىدىن چىقىپ كەتكەندەك كالامپايلىشىپ كېتىۋاتاتتى .
ئۇمىڭ ياتىقى پاكىز بۇلۇپ ، بىر خىل خۇشپۇراق دېماقلارغا ئۇرۇلاتتى . ئۇ مىنى ئىككى كىشلىك لۆم-لۆم كارىۋاتقا ئولتۇرغۇزۇپ كارۋات بېشىدىكى كىچىك بىر قۇتىدىكى دورىلاردىن ئىككىنى ماڭا ئۇزاتتى .
_ نېمەڭ بۇ ؟ ، - پۇت - قۇلۇمدا جان بولمىسىمۇ كاللام خېلىلا سەگەك ئىدى .
_ بۇدېگەن مەسلىكنى يېشىدىغان دورا ، - ئۇ پەرۋاسىزلارچە جاۋاپ بەردى .
_ مەسلىكتى يېشىدىغان دورىنىڭ بارلىقىنى مەن ئەجەپ بىلمەيدىكەنمىنا ؟
_ سىلەردەك ئىش كۆرمىگەن ئالىي مەكتەپ ئوقۇغۇچىلىرى نېمىنى بىلەتتىڭلار ؟
مەن ئۇنىڭ گېپىدىن ھەيران قالدىم . بىز بۇ مېھمانخانىغا كىرىشتىن ئاۋال سالايىتىمىزنى ئاشكارلىماسلىققا ۋەدە قىلىشقان ھەم بۇ يەردە ئۆزىمىزنىڭ ئالىي مەكتەپ ئوقۇغۇچىسى ئىكەنلىكىمىزنى ئېيتمىغان ئىدۇق . ئۇنىڭ قۇلىدىكى دورىلارنى يۇتىۋەتتىم . كۆڭلۇمدە ئۇنىڭغا نەپرەتلىنىش تۇيغۇسى ئەمدىلىكتە ئۇنىڭغا ئىشىنىشكە ئايلانغان ئىدى . ئۇ يۇمران قوللىرىدا مېنىڭ ئىككى چېكەمنى ئۇگىلاشقا باشلىدى .
ئالاھەزەل ئون نەچچە مىنۇتلاردىن بولسا كېرەك كاللام خېلىلا سەگىپ قالغان بۇلۇپ ، كۆزلىرىمدىكى چارچاش ۋە ئۇيقىسىراش ئالامەتلىرى نە-نەلەرگىدۇر غايىپ بولغاندەك قىلاتتى . مەن بېشىمنى چايقىدىم ، ئۇ قوللىرىنى چۇشۇرۇپ ماڭا تىكىلىپلا تۇراتتى . دېمەك ئۇ مەندىن بىر نەرسە سورايدىغاندەك قىلاتتى .
_ ئىسمىڭىزنى بىلسەم بۇلامدۇ ؟ ، - بۇ ئۇنىڭ ماڭا قىلغان ئۇچىنىجى سۆزى ئىدى .
_ ئەكرەم ، - مەن قانداقلارچە ئىسمىمنى ئۇنىڭغا دەۋەتكەنلىكىمنى بىلەلمەي قالدىم .
ئۇ (( ئۇھ )) دېگىنىچە ئېغىر تىنىپ قويدى .
_ بۇمۇ ساڭا بىر تۇرمۇش بولدىمۇ ؟ ، - مەن ئۇنڭدىن سورىدۇم .
ئۇنىڭ شۇنچە چىرايلىق تۇرۇپ قانداقلارچە بۇنداق يەرگە كىرىپ قالغانلىقىنى بىلمەكچى ئىدىم .
_ تۇرمۇش ؟ ، - ئۇ قاقاقلاپ كۇلۇپ كەتتى . مىنى سەل سۇر باسقاندەك بولدى .
_ بۇنى تۇرمۇش دېگندىن كۆرە ئازاپ دېڭىزى دىيىش كېرەك .
مەن ئۇنىڭ مۇنداق جاۋاپ بىرىشىنى پەقەتلا ئويلاپ باقمىغان ئىدىم .
2- باپ ئاخىرلاشتى .
3-باپ خاتا بېسىلغا بىر قەدەم