ئەنگىلىيە پوچتا گىزىتىنىڭ 9-ئاينىڭ 17-كۈنىدىكى خەۋىرى، ئەنگلىيەلىك ھەممىگە تونۇشلۇق بولغان ئادەم بەدىنىنى رەسىم قەغىزى قىلالايدىغان ئۇستا رەسسام كەرولاين روپىر يېقىندا تېلېۋىزىيە ئىستانسىسى تەرىپىدىن تەكلىپ قىلىنىپ،شەھەردىكى ئاممىۋى ئاپتوبۇس، كىرا ماشىنىسى،ۋە ھەرخىل يايمىلاردا ئۇنىڭ يوشۇرۇن خاراكتېرلىك ئەسەرلىرى كۆرگەزمە قىلىندى.
ئۇنىڭ شۇ ئەپچىل قولى بىلەن مودېللارنىڭ بەدىنى ھەر خىل بوياقلار ئارقىلىق، كوچىدىكى ماشىنا ،ياكى كۆكتات يايمىلىرى بىلەن مۇتلەق «بىر گەۋدە»بولۇپ كېتەلەيدۇ.مەسىلەن مەلۇم ئاممىۋى ئاپتوبۇستا،ئەڭ كەينىدىكى ئورۇندا ئولتۇرغان بىر مودېلنىڭ مۈرىسىنىڭ ئۈستى تەرىپى، ۋە بەدىنىنىڭ ئوتتۇرىسى ۋە پۇتى ئاق ، قارا، قىزىل بويىلىپ يېنىدىكى دېرىزە ۋە ئورۇندۇق، پول قاتارلىقلار بىلەن ئوپمۇ ئوخشاش تۈسكە كىرگەن.قارىماققا خۇددى شۇ يەردە كۆرۈنمەس بىر ئادەم تۇرغاندەكلا تەسىر بېرىدۇ.يەنە بىر مودېل بولسا كۆكتات يايمىسىغا چۆكۈپ كەتكەن بولۇپ،پۈتۈن بەدىنىگە كۆكتاتلارنىڭ ھەرخىل شەكىللىرى چىقىرىلغان، يوشۇرۇن ئۈنۈمى كىشىنى بەكمۇ ھەيران قالدۇرىدۇ.