ئانجىلىنا جۇلى بىلەن ئاكىسى جامېس ھاۋېن

چەتئەل تاراتقۇلىرىنىڭ خەۋەر قىلىشىچە، ھوللىېۋودتنىڭ داڭلىق كىنو ئارتىسى ئانجىلىنا جۇلى بىلەن داڭلىق چولپان بىراد پېتنىڭ توي مۇراسىمى يېقىنلىشىپ قالدى. يېقىندا جۇلى ئۆزىنىڭ قىز قولدىشىنى ئاشكارلاپ ھەممەيلەننى ھەيران قالدۇردى. ئادەتتە قىزلار توي قىلسا ئەلۋەتتە قىز دوستىنى قىز قولدىشى قىلىدۇ. لېكىن جۇلى ئۆزنىڭ ئاكىسى جامېس ھاۋېننى قىز قولدىشى قىلماقچى ئىكەنلىكىنى ئاشكارلىغان.

ئىچكى ئەھۋاللاردىن خەۋەردار بىرەيلەن ژورنال تەرەپنىڭ مەخسۇس زىيارىتىنى قوبۇل قىلىپ، مۇنداق دېگەن:«جامېس كىچىك سىڭلىسى جۇلىنىڭ تەكلىپى بىلەن ئۇنىڭغا قىز قولداش بولماقچى. جۇلى ئەزەلدىن ئەرلەر بىلەن يېقىن مۇناسىۋەت ساقلاشقا ئامراق.»دېگەن. ئەمەلىيەتتە، 2010-يىلى جۇلى مەلۇم بىر ژورنالنىڭ زىيارىتىنى قوبۇل قىلىپ، ئۆزىنىڭ قىز دوستلىرىنىڭ ئانچە كۆپ ئەمەسلىكىنى، ئۆزىنىڭ ئاممىۋى مۇناسىۋەتكە ئۇنچە ماھىر ئايال ئەمەسلىكىنى،شۇڭا دوستلىرىنىڭمۇ ئۇنچە كۆپ ئەمەسلىكىنى ئېيتقان ئىدى.

ئانجىلىنا جۇلى بىلەن ئاكىسى جامېسنىڭ مۇناسىۋېتى ئىنتايىن ياخشى بولۇپ، 2000-يىلى ئوسكار ئالتۇن مۇكاپاتىنى تارقىتىش مۇراسىمىدا ئىككەيلەن سەھنىدە قىزغىن كۆرۈشۈپ ئىنتايىن يېقىن مۇناسىۋەتتە بولغان. جۇلى ئۆزى رېژىسسورلۇق قىلغان «قان ۋ ھەسەل ئارىلاشقان جاي»ناملىق فىلىم تۇنجى قويۇلغاندىمۇ ئاكىسى جامېس نەق مەيدانغا كېلىپ جۇلىنى تەبرىكلىگەن.

گەرچە جۇلى قىز قولدىشىنى ئاكىسى جامېس دەپ بېكىتكەن بولسىمۇ لېكىن توي مۇراسىمى ئېلىپ بېرىلىدىغان ئېنىق ۋاقىت تېخى ئاشكارلانمىغان. جۇلى بىلەن پېت بۇ جەھەتتە يەنىلا ئېھتىياتچان بولۇۋاتماقتا.