ھوللېۋود فىلىمى «پىدائىيلار ئەترىتى 2» دىكى رامبوغا نەزەر - huxhuy online----Sports|world News|it News|china News|Local News Business

سىلۋىستېر گاردىنىزو ستەللون يەنى بىزگە تونۇشلۇق بولغان رامبونىڭ رولىنى ئالغان 1946-يىلى 7-ئاينىڭ 6-كۈنى ئامېرىكىنىڭ نىيويورك شەھىرىنىڭ مانخاتتون دېگەن يېرىدە تۇغۇلغان. سىتەللوننىڭ دادىسى فىرانك بىر ساتىراش، ئاپىسى جېكلىن بولسا خور ئەترىتىنىڭ ناخشىچىسى. سىتەللون كىچىك ۋاقتىدا باشقىلارنىڭ ئۆيىدە چوڭ بولغان بولۇپ، ئۇ ئادەتتە رەسىملىك كىتابلارنى كۆرۈش ئارقىلىق ئىچ-پۇشۇقىنى چىقىراتتى. ئۇ كىتابتىكى قەھرىمانلارنى دورايمەن دەپ ئون نەچچە قېتىم پۇت-قوللىرىنى ۋە قوۋۇرغىلىرىنى سۇندۇرۇۋالغان ئىدى. قىزىقارلىق بولغىنى شۇكى، سىتەللوننىڭ ئاپىسى ئۇنىڭغا پال سالغۇزۇپ، ئۇنىڭ يېزىقچىلىق جەھەتتە ئۇتۇق قازىنالايدىغانلىقىنى ئېيتقان. شۇنىڭ بىلەن سىتەللون سېنارىيە ئىجادىيىتىنى باشلىغان. ئۇ باش رول ئالغان «لوچى»، «بىرىنچى تامچە قان» ناملىق فىلىملەر ئۇنىڭ ھوللېۋودتىكى ھەرىكەتلىك فىلىم چولپانلىق ئورنىنى تىكلىگەن.
سىتەللون رول ئالغان «روككى»، «بىرىنچى تامچە قان» ناملىق فىلىم ھوللېۋودقا 20 مىليارد ئامېرىكا دوللىرى كىرىم يارىتىپ بەرگەن. شۇنىڭ بىلەن سىتەللون ھوللېۋودنىڭ «تىللا تۆكۈلىدىغان دەرەخ» ىگە ئايلىنىپ قالغان. سىتەللون ھەرىكەتلىك فىلىملەردە رول ئېلىپ قاتتىق داڭلىق چىقىرىپ كەتكەن بولسىمۇ لېكىن ئۇ يەنىلا رول ئېلىش جەھەتتە باشقىچىرەك يولدا مېڭىپ بېقىشنى خالايتتى. شۇنىڭ بىلەن ئۇ باشقا نۇرغۇن ئارتىسلارغا ئوخشاشلا يولىنى ئۆزگەرتىپ باقماقچى بولدى. بىراق ئۇ بۇ يولدا ئارقا-ئارقىدىن مەغلۇبىيەتكە ئۇچرىدى. كىشىلەر كاستۇم-بۇرۇلكا كىيگەن، گالستۇك تاقىۋالغان سىتەللوننى كۆرۈشنى خالىمىدى. يەنىلا ئۇنىڭ ھەرىكەتلىك فىلىملەردىكى قەھرىمان ھالىتىنى كۆرۈشنى خالىدى. شۇنىڭ بىلەن سىتەللون يەنىلا ھەرىكەتلىك فىلىم ساھەسىدە قاپسىلىپ قالدى. قايتىدىن ھەرىكەتلىك فىلىم ساھەسىگە قايتىپ كەلگەن سىتەللون چۆلدە قالغان بېلىق قايتىدىن سۇغا قايتىپ كەلگەندەك، بۇ ساھەدە داۋاملىق غەلىبە قازىنىپ كەلدى. ئۇ «كۆزەينەكلىك يىلان»، « يوقاتقۇچى»، «تۈرمىدىن قېچىش»، «خرۇستال»، « ئەسىر كىنوخانىسى»، «سوتچى دىلات»، «بومبا مۇتەخەسسىسى»، «چوقىدىن ھالقىپ ئۆتۈش»، قاتارلىق فىلىملەرنى، 1997-يىلغا كەلگەندە بولسا «ساقچى لەند» ۋە «قوغلاپ يوقىتىش» ناملىق فىلىملەرنى ئىشلىدى. ئۇ «چوقىدىن ھالقىپ ئۆتۈش» فىلىمىدە باش تول ئېلىپ 15 مىليون ئامېرىكا دوللىرىغا ئېرىشىپ شۇ ۋاقىتتىكى دۇنيا رېكورتىنى ياراتتى. سىتەللوننىڭ رول ئېلىش تېخنىكىسى پۈتۈن جامائەتچىلىكنى قايىل قىلدى.