قانداق ئاياللار تەنتەربىيە ساھەسىدىكى چولپانلارغا ئەڭ ماس كېلىدۇ؟ قانداق ئەرلەر پاراسەتلىك گۈزەللەرگە ئەڭ ماس كېلىدۇ؟ بەلكى سېھرىي كۈچكە باي سالاپەتلىك تەنتەربىيە چولپانلىرى بىلەن تەنناز ھەم چىرايلىق دۇنيا گۈزەللىرىنىڭ ئاشق-مەشۇق بولۇپ قېلىشى نۇرغۇن كىشىلەر ئارزۇ قىلىدىغان نەتىجە بولۇشى مۇمكىن. ئۇلار نام-ئاتاق قازانغان، پاراسەتلىك ھەم كېلىشكەن تەنھەرىكەتچىلەردۇر، ئۇلار ئەقىل جەھەتتە ئېشىپ چۈشكەن بولماستىن جەلپكار لاتاپىتى بىلەن كىشىنى مەست قىلغۇچى گۈزەللەردۇر.
ئولىمپىك چېمپىيونى ليۇ شياڭ بىلەن دۇنيا گۈزىلى جاڭ زىلىننىڭ مۇھەببەت مۇناسىۋىتى ئىزچىل كىشىلەر ئەڭ قىزىقىدىغان تېمىلارنىڭ بىرى بولۇپ، جاڭ زىلىنمۇ ئىلگىرى ليۇ شياڭ بەك كېلىشكەن دېگەن. گەرچە ئىككىيلەننىڭ مۇھەببىتى ئۇزۇنغا بارمىغان بولسىمۇ لېكىن ئۇلار ھەقىقەتەنمۇ ئالتۇن ئۈزۈككە ياقۇت كۆز قويغاندەك قاملاشقان بىر جۈپلەر ئىدى. جاڭ زىلىن 57-قېتىملىق دۇنيا گۈزىلىنى تاللاش مۇسابىقىسى ھەل قىلغۇچ ئومۇمىي مۇسابىقىسىنىڭ چېمپىيونى بولۇپ، ‹دۇنيا گۈزىلى ›شەرىپىگە ئېرىشكەن ھەمدە جۇڭگودىن چىققان تۇنجى دۇنيا گۈزىلى بولۇپ قالغان.
ئولىمپىك تەنھەرىكەت يىغىنىدىن كېيىن سۇ ئۈزۈش ماھىرى فىلپس بۇ ساھەدىن چېكىنىپ، مۇھەببەتلىك تۇرمۇشتىن ھۇزۇرلىنىدىغانلىقىنى ئاشكارىلىدى. يەنە بىر داڭلىق چولپان رىيان روچېتمۇ بىكار يۈرمىگەن بولۇپ، ئامېرىكا تاراتقۇلىرى بۇ كېلىشكەن چولپاننىڭ ئامېرىكا گۈزىلى بىلەن ئۇچرىشىپ تۇرۇۋاتقانلىقىنى ئاشكارىلىغان. ئالدىنقى ھەپتىدىكى مودا يىغىلىشىدا روچېت يېڭى بىر قېتىملىق گۈزەللەرنى تاللاش مۇسابىقىسىنىڭ چېمپىيونى ئولىۋىيا كۇئېرپو بىلەن ئىنتايىن يېقىن مۇناسىۋەتتە بولغان، تارقىلىشىچە، ئىككىيلەن بىر-بىرنى ياخشى كۆرۈپ قالغان. ئولىۋىيا كۇئېرپو 2012-يىللىق ئامېرىكا گۈزىلىنىڭ تاللاش مۇسابىقىسىنىڭ چېمپىيونى. ئۇ ھەقىقەتەنمۇ ئىنتايىن گۈزەل.
پاركېر ئېۋۋا بىلەن ئاجرىشىپ كەتكەندىن كېيىن يېڭى بىر مۇھەببەت يولىغا قەدەم قويغان بولۇپ، بۇ قېتىم ئۇنىڭ بىلەن مۇھەببەت ئوتونى يالقۇنلاتقىنى ئۇنىڭ يۇرتدىشى ،ئوخشاش فرانسىيىدىن كەلگەن 20ياشلىق باربارا مورېئېل. باربارا مورېئېل 2010-يىلى فرانسىيە گۈزىلىنى تاللاش مۇسابىقىسىگە قاتنىشىپ، قالتىس ماھارىتى ۋە گۈزەللىكى بىلەن چېمپىيونلۇققا ئېرىشكەن. ئۇ گۈزەللەرنى تاللاش مۇسابىقىسىنىڭ چېمپىيونى بولۇپلا قالماي يەنە ئوقۇغۇچىلىق سالاھىيىتىگە ئىگە بولۇپ، پروۋېنس رايونى رونا دەريا ئېغىزى شىلانبىسكا ئىنستىتۇتىدا سودا سانائەت كەسپىنى ئوقۇۋاتىدۇ.
پوئېرتو رىكودىن كەلگەن ئارقا مۇداپىئىچى JJ·بارىيا ھازىر ئىلگىرىكى دۇنيا گۈزىلىنى تاللاش مۇسابىقىسىدە چېمپىيون بولغان زۇلىقە رىۋىرا بىلەن ئارىلىشىۋاتقان بولۇپ، زۇلىقەمۇ پوئېرتو رىكودىن. ئۇ بۇ يىل 24ياشقا كىرگەن، بوي ئېگىزلىكى بىر مېتىر 75سانتىمېتىر، 2006-يىلى پوئېرتو رىكو گۈزىلى ۋە يەر شارى گۈزىلى بولغان. ھازىر بولسا داڭلىق كىنو چولپىنى.
ئىسپانىيەلىك NBA ۋاسكىتبول چولپىنى رۇدي فېرناندېزنىڭ قىز دوستى ھېلىن فلايىندرسمۇ 2000-يىللىق دۇنيا گۈزىلىنى تاللاش مۇسابىقىسىنىڭ چېمپىيونى بولغان. ھازىر كەسپىي مودېل.
NBA بۈركۈت كوماندىسى ماھىرى ئال ھورفورد 2011-يىلى دومىنىكادىن كەلگەن ئامېلىيا ۋېيجا بىلەن توي قىلدى. ئامېلىيا 2003-يىلى يەر شارى گۈزىلى بولۇپ تاللانغان بولۇپ، بۇ يىل 27ياش. ئۇ 18ياش ۋاقتىدىلا دومىنىكادىن چىققان تۇنجى يەر شارى گۈزىلى بولۇپ قالغان. ھازىر ئۇ مىئامىدا تۇرۇۋاتقان بولۇپ، داڭلىق ماركىلىق ئېسىل كىيىم-كېچەك دۇكىنىدىن ئىككىنى ئاچقان ھەمدە تېلېۋىزىيە پروگراممىسىنىڭ رىياسەتچىسى بولغان. بۇ يىل يەنە تۇنجى ناخشا پلاستىنكىسىنى چىقارغان. ئامېلىيانىڭ تاغىسى داڭلىق مۇزىكانت جون لوئىس جېللار بولۇپ گراممىي مۇكاپاتىغا ئېرىشكەن.
