ئامېرىكا تاراتقۇلىرىنىڭ خەۋەر قىلىشىچە، ئامېرىكىنىڭ داڭلىق رېژىسسورى، ئېممىي مۇكاپاتى مەڭگۈلۈك غەلىبە قازانغۇچى مۇكاپاتىغا ئېرىشكۈچى ستېۋ سابول مېڭە راكى بىلەن 69يېشىدا ۋاپات بولدى. ئۇ NFL كىنو شىركىتىنىڭ قۇرغۇچىسى ئىدى.

2011-يىلى تۇيۇقسىز تۇتقاقلىق كېسىلى تۇتقان ستېۋ سابول دوختۇرخانىغا بېرىپ تەكشۈرتكەن. نەتىجىدە ئۇنىڭ مېڭىسىدە بىر يامان سۈپەتلىك ئۆسمىنىڭ بارلىقى ئېنىقلانغان. ئۇنىڭدىن ئېتىبارەن ئۇ تەكشۈرۈپ داۋالاشنى قوبۇل قىلغان. ئامېرىكا ۋاقتى 9-ئاينىڭ 18-كۈنى ستېۋ سابول داۋالاش ئۈنۈم بەرمەي ھاياتىدىن ئايرىلغان. «NFL»كىنو شىركىتىنىڭ خادىمى روگېر گودېل تەزىيە نۇتقى يېزىپ :«ستېۋ سابول NFLكىنو شىركىتى پەردە ئارقىسىدىكى ھەقىقىي ئىقتىدار ۋە ئىجادىيەت كۈچىگە ئىگە تالانتلىق ئادەم ئىدى»دېگەن.

روگېل گودېل يەنە «ستېۋنىڭ زەيتۇن توپقا بولغان قىزىقىشى ئۇنىڭ قالتىس تالانت ۋە ئىقتىدارى بىلەن زىچ بىرلەشكەن. ستېۋنىڭ قالدۇرغان مىراسلىرى مەڭگۈ NFL كىنو شىركىتى تارىخىنىڭ بىر قىسمى بولالايدۇ. ئۇ بۇ شىركەتنىڭ تەرەققىي قىلىپ روناق تېپىشى ئۈچۈن زور تۆھپىلەرنى قوشقان. ئۇ بىزنىڭ زەيتۇن توپ شۇنىڭدەك باشقا مۇسابىقىلەرنى كۆرۈش ئادىتىمىزگە تەسىر قىلدى ۋە ئۆزگەرتتى. ئۇ ھەقىقەتەنمۇ ئىنتايىن ئۇلۇغ زات»دېگەن.

ستېۋ سابول 1964-يىلىدىن باشلاپ دادىسى بىلەن بىرگە خىزمەت قىلغان. ئۇلار بىرلىكتە تەنتەربىيە مۇسابىقىسىنى نەق مەيداندىن تارقىتىش جەريانىدا نۇرغۇن ئىجادىيەتلەرنى بارلىققا كەلتۈرگەن. زەيتۇن توپ ئاستا كۆرۈنۈشىنى قايتا قويۇش ئۇلار ئىجادىيىتىنىڭ بىر تۈرى. بۇ ھازىر ھەر قانداق تەنتەربىيە مۇسابىقىسىنى كۆرسىتىشتە كەم بولسا بولمايدىغان ئايرىلماس بىر قىسمى بولۇپ قالدى.